استفسار عن الترم الصيفي

[غيم تايه]

المشاركة الأصلية كتبت بواسطة خلود2000 هلا اخ غيم مشكور ما قصرت تعبتك معي وكلامك كان مقنع صراحه بس اللي محتاره فيه الانجليزي 102 اطلعت علئ الكشف في الاودس ولقيت أني حامله الانجليزي مرتين واللي يقهر أني ايام الاختبارات تبع الترم هذا راجعت معهد الانجليزي وقالوا راح نراجع وضعك ان شاء لله وأخذوا رقم الجوال وقالو راح نتصل ومن بعدها ماعاد اتصلتو شوف اخ غيم أنا يمكن كنت بالبداية مندفعه ومافكرت الا بعد ما اقتنعت بكلامك بس اللي مقهوره منه الانجليزي حتئ لو قدمت برنت للجامعه تتوقع راح. يساعدوني وإلا اخذه معي وبالنسبة للمواد اللي بقيت راح اخذها علئ فصلين أحسن لي عشان ما أخسر معدلي لانه مرتفع 3.78 بس ما أقول غير الله يسلمك علئ الشرح الواضح

حياك الله:

راجعي قسم اللغة الانجليزية، ومعك البرنت، وقولي لهم يا جماعة الخير انا متأكدة اني حليت، والمادة صايرة عقدة، أن ساعدوك فخير وبركه،، وان ما ساعدوك،
اقدمي عليهم الفصل القادم ايضا، وارفقي البرنت، انك خريجة، والمادة هذه قاعدة لي، وسجليها الفصل القادم، وبإذن الله تعديها، ما عليك ...

بالنسبة للمعدل فعندك فرصة وفرصة كبيرة، تدفيه لحدود الأربعة ان شاء الله، اهم شيء يكون عندك عزيمة، ورغبة في التقدم، خلي نفسك طويل،، لا تشيلي هم ابد..
وفي وقت فراغك لا مانع تطلعي على اي كتاب من المواد المتبقية ، عارف انك مرهقة بعد الاختبارات، لكن فرصة في رمضان تقرئي القرآن وتدرسيه بمعنى يكون استعداد للفصل القادم..
لان مادة التدريب العملي1، قراءة مجودة،، وإذا عندك رغبة ادخلي معنا اختبار القدرات، بنستعد لها ان شاء الله خلال هذه الفترة،،،

ولا تستعجلي امامك فترة رمضان الكريم وبعده شهر، إذا ما عندك سفر، تقدري تطلعي وتستعدي للسنة القادمة بأي شكل، وإذا اجازتك حافله او لها تخطيط معين، فلا يكلف الله نفسا الا وسعها..
تمتعي بالاجازة وسعي صدرك، موفقه يارب"""""