اتفاقيات منظمة التجاره والدكتور هاني العمري والمقلب

[عادل الرياض]

احنا مشكلتنا يا جماعة الخير اننا مانطالب بحقوقنا ونخلي هذا وامثاله يظلمون بدون اي احساس بالمسؤليه ، انا عندي احساس 90% انه ماراح يصير ش ولا راح يعدل النتيجه بس اذا احنا طالبنا بحقوقنا وكبرنا الموضوع ووصلناه لاكبر مسئول على الاقل بيصير عنده ردة فعل للطلاب في الاترام الجايه على الاقل يحسون شوي ان فيه ناس تتكلم وتطالب بحقوقها ..الموضوع مو قصة معدل او درجه لا لا الموضوع باختصار هو ظلم وكذب وعدم تحمل المسئوليه لان هذا الشي يتعلق بضمير الدكتور واحساسه بالمسئوليه .
والله صدقوني من واقع خبرتي في بعض الدوائر الحكوميه ( والجامعه من ضمنها ) لا تسكت عن حقك اذا انت متاكد انه شي من حقك ولا تقول صعبه مااحد راح يرد ماراح يهتمون لا لا هذا هو اللي وصلنا لهذي الامور الدكاتره وغيرهم ظلم عيني عينك ومو حاسين فينا ، على الاقل يعرفون ان الطلاب مايسكتون عن حقهم ومثل ماقالوا الاخوان المصريين ( العيار اللي مايصيب يدوش ) لو ماصار شي في هذي الماده على الاقل ياخذ حذره المره الجايه قبل يتلقف ويقول للطلاب كلام مو قده .