Ee251 اساسيات الهندسة الكهربائية

[اخوكم]

بيسم الله الرحمن الرحيم
كل عام وانتم بخير .....
ياشباب ابغى استفسر عن مادة Ee251 :
ايش طبيعتها.....؟
فيها ورش.؟
مدى صعوبتها.....؟
مين الدكاترة المفضلين اللي يدرسوها...؟
........الخ.....؟

الله يرضى عليكم ابغى معلومات شاملة عن المادة لاني ابغى انزلها الترم الجاي اذا كانت بترفع المعدل وانا ما اعرف عنها ادنى فكرة

وجزى الله خيرا كل من اعان اخيه...

[rakan]

هلا أخوكم


بالنسبة للمادة ... فهي شبيهة بمادة الفيزياء 102 ... حيث تتكلم عن الكهرباء وحركة التيارات والمقاومات ...الخ

ولكن طبعا بشكل متقدم أكثر


المادة لها معمل يوم واحد في الأسبوع .. تطبيق لمادرسته في المحاضرات


والرابط التالي راح يفيدك في المادة:

http://www.skaau.com/vb/showthread.php?t=2249


وصعوبتها ... بالنسبة لي هي صعبة نوعا ما


والدكاترة .. كلهم زي بعض تقريبا .. ولكن الدكاترة يتغيروا تقريبا كل ترم


وإذا كنت تحب الكهربا ... فدي المادة راح ترفع معدلك

[AbO FahaD]

كل عام وانتم بخير .....

وانت طيب يالغالي

ياشباب ابغى استفسر عن مادة Ee251 :

واحنا في الخدمه

ايش طبيعتها.....؟

ماده كهربائية بسيطة عالاقل في نظري تشرح طريقة حل الدوائر البسيطة باستخدام عدة طرق
واهم نقطة هي قانونا كريشوف

فيها ورش.؟

فيها معمل اسبوعي تحدده مع المهندس المسؤول وتاخذ المعمل كفريق من 3 اعضاء والاختبار على مااعتقد فردي
المعمل علية 15 درجة 4 للحضور و5 التقارير والباقي اختبار والله اعلم عن توزيع الدرجات بس الاكيد انها 15 درجه

مدى صعوبتها.....؟

انت لاتاخذها انها صعبه بتتسهل معاك ماعليك من كلام الناس الصراحه اشوفها رفع معدل

مين الدكاترة المفضلين اللي يدرسوها...؟

الدكتور اوميت وواحد ثاني مااعرفه كلهم فيهم الخير والبركة وممكن يتغيروا

........الخ.....؟

الخ الماده فيها كيرف في النهاية وماتتعمق كثيرا في الكهرباء المعقدة دوائرها بسيطة
وتحلها بكل سهوله ان شاء الله
نزلها وادعي لي
دمت بود

[خالد]

وأنت بصحة وسلامة

شد حيلك وبالتوفيق يارب

بس أنت فكر أول وضعك كيف في الكهربائية

وتقدر تقيس وضعك من خلال فيزياء 102
فيه تشابه بينها وبين الفيزياء 102

وتذكر أهم شي عشان ترفع معدلك أنك تشد حيلك سواء في مادة سهلة أو صعبة


لكن أهم شي شوف وضعك كيف والمجال اللي أنت مبدع فيه
والمواد العامة قدامك كثير فيها صناعية وفي مكانيكية وفي مدنية وفيه كهربائية وكلها مواد عامة
وبالتوفيق يارب

[tag2000sa]

حبيبي أبغى أحذرك ما أخوفك ...

Ee251 كهربا بس لغير طلاب الكهربا .... ( يعني إذا تبغى تتخصص كهربا لا تاخذها )
Ee250 كهربا زي اللي قبلها بس لطلاب الكهربا .. ( هذي المطلوبة في القسم )

وأهو حذرتك قبل لا تتورط زيي
...

بالنسبة للمنهج بسيط وذاكر يوميا .... ما راح تتعب

[خالد]

فعلا ً كلام tag2000sa صحيح مية بالمية

أذكر أحد الطلاب أخذ ee251 وبعدها تخصص في الهندسة الكهربائية

وخلوه ياخذ ee250

[اخوكم]

جزاكم الله خير على ردودكم الطيبة

والله ماقصرتوا

وان شاء الله اللي فيه خير ربك يجيبه