بشأن اعتماد و قبول شهادة -التعليم عن بعد- لدى هيئة التخصصات الصحية(تحديث مستمر)

[ابراهيم الرمثي]

السلام عليكم ورحمة الله وبركاته

احبتي
انا خريج شهر 6 عام 1435
تخصص علم نفس (((( تعلم عن بعد )))) او (((( تعليم عن بعد ))))

معدلي 3.47 من 5

المهم رحت لهيئة التخصصات الصحية ابي تدريب

تدرون وش قالوا ؟؟

شهادة التعليم عن بعد غير معتمدة
عادي اساسا جبهتي ماطارت
ولا تذكرت اني كنت اهايط ع الشباب

التعليم عن بعد افضل من الانتساب

المهم جعلني فداكم

سويت فاهم دخلت ع المدير حق التخصصات الصحية
وجالس اشرح له انا خريج وتخصص علم نفس وتعلم عن بعد >>> بس يلت تعلم عن بعد قال ((( غير مقبول )))

يبن الحلال ادري ابي حل مابي تنسف جبهتي وتحسسني بضياع 4 سنوات

قال ارسل وثيقة التخرج و السجل الاكاديمي ومعروض فيه انك تبي تتدرب وتحصل على تصنيف وحط سجلك ورقم جوالك
على : امين عام الهيئة السعودية للتخصصات الصحية

على الرقم

0114800800 تحويلة 800
وما ابي احطمك بس من الاخر مالك مسفوه 😩

طيب وش الحل مع ذا التخصص والتعليم عن بعد ؟؟؟؟


........

لعلمكم انا بكمل ماجستير ومقتدر اكمل بس الضعوف اللي جالسين يصرفون ع الجامعه ويادوب تخرجوا وش يسووون. ؟

ابي الحل للجميع .!!


شكرا لكم
واتمنى نصح الجميع للابتعاد عن التعليم عن بعد وتوجيههم للانتساب .



ابراهيم ناصر ال حليو الرمثي الشهراني
ابها