بخصوص الهندسه الموازي

[HIGH]

إذا هذا آخر كلام عندهم ، فـ كلها 4 سنين بإذن الله و إنت مخلص ،
الهندسة تستاهل إنك تتحمل عشانها ماشاءالله ،
وفي ناس انتظام وتكون ماده عندهم بالمغرب عادي ،
اهم شي لا تجلس تأزم بنفسك و ربنا حيعينك ويعيننا بإذنه لا إله إلا هو ،
ممكن الموازي أخير لك و لدراستك وتحصيلك و ممكن يناسبك الدوام مسائي .. ربنا يطمن قلوبكم و يوفقكم .

[mr.obadah]

ياعمي زي ماقال الاخ سلطان ....لما تتخصص وبتصير مهندس كهربائي ولا كيميائي ولا اي تخصص ويكون عدد الطلاب محدود ....تغباه يجيك دكتور ع المغرب ؟؟؟ ويدرسك انت لحالك ولا كم طالب معاك ؟ سلامات ...صدقني حايرجعونا انتظام بس انت اصبر وشد حيلك ...هيا كلها سنه واذا مازبطت .. وحاول احد يتوسطلك ..لانها واسطتها عاديه ..انت مابتنقل من كليه لكلية ولا من جامعه لجامعه ...هيا كلها هرجة معدل... ولاتياس وإن شاء الله نتوفق وننقل كلنا ونسوي عشوه 024

[khalid al]

هذا الكلام كله كذب بكذب العميد والدكتور كلهم مايدرون وين ربي حاطهم لانها اول سنه

صدقوني ان الدوام بيكون بصباح ومسالة التحويل حتكون انت وحظك

السالفه كلها في ناس كثير يسحبون اول ترم او ثاني ترم لما كل واحد يسحب يحطوك بداله والافضليه للي معدله اعلى

ومن ناحية الدوام بصباح لان في مواد دكاترها قليلين مستحيل حيجوك المغرب

واكبر دليل موازي الطب يدوامون معاهم وطبها التحويل لمكافاه بطب اكثر لان في طلاب اكثر مايمشو فيه فيحولون

هذي كل السالفه ولو في دوام بالعصر او المغرب بتكون لكم ماده بس ومو كل الايام

ولما ينزل الجدول حتتذكرو كلامي

[mr.obadah]

الله يسمع منك ....انا كمان اتوقع نفس كلامك ....بس برضو الصبر الصبر ....

[Abu 3abed]

ان شاء الله سنة وحده وتعدي ياشباب ممكن مع التخصص يتعدل كل شيء !
الله يعينكم

[3azoz]

ي شباب انا وربي كنت شايل هم لكن دحين تراكها كدا عوافي

م وقفت على مكافأأه ولا وقفت ع دوام المساء

بكره نتخرج ناخد مبلغ وقدره

وان شاء الله انو كلامهم كلو غلط في غلط

كل شي راح يبان بعد العيد الصبر جميل

ومهمى كان ترا اسمو انك دخلت هندسه يعني شي ككككبير

الله يوفق الجميع

[بدر اسماعيل صالح]

ممكن استفسار الهندسه الموازي احسن و لا منتظم في شمال جده!!!!

[Somaiah Yousef]

^

فرع شمال جدة الآن أصبح جامعة منفصلة .. " جامعة جدة "


بحيث إذا تخرجت منه راح تكون خريج جامعة جدة وليس خريج جامعة الملك عبدالعزيز

فـ إنت شوف اللي ينآسبك

ومآدري وش الفرق صراحة

أستخيير :)