اللبس في الجامعه بصراحه

[soma al7elwa]

really no comment عالتعصب والحوار "الراقي" دا اللي من بعض الاخوان والاخوات

بس كلمتين للي يقولوا الناس اللي تلبس الملابس دي مهي متربية وفين اهلهم

شفتو صور ابهاتكم ايام السبعينات؟؟

شفتو كيف شعرهم وكيف الجينزات اللي كانوا يلبسوها؟؟

ياريت محد يتكلم عن التربية ok؟

بالعكس الأب اللي يسمح لبنتو وولده يلبس عالموضة هو أب يمتلك open mind

لانو عارف كيف كان لما كان بعمر ولدو

وكيف كانت مشاعرو وقتها

لحد يقول ابوه وامو مهم فيه

تراهم في يوم كانوا في عمرنا وكانوا ماشيين على موضة زمانهم

وارجعوا للصور واتأكدوا بنفسكم

اما عن لبس بنطلون الـ low west

بالعكس انا مررررررررا ما اعارضو

ولا عندي اي فكرة انو " دا مو رجال" ولا دا " حرام الشوارب عليه" و الخ الخ الخ من كلام النصيحة اللي كلو زوق وادب واحترام

وكل ما طلعت حركة جديدة

سواء شعر او لبس يقولك الناس البطالة هي الي تسوي دي الحركة

ولا كأنو كل العالم برا بتلبسها زينا زيهم

اتزكر زمماااااان ايام ما كنت بنت ابتدائي

ايام ما طلعت حركة ربط الجاكيت عالوسط

كانوا البنات في "امريكا واوربا " البنات القليلات ادب والمهم كويسات هما يربطوا الجاكيت على وسطهم عشان يكلمو الرجال!!

يا سبحان الله

ولما طلعت ايام ماكدونالدز وكنتاكي ومش عارف ايش

"هما يحطوا لحم الخزير

ويفرموا البقرة بعضامها

ويحطوا الفار والصرصار

ويتبلوه بوزغة

ويزينوا بعنكبوت"

خلااص ياجماعه

احنا مليييييييييييييينا

لا تجلسوا تدخلوا فكل كبيرة وصغيرة

خلونا نعيش عمرنا

احنا ماراح نفضل نلبس الـlow west طول عمرنا

هي فترة وتعدي

قد شفتو واحد عمرو 30 سنة لابسو؟؟

حنكبر

ويجوا اولادنا بموضة زمنهم وحيقلدوها

ويكبروا ويبطلوها

وحيجوا اولادهم ونفس الحكاية الييييييييين يوم القيامة

دا بالنسبة للبنطلون نفسو

لكن!!

دا اللبس مو مناسب للجامعه

لانو لكل مقام مقال

يعني جينز عادي كدا

وتي شيرت ولا قميص مرتب مناسب جدا للحرم الجامعي

برا الجامعة البس اليل يريحك

زي ردسي مسلا

البس اللي تبغاه

يعني الجامعة مكان لازم نلبس فيه شي يكون مايل للرسمية

مو رسمي 100% لكن كمان مو كاجوال 100%

وبالنسبة للبنات

ليش البنطلون ممنوع؟؟

بنطلون عادي وتي شيرت طويل ومحترم ايش المشكلة؟؟؟

البنطلون اريح بكتييييييييير

مافي اي امل يتغير النظام دا

يمكن على بناتي لما يدخلوا الجامعه

إن شا الله

بالاخير الناس ازواق