من يوم ماطلعت اليوم الرشادي وحالتي كذا 😐🔫

[* تركي *]

مشكلتك وحيرتك بسيطة ومثل ما تمري فيها الحين غيرك مئات يمروا فيها معك. السالفة ماتخرج عن اثنين (رغبتك ، الفرص الوظيفية). رغبتك أقصد بها ميولك ذكاءك نشاطك اهتمامك وهكذا ، الفرص الوظيفية أقصد بها جهة العمل ، مكان العمل ، بيئة العمل أو العمل من الأساس موجود بكثرة ومتاح أو لأ وهكذا.

رغبتك :
1/ ادخلي على موقع كلية الحاسبات وشوفي الخطة الدراسية وتوصيف المقررات لكل قسم.
2/ ادخلي على موقع كلية العلوم التطبيقية وشوفي الخطة الدراسية وتوصيف المقررات لكل قسم.
3/ شوفي المواد الي تُدرس هنا وهناك بعينك وأقرأي عنها وقرري وش المجال الي يشدك ويثير اهتمامك.

ملاحظة : ضروري جداً تقرأي توصيف المقررات ، لأن أحيان إسم المادة نفسها مو واضح أو مو معروف. إذا ما حصلتِ التوصيف أسألي حد تعرفيه أو اكتبي اسم المادة بالانجليزي في قووقل وشوفي وش يطلع لك.

الفرص الوظيفية:

1/ كلية الحاسبات ( شركات خاصة ، شركات حكومية ، مستشفيات حكومية ، مستشفيات خاصة ، الجامعات ...الخ)
2/ كلية العلوم الطبية التطبيقية (مستشفيات أو المراكز الطبية)

شوفي وش كمان ، هذا الي جا ببالي الحين

بالنسبة للنسبة الموزونة والأشياء هذه ، لاتشغلي نفسك بها الحين خليها بعدين قبل التسكين (أنا ماعرف والله متى يخيروك هم وسط الترم أو نهايته). وإذا الموضوع بكبره شاغلك كثير أنصحك لا تفكري أجلي الموضوع شوي. وركزي أكثر على المواد وتحصيلك الدراسي بحيث إنك ماتخلي ولادرجة وحدة تفوتك. حطي كل جهدك في موادك الحالية وبعد ماتخلصي منها ابدأي قرري أي كلية.



موفقة