الأنشطه الجامعيه .. بين الحلم والواقع .... حوار لطلاب وطالبات الجامعه

[Biba]

أولاً أشكرك يا ليدر على هذه المبادرة الرائعة

أما أنا عن نفسي فأحب الرياضة بشكل عام .... وخاصة الباسكت بول
أيام الثانوية كنت ألعبها بس مو بشكل دائم وما كان في تدريب
كنا بس كدا كل ما نكون طفشانين نكلم بعض بالتليفون ونروح النادي ونلعب بدون قوانين
ولكن لمن دخلت الجامعة مرة فرحت عشان حأقدر اتدرب مزبوط والعب في دوريات وبطولات
لكن اللي صدمني إني كل بداية سمستر اروح اقدم طلب إني ابغى اتدرب باسكت
وبعد اسبوع اسبوعين الاقي جدول مواعيد التدريبات نزل وما يكون متوافق مع جدولي الدراسي
وعلى دي الحالة لمدة سنة ونص ------> 3 سمسترات
وفي رابع سمستر الحمد لله قدرت أخيراً اتدرب والعب
وبالصراحة كان هادا السمستر هوا اللي اخدت فيه أعلى معدل من يوم ما دخلت الجامعة
يعني اللي يقول إنو الرياضة تشغلو عن الدراسة .... أقوله بالعكس
الرياضة تفتح العقل وتزيد النشاط العام للجسم وتكون روحك المعنوية عالية طول اليوم -----> أسألوني انا
بس أهم شي إنك ما تفوت محاضرات عشان تلعب ولا عشان عندك مباراة -------> الدراسة أولاً

وعلى موضوع النشاط الجامعي ضعيف ولا لأ........
بالنسبة لنا احنا الطالبات كان النادي الرياضي حقنا صغير وفيه واحد ملعب بس
فكانوا يقسموا الوقت ...... ساعة طايرة وساعة سلة وساعة تنس ......... الخ
أما دحين إن شاء الله تكون المشكلة دي انحلت بعد ما ادونا الخيمة الرياضية
اللي لسه إلى يومنا هادا ما لعبنا فيها ... كل يوم والتاني يقولوا الأسبوع الجي حتنفتح ---------> السمستر غلق وهيا لسه ما فتحت

وسوووووووووري ع الإطالة
-----------> اتحمست للموضوع