بليز ساعدوني ممرا متوهقه .. اخر ترم موارد بشريه :(

[يارب ساعدني]

السلام عليكم

لو سمتوو احد يساعدني وربي موو فاهمه شي

انا بقيلي 24 ساعه على التخرج وزبطت جدولي انو 18 ساعه دا الترم

والترم الجاي 6 ساعات واتخرج

اتفاجا دحين انهم حاطليلي 24 ساعه واتخرج رجعت حدفت مادتين ورجعو ضافوها ليا تاني ودحين لما اجي على الحدف والاضافه كدا يكتبلي هدا الفصل الدراسي غير متاح لاعداد التسجيل (ايش يعني ) هذا الفصل الدراسي غير متاح لإعداد التسجيل. برجاء اختيار فصل دراسي آخر أو الرجوع إلى القائمة وتحديد خيار مختلف.

هذا الفصل الدراسي غير متاح لإعداد التسجيل. برجاء اختيار فصل دراسي آخر أو الرجوع إلى القائمة وتحديد خيار مختلف.

ليس هناك فصل دراسي متاح
انا عادي ماعندي مشكله بس مني عارفه المطلوب مني عشان اتخرج

دا جدولي


مقدمة في ادارة الاعمال الدولية

مبادىءالاقتصاد الكلي

تسويق الاعمال

قضايا عالمية في ادارة الموارد

تطبيقات الحاسب الالى في الموار

ادارة استراتيجية

تدريب تعاوني

استخدام خدمات الرعاية الصحية


طيب يعني كلها مواد عاديه ادرسها زي كل سنه الا التدريب التعاوني اتدرب في شركه ولا كيف ؟

وانا لسا ماسويت شي ماقدمت حق االي اشوفهم متوقعين تخرجهم مدري فاتني ولا لا

ومتى اتدرب وكيف

بللييييييززززز ساعدوني اش المواد دي وايش اسوي عشان اتخرج ومتى ابدا اتدرب وهل بحث التخرج هوا نفسو التدريب يعني لو اتدربت مااحتاج اسوي بحث تخرج ولا ايششششش


وربي حبكي مني عارفه شي

[Ebrahrm]

لاتبكي ولاشيء ههههههههه

بالنسبه انهم كتبولك الفصل غير متاح لاعداد التسجيل . هما دحين بيحاولو يزبطو الجدول حسب رغبتك ويشوفو لو كان في مجال انو تحذفي مادتين وتدرسيها الترم الجي

وبالنسبه للمواد : اقتصاد كلي راح يكون عملي في حساب حبتين

مقدمة ادارة اعمال دوليه فيها حفظ لانها دسمه شويه
المواد الباقيه ماعندي خلفيه فيها صراحه


وان شاء الله كنت قدرت افيدك

[يارب ساعدني]

يسلمووو بس لسسسسساااا حبكي مني عارفه شي وحدا ساعدني

[مجاريح]

اليوم الكل مكتوب عنده فصل غير متاح تطمني ..

[عبدالرحمن بن عبدالله]

راح افيدك بخصوص التدريب التعاوني

انا ماخذه الترم اللي فات
هو تطبيق باحد الشركات او الدوائر الحكومية
اذا انتي موظفة تقدرين تدربي بنفس الدائرة اللي انتي فيها او الشركه
بعدين التدريب لمدة 10 او 15 يوم خلالها تكتبين تقرير عن اللي مارستيه بالتدريب

وافضل حل لك ادخلي على ملفات الدكتوره واطبعي تقرير التدريب وتقيم التدريب عشان تقدمينها على الشركة او الدائرة الحكومية وشوفي السلايدات حقت التدريب لنفس الدكتوره يمكن طالبه بحث مو تقرير تاكدي من موقع الدكتورة نفسها

وبالتوفيق ان شاءالله