النسبه المطلوبه!!!!

[soma al7elwa]

"انتي اختبري دحين قدرات وتحصيلي
وبعدين قدمي في الجامعه عن طريق الموقع حقهم
بعد كدا ا نشا الله راح يقبلوكي في السنة التحضيرية
ماتهم
هادي عبارن عن رابعة ثانوي
تدرسي فيها مواد علمية ومواد عامة
بس كلها بالانجلش طبعا
لكن كلها نفس الدروس حق الثانوي
يعني ازا اسايك في الثانوي حلو ما راح تتعبي في دي السنة
بعد ما تخلصي هادي السنة تكتبي الرغبات اللي تبيها
طب ،هندسة، علوم ، ... الخ
بعدها هم يعملوا مفاضلة بين الطلاب
على حسب نسبهم في المواد العلمية في السنة التحضيرية
وكل كلية عندها عدد معين من المقاعد المتاحة
يعني مثلا الطب عندهم 150 مقعد للاولاد و150 مقعد للبنات
يشوفوا المقدمين على هادي الكلية كم طالب او طالبة؟
اكيد حيكونوا اكتر من العدد المطلوب
فيقوموا هم ياخدوا احسن 150 منهم
بالنسبة لدي السنة
هم اخدوا الناس اللي عندهم نسبتهم في المواد العلمية فوق 85%
وهما ترى في بداية السنة يكتبوا الشروط المطلوبة لكل كلية
الطب كانوا يبغوا طلاب جايبين فوق 85 في المواد هادي
فيزيا كيميا احياء وانجلش

ان شا الله اكون اديتك صورة عن السنة دي "

هو دا الكلام اللي قالوا Luis Network ومافهمتيه ياقلبوو ^_^