الحملة الثانية ...الديوان الملكي ((مهم جداا))

[Xx-GodFather-xX]

هههههههههه شر البلية ما يضحك ..

بصراحة لا تعليق .. إذا هم مقتنعين بمخرجات الانتساب وماهم مقتنعين بمخرجات التعليم عن بعد هذي مصيبه .. ولا اقصد التقليل من حجم مخرجات الانتساب ولكن قناعتي الشخصية تقول بأن نظام التعليم عن بعد بمخرجاته إن لم يكن أفضل من الانتساب فهو مساو له تماما ..

وإذا كان الـ د. العوهلي أو غيره من المسؤولين محتار في هالأمر .. الموضوع سهل وأنا أخوك .. فيه منظمات للتقييم ومنظمات إحصائية منتشره في كل مكان بالعالم وما يقصرون وبرضو عندهم موضوعية وحياد ودقّة في المعايير( أسند لها مهمّة تقييم نظام التعليم عن بعد ) وبرضو اسند لها إحصائيات ومقارنة نظام التعليم عن بعد بالانتساب والانتظام .. وبالتأكيد راح تحصل على نتيجة نهائية مرضية للجميع ..

وبتفتكّ من الغثى *_^

الزبده انهم بيعتمدونها بإذن الله عاجلا أم آجلا .. لأن طلاب التعليم عن بعد يمثلون شريحة لا بأس بها من المجتمع وتتزايد في كل عام .. فمن الصعب اتخاذ قرار يتصادم معهم.

وخصوصا ان الجميع عارف ان المسؤولين في الجامعة يقولون بإعتماد الشهادة ويظمنون ذلك. وكذلك بعض المسؤولين في الوزارة يأكدون بأنها معتمدة.

فإذا القضية قضية اعتماد *_^ .. بإذن الله انها معتمدة ..

.........

أنا بس عندي شي يقرقع في خاطري وودي أعرفها منكم ..

الغريب في الموضوع ان الخريجين عددهم كبير , ولكن محد اشتكى من موضوع اعتماد الشهادة أو حتى أكون أكثر دقة اللي اشتكو من هالموضوع نسبتهم لا تمثل 1% من عدد الخريجين .؟ وهذا اللي مخلينا متمسكين بأن الشهادة معتمدة في جميع القطاعات ..

ولا اقصد بهالكلام الطعن بمصداقية حديثكم , ولكن القضايا اللتي طرحت مؤخرا من مطالبات البعض بـ ( مساواة طلاب التعليم عن بعد بالانتظام ) , و ( دخول السلك التعليمي بالشهادة ) والبعض طالب بدخول السلك الطبي .. هذي هي اللي خلتنا نحس بأن البعض يطلب المستحيل .. وقلّلت من اهتمام الطلاب في هالموضوع بحكم اختلاف الأراء والمطالب ..

شاكر لك استاذي هالتوضيح ونتمنى سماع الاخبار الجميلة في القريب العاجل بإذن الله