الرجووو من الجميع الدخول!

[$maha$]

السلام عليكم ورحمة الله ..
انا جديدة فلتخصص الادارة وابغا رايكم في ترتيب المواد في الجدول من ناحية السهوله او الصعوبه ويارب مايكون فيه شيء صعب..
وكمان انصحوني في احسن الدكتورات في اسئلتها وتعاملها مع الطالبات ..
و ربي يوفقنا آجمعين ')

[$maha$]

45 مششششاهدة ولاا رد ليه كدا!'(

[nour al3mr]

و عليكم السلام و رحمة الله و بركاته
حيآك الله أختي و مبارك لك التخصص
تخصصك ( إدارة عامة) أو ( علوم إدارية ) بنظآم التعليم عن بعد كمآ هو في بياناتك ؟

[نواف بن فهد]

وعليكم السلام والرحمه

اذا انتي ادارة عامة
أنا أنصحك تمشي على الخطة بالتمام

عندك مواد المستوى الثالث:
مبادئ قانون >> ومادة بسيطه فيها مصطلحات قانونية جديده، المادة بشكل عام مفيدة لأي شخص وفيها يتعرف على القانون ونبذة عن بعض الانظمة.

مبادئ العلوم السياسية >> كأنها مادة التاريخ بالثانوية، في علماء السياسة والعصور الي مر بها العالم ( العصور القديمة والوسطى والمعاصرة والحديثة وتفصيل لكل عصر) وبعدها يذكر الكتاب مكونات الدولة والحكومة والمنظمات الدولية هي دسمة لكنها ممتعة بالنسبة لي.

مبادئ الاقتصاد الجزئي >> مادة غثيثة بالنسبة لي :( ، ويبغالها مذاكرة وتركيز وباذن الله تكون بسيطه وهي مادة علمية.

مبادئ الادارة العامة >> بسيطة وتعرف على الادارة بشكل عام ومكوناتها.

مادة المحاسبة >> مادة علمية واساس ذي المادة او الي تقوم عليه هي المعادلة هذي الأصول = الالتزامات + حقوق الملكية ومن بعدها تتفرع هذي المعادلة الى صفحات وفصول ^_^

التحرير الكتابي او اللغة العربية2 >> مادة بسيطة جدا ولافيها اي اعراب وشتان بينها وبين المستوى الاول، وتتحدث عن القصة والخاطرة والمقال والتقرير..إلخ.

ولو ماتبغي 6 مواد تقدري تحذفي الاقتصاد الجزئي وتكتفي بالخمسة المذكورين فوق ..

[$maha$]

تسلممم ي خوي نوافف ربي يجزاك الجنه ')

[عكرشه]

المشاركة الأصلية كتبت بواسطة نواف بن فهد وعليكم السلام والرحمه اذا انتي ادارة عامة أنا أنصحك تمشي على الخطة بالتمام عندك مواد المستوى الثالث: مبادئ قانون >> ومادة بسيطه فيها مصطلحات قانونية جديده، المادة بشكل عام مفيدة لأي شخص وفيها يتعرف على القانون ونبذة عن بعض الانظمة. مبادئ العلوم السياسية >> كأنها مادة التاريخ بالثانوية، في علماء السياسة والعصور الي مر بها العالم ( العصور القديمة والوسطى والمعاصرة والحديثة وتفصيل لكل عصر) وبعدها يذكر الكتاب مكونات الدولة والحكومة والمنظمات الدولية هي دسمة لكنها ممتعة بالنسبة لي. مبادئ الاقتصاد الجزئي >> مادة غثيثة بالنسبة لي :( ، ويبغالها مذاكرة وتركيز وباذن الله تكون بسيطه وهي مادة علمية. مبادئ الادارة العامة >> بسيطة وتعرف على الادارة بشكل عام ومكوناتها. مادة المحاسبة >> مادة علمية واساس ذي المادة او الي تقوم عليه هي المعادلة هذي الأصول = الالتزامات + حقوق الملكية ومن بعدها تتفرع هذي المعادلة الى صفحات وفصول ^_^ التحرير الكتابي او اللغة العربية2 >> مادة بسيطة جدا ولافيها اي اعراب وشتان بينها وبين المستوى الاول، وتتحدث عن القصة والخاطرة والمقال والتقرير..إلخ. ولو ماتبغي 6 مواد تقدري تحذفي الاقتصاد الجزئي وتكتفي بالخمسة المذكورين فوق ..

مشالله عليك كفيت ووفيت وانا بعد انصحك تمشين على الخطه تماما وشدي حيلك وإن شاء الله بتعدينها كلها بالفل مارك كلها سهله ادا انتي ركزتي على كلام الدكاتره بلسنترا وتتبعتي اساله الاعوام اللي قبل لانها مكرره الاساله

[HOF]

مشكورين ماقصرتو ؟
لكن انا عندي مشكلة مقدر اضيف مادة مبادئ محاسبة ومبادئ الادارة العامه
يقولي هذه الشعبة غير مخصصة لتخصص الطالب !

وبسأل شي ثاني ممكن تفتح شعب ثانيه لان الشعب الحين اوقاتها مو مناسبة وفيه تضارب بالاوقات ؟