بكرا رايحة الجامعة وعندي استفسار

[نورة 15]

السلام عليكم ورحمة الله وبركاته
زي مو مكتوب بالعنوان انا بكرة رايحه الجامعة لسببين الاول قريبتي قدمت اوراقها عشان تسجل في الجامعة والى الان ماردوا عليها علما ان نحنا مقيمين في السعودية لانو هذي المرة مرة تاخروا في الرد وهذي اول مرة تحصل
السبب الثاني اختي تبغى تحول تعليم عن بعد لانها تبغى تدرس قانون ابغى اعرف اذا التحويل مفتوح ولالأ
في حاجه ملخبطتني يلي هو مبنى 29 ايش هذا المبنى هل هو مبنى عمادة القبول والتسجيل حق الطالبات جديد ولا لأ لاني مابعرف مكانو عشان اذا رحت لانو انا مابعرف غير عمادة القبول يلي جنب بوابة الشمالية
ياريت تردوا علي قبل ماروح
وشكرا

[وسام الامان]

صباح الخير اختي
مبنى عمادة القبول والتسجيل انتقل من مكانه القديم الى مبنى 65 , اذا تعرفي مبنى 420 هذا المبنى يعتبر قبله ولكن من جهة اليسار يعني شفت البوابة اللي تدخلي منها وتوديك علطول على 420 ,لما تدخلي منها علطول لفي يسار وكمان لفي يسار راح تلقين المبنى هذا عاد هناك راح يحلون كل اللي مشكل عليك ,وربي ييسر لك

موفقة لك تحياتي

اللهم صل وسلم على الحبيب

[بنت الحربي 1]

مبنى تسعه وعشرين هذا تلاقيه خارج الجامعه بعد الاستاد الرياضي للجامعه عاملين فيه مقر لامتحانات الانجليزي