الأنشطه الجامعيه .. بين الحلم والواقع .... حوار لطلاب وطالبات الجامعه

[mind glance]

السلام عليكم
الموضوع جدا عجبني
بالنسبة لي انا في الثانوي كنت احس مافي نشاط ولاشي
وماكنا ننجز الا نص العمل او اقل
اما في الجامعة فانا حسيت انو النشاط له مكان ودور
احس في نشاطات كتير وبيشتغلوا
بس مااقدر احدد شي لأني ماشفت بنفسي لكن اسمع
وانا دحين في الجامعة مشتركة في النادي الرياضي
يعني الظاهر اني اعرف بيبا وانا ماادري
لأني احب الباسكت ولعبت مع الناشئات الترم الماضي وفريقي كان في المركز الثاني
وبصراحة ماحبيت الجامعة الا لما اشتركت في النادي الرياضي
كنت احس اني باعمل شي مفيد
وانا مع بيبا في حكاية عدم الالتزام بالمواعيد
لكن هذا الترم للاسف ماعندنا نادي نلعب فيه
قفلوا نادينا على اساس ينقلونا الخيمة الرياضية
لكن الى الان ما يسمحوا لنا نلعب رغم انو الخيمة مفتوحة والمسؤولات يقدروا يدخلوها
وكل اسبوعين او ثلاثة يقولوا حيفتحوها ويرجعوا يلغوا الموضوع
وما اعرف ايش الاسباب؟!!
يعني هذا الترم خلص واحنا بدون نادي رياضي ولا اي شي مفيد!
وبصراحة هذه كمان مشكلة عدم التزام
يعني يا يفتحوه او يقولولنا ايش الهرجة؟!!