اكمال دراسة الماجستير...

[الكلاسكو]

احتاج توضيح عن الجامعة الاوربية لاني بحثت بشكل سريع بقوقل ما طلع عنها شي الإ اذا هي الجامعة العربية
والامر الثاني هل شركة ارامكو تعترف بشهادتهم ولا مثل القطاع الحكومي غير معترفه

[abo a7mad]

المشاركة الأصلية كتبت بواسطة azzam314 الجامعه الاوربيه 13 الف كامل الدراسه اما جامعه الموسس 83 الف واختبار انجليزي تكون معدي التوفل حسب ما سمعت اما الاوربيه متاكد منها

ممكن تفيدناا بطريقة الحضور في الجامعة الأوروبية

يعني يلزم التفرغ او هناك نسبة حضووووور

[تركي فهد]

يا ليت معلومات اكثر عن الجامعة الاوربيه طريقة التدريس واللغه

[fahad.alyazidy]

المشاركة الأصلية كتبت بواسطة مقرن الحنيان متى اقرب اختبار للقدرات ,, بالنسبة لي ماعمري اختبرت القدرات(من الطيبين ) .. خخخخخخخخ .. ارجوا منكم افادتنا في هالموضوع.

الحال من بعضه زمن الطيبين ماكان في هذه الإختبارات أيامنا
ونسمع عنها الآن فقط.

[مازن باعظيم]

المشاركة الأصلية كتبت بواسطة basemameer جامعة الملك عبدالعزيز الماجستير اذا كان عام ببلاش هذا صباحي يعني تحضر حسب جدولك من الصباح الين العصر في هذه الاوقات ممكن مره او مرتين في الاسبوع اما اذا ماجستير خاص تترواح اسعاره من 15 الف الين 84 الف تقريبا حسب التخصص وهذا يعتبر مسائي ومناسب للموظفين محاضراتك كلها تبدا من المغرب الين 10 بالليل حسب جدولك ووممكن تجي محاضره في الويك اند واحد من الشباب كدا موظف ويدرس ماجستير خاص في الملك عبدالعزيز عنده محاضرتين في الاسبوع وحده الساعه 8 يوم الاثنين والثانيه يوم الخميس الساعه 9 بالليل (ايام ماكان الويك اند خميس وجمعه بالنظام القديم)

طييب انا موظف .. وفي امكانية يخلوني احضر في الصباح يعني ماجستير عام
وعمري 34 والترم الصيفي هذا باتخرج إن شاءالله - وبإذن الله مع مرتبة الشرف الأولى (بس دعواتكم)
أموري طيبة ولاكيف ؟
خصوصا إني قرأت في موقع إنه لازم الواحد ينتظر 3 سنوات من حصوله على البكالوريوس ثم يدرس ماجستير !!
أفيدونا أفادكم الله

[basemameer]

المشاركة الأصلية كتبت بواسطة مازن باعظيم طييب انا موظف .. وفي امكانية يخلوني احضر في الصباح يعني ماجستير عام وعمري 34 والترم الصيفي هذا باتخرج إن شاءالله - وبإذن الله مع مرتبة الشرف الأولى (بس دعواتكم) أموري طيبة ولاكيف ؟ خصوصا إني قرأت في موقع إنه لازم الواحد ينتظر 3 سنوات من حصوله على البكالوريوس ثم يدرس ماجستير !! أفيدونا أفادكم الله

ادخل موقع الجامعه وروح فوق على العمادات
واختار عمادة الدراسات العليا
وافتح الشروط والتخصصات
وشوف كل شي
لانه كل تخصص وله شروطه

مثلا ماجستير ادارة مستشفيات
لازم خبره 3 سنوات بعد تاريخ حصولك على البكالوريوس

اما ماجستير علم المعلومات مايشترط خبره ولا شي وممكن تستلم شهادة البكالوريوس وتاني يوم تقدم عليه فورا

اما ماجستير ادارة المخاطر مطلوب مايثبت انك بتشتغل في مجال المخاطر بغض النظر عن المده

وزي كذا كل تخصصه له شروطه ووضعه حتى في المعدل وحتى في اللغه
مثلا تخصص يكون مطلوب معدل جيد جدا مرتفع واعلى
وتخصص مطلوب جيد واعلى
وتخصص يكون مطلوب 450 توفل
وشي مطلوب 400 توفل وفي تخصصات مايكون مطلوب غير بس تحضر دورة لغه انجليزيه في الجامعه بعد قبولك وبعدها تبدا الدراسه بدون توفل وكذا

[azzam314]

بنسبه للجامعه الاوربيه
لا يلزم تفرغ فقط يوم او يومين في الاسبوع ويوجد لهم مركز في جده والرياض
والمعذره علي عدم الرد لنوا ما جاني تبليغ ع الايميل
واذا حابين اكتبلك رقم الدكتور بعد اذن الاداره
عشان لا نزعلهم خلينا نتخرج ونحنا طيبين والرسايل الخاصه غير متاحه يعني تعقيد هههههههه

[مازن باعظيم]

