شهادة الانتساب لا تقبل في الماجستير

[لذة صعود المنحدر]

انا بنقلكم موضوعي وسالفتي بجامعة الملك سعود معدلي 4.48 قدرات 77 خبره 9 سنوات ادارية
في 26-11-1434 فتح تقديم الماجستير الموازي وقدمت عليه تخصص ادارة عامه
عدد المتقدمين 2800 تم فرزهم الى 180 طالب وكنت من بين اال 180 وارسلوا لنا رسايل بالمقابلات الشخصيه
تمت المقابله الشخصيه في شهر 2 -1435 وقالوا النتايج بعد اسبوعين تفاجأت بعدم قبولي طبعاً طنقرت وقتها ودخلت على عميد كلية الاداراه العامه قال لاتكثر كلام انت انتساب والا انتظام قلت انتساب قال قررنا احنا واعضاء اللجنه استبعاد طلبة الانتساب وقبلنا 40 طالب وقال الشهر الجاي بيفتح التقديم على الماجستير الاعتيادي وصدقني راح تكون من المقبولين لاننا راح نقبل عدد كثير . قلنا قدر الله وماشاء فعل وماراح تكون النهايه


قدمت على الماجستير الاعتيادي وجلست شهرين ماجاني رد الى يوم الاحد الماضي قررت اروح اسنفسر بنفسي وش صار بالموضوع رحت الكليه قالي العميد خلاص المقبولين ارسلنا لهم رسايل قلت ماوصلتني رساله قال كم معدلك قلت 4.48 وانت قلت لي يوم ماقبلتوني موازي قدم على الاعتيادي واكيد راح تنقبل قال مانقبل الا اللي معدلهم 4.50 فما فوق مع احقية طالب الانتظام على الانتساب .

قدمت على البعثه في امريكا وجبت قبول من 4 جامعات هيوستن كلير ليك من افضل 250 جامعه ف العالم وجامعه لوثرن كالليفورنيا وجامعة بورتلاند وجامعه اركانساس وخلصت جميع اوراقي لكن عندي مدير حسبي الله عليه رفض اجازتي الدراسيه بحجة حاجة العمل الماسه لخدماتي .

واخيرا قدمت على جامعة الملك عبدالعزيز الموقره العزيزه على قلبي الشامخه الجامعه التي كويسه اللي بتقبلني يااااااااااااااااااااااااارب والي الان لم تطلع النتايج .

اسف على الاطاله بس 6 شهور وانا منضغط من هالموضوع وقلت انقل لكم معاناتي .