المشاركة الأصلية كتبت بواسطة basemameer ادخل موقع الجامعه وروح فوق على العمادات واختار عمادة الدراسات العليا وافتح الشروط والتخصصات وشوف كل شي لانه كل تخصص وله شروطه مثلا ماجستير ادارة مستشفيات لازم خبره 3 سنوات بعد تاريخ حصولك على البكالوريوس اما ماجستير علم المعلومات مايشترط خبره ولا شي وممكن تستلم شهادة البكالوريوس وتاني يوم تقدم عليه فورا اما ماجستير ادارة المخاطر مطلوب مايثبت انك بتشتغل في مجال المخاطر بغض النظر عن المده وزي كذا كل تخصصه له شروطه ووضعه حتى في المعدل وحتى في اللغه مثلا تخصص يكون مطلوب معدل جيد جدا مرتفع واعلى وتخصص مطلوب جيد واعلى وتخصص يكون مطلوب 450 توفل وشي مطلوب 400 توفل وفي تخصصات مايكون مطلوب غير بس تحضر دورة لغه انجليزيه في الجامعه بعد قبولك وبعدها تبدا الدراسه بدون توفل وكذا

جزاك الله خير
عارف الموقع وشفته
بس اللي لاحظته موضوع الثلاث سنوات انتظار بعد البكالوريوس ماني عارف كيف

[مقرن الحنيان]

عندي كم استفسار بالنسبة(( لابتعاث الموظفين الحكوميين ))ارجو منكم افادتنا..
س1 شروط ابتعاث الموظف الحكومي هل يلزم اني اداوم سنتين بعد حصولي على البكالوريوس قبل ما اكمل ماجستير.؟؟
س2 هل من شروط الموافقة على الابتعاث أن يكون الموظف قد اتم مدة سنتين من تاريخ التحاقة في الوظيفة؟؟ لو نعم , هل من الممكن ان يستثنى هذا الشرط وتتم الموافقة او انه شرط لا مرونه فيه مطلقاً.
س3 هل يلزم اختبار القدرات او اختبارات اللغة الانجليزية بأنواعه؟؟
س4 موافقة جهة العمل على الابتعاث من وين اطبع النموذج حق الموافقة من الوزارة اللي انا اعمل فيها والا من التعليم العالي؟؟
س5 هل فعلا يتم تسليمي نصف راتبي وخصم البدلات في حال ذهابي للابتعاث او أنه يتم ايقاف راتبي حتى العودة للعمل بعد البعثة؟؟
س6 كم تكلفة الابتعاث على حسابي لمدة 4 شهور لاني بطلب بعدها ضمي الى الابتعاث طبعا البلد الوجهه استراليا؟؟
س7 كم الراتب عندما يتم ضمي للابتعاث باستراليا مع العلم ان لدي زوجة وطفلين سيرافقوني؟؟
س8 ماهي افضل الجامعات ومعاهد اللغة الانجليزية في استراليا؟
س9 هل ماجستير ادارة الموارد البشرية من التخصصات اللي يوافق عليها الابتعاث الخارجي او لا؟؟وماهي جميع التخصصات التي تتم الموافقة عليها من التعليم العالي؟
تخصصي طبعاً ادارة موارد بشرية ومعدلي تقريباً 3.50

[fahad.alyazidy]

للفائده :

الأكاديمية العربية البريطانية للتعليم العالي

Arab British Academy for Higher Education

تقدم برامج دراسات عليا جميله و تسهيلات للدفع
و اعتمادات دوليه ... أرى انها مفيده
ويمكن الإطلاع أكثر عن طريق الموقع

مرت عليها اثناء بحثي
و ليس لدي معلومات كثيره عنها
وهذه مقتطفات من أحد صفحاتها في الموقع فيما يختص بــ

الاعتمادات و المصادقات المحليه و الدوليه


تتمتع جميع البرامج التعليمية التي تنفذها الأكاديمية العربية البريطانية للتعليم العالي، و دون أي استثناء، بأعلى مستوى من الاعتماد الدولي و المصادقات للشهادات الصادرة من المملكة المتحدة والمتمثل في الاعتماد الدولي و المصادقات الكاملة من الجهات التالية:

مصادقة المسجل العام للشهادات في المملكة المتحدة.
مصادقة مكتب التوثيق القانوني المعتمد في حكومة المملكة المتحدة.
مصادقة ممثل جلالة ملكة بريطانيا العظمى في حكومة المملكة المتحدة.
مصادقة قسم الاعتماد الدولي في وزارة الخارجية البريطانية.
مصادقة قسم الاعتماد الدولي في سفارة بلد الطالب في لندن.


للاطلاع على نماذج من مصادقات السفارات العربية في لندن على حزم التخرج الخاصة بطلاب الأكاديمية العربية البريطانية للتعليم العالي يرجى الاطلاع على الروابط التالية:

دولة الكويت
جمهورية مصر العربية
الجمهورية العربية السورية
المملكة العربية السعودية
الجمهورية الجزائرية
جمهورية العراق
المملكة الأردنية الهاشمية
دولة قطر
الجمهورية اللبنانية
دولة الإمارات العربية المتحدة
ليبيا
سلطنة عمان
مملكة البحرين