اول يوم بالجامعه ؟ كيف حيكون ؟ <- خاص للطالبات فقط :)

[نبـْض أخيـرْ]

يومي الاول بالجامعة..كيف حيكون ؟

السلام عليكم حبوبات... موضوعي اليوم للبنآت.. الي انقبلوا عندنا بالجامعة..
اول شيء احب ابارك لهم.. وموفقآت يآرب...
سبب هالموضوع هو طبيعتنا الوساوسيه ( وسواس طبيعي مو مرضي ) طبعا هالوسواس.. حول اشياء كثيره.. الصديقات ، الضيآع بالجامعه ، اللبس بالجامعه الخ.. احس هالمواضيع تشغل البنآت ويهتموا فيها اكثر من الآولآد..،

طبعا لا يخفيكم ان الانتقال من من مرحلة لمرحله راح يصاحبه فرح + مخاوف.. تساؤلات..
لكن ان شالله راح تتفادون كل هالاشياء اذا قريتوا الموضوع واخذوتو فكره عن المكان الي راح تدخلونه وتعيشون فيه 4 سنوات ...
اليوم حبيت افتح موضوع نتكلم فيه.. عن اول يوم جآمعي..طبعا موضوعي خاص للبنات ممكن يفيدهم باشياء احس انها مهمه.. او بالاصح احس المفروض كل وحده يكون عندها خلفيه بسيطه عنها
راح اتكلم بشكل عشوائي عن
*المجتمع الجآمعي ..
*اللبس بالجامعه ..
*الوقت والبريك..
*الصدآقه والزمآله..
احكي لكم عن نفسي... اول ماقبلوني بالجامعه وسلمت اوراقي..كنت فرحانه اوي اوي من قدي صرت جامعية
كانت افكار كثثير تدور ببالي.. من هالافكار (، الدوام ماحيبدا السآعه 7 زي المدرسه ، مافي ابلة تدخلنا الفصل بين الحصص واوقات الفراغ ، ماراح البس مريول ، راح اكون انا المسؤلة الوحيده عن درجاتي واختباراتي.. يعني الاستاذه ماراح تطاردنا زي الثانوي.. عشان تختبرنا اختبار كنا غايبين فيه ، راح البس الي ابغاه ، ممكن ارتب جدولي بحيث تبدا محاضراتي بعد 12 الظهر.. اذا كنت وحده نوامه ..وممكن تكون السآعه 12 وانا بالبيت ومخلصه محاضراتي ..امممم كانت افكار كثيرة ببيالي.. بس كنت متخوفه من شيء واحد هو.. الصديقآت والبنآت..؟ كيف راح يكونوآ

الصديقات والبنآت عموما ..
قد ماسمعت من كلام عن الجامعه والتهويل الي فيها.. رحت الجامعه وانا حاطة بباليx كبيييييييييييير على البنات.. هذا غير التحذيرات الي تجيني من امي وخالاتي وكل الي حولي الي احسها من جد كبرت وهولت الموضوع...
ورحت الجامعه !!!
تفاجات.. وين الي يتكلمو عنهم ومدري ايش وبلاوي.. ووالخ..
عرفت بعد كذا ان الناس تحب تكبببروتهول الاموووور ..
عشان كذا بعطيكم نصايح.. وبراحتكم يمكن ماتتفقوا معاي فيها...لكم الحريه في اخذها او تركها
1) ببداية الايام.. طبعا اتعرفي على بنات كلاسك ( بما انكم تحضيري اظن نفس البنات معاكم بكل المحاضرات مو ؟ اذا خطا صححو لي )
طبعا تعرفوا على بعض.. تعارف زماله.. لا تتقربي ولا توصلي لحد الصداقه الا وانتي واثقه من الي قدامك..
ممكن اقولكم ان الشكل الخارجي يحكم كثير بشخصية البنت.. لكن مودايم.. يعني ممكن تشوفي بنات عاديات ومظهرهم عادي من برى.. لكن عندهم بلاوي.. وهالشيء صار معي.. يعني لاتغركم الاشكال كثير..
اذا حبيتي تصداقي شوفي وحده نفس اهتماماتك وتفكيرك.. واجلسي معها بالبريكات..
اعطيكم مثال عشان تفهموا.. انا من النوع الي احب باوقات البريك احضر دورات ومحاضرات تصير لكن البنات الي معاي.. اكثرهم باوقات البريك.. مايحبو هالشيء يعني سوالف وضحك وووالخ.. وشايلين فكره دوره من ببالهم ( ياشيخه بلا هم ) على قولهم طبعا.. عشان كذا احس اني ماكنت مرتاحه مره معاهم..لأان اهتماماتهم غييير وانا غييير..
بس هالكلام.. مايمنع انه عادي اسولف واعيش حياتي لايجي ببالكم اني بس دورات.. لا بس قصدي الموازنه شويه مو كل فراغك يروح بالضحك.. نستفيد شويه.. خاصه ان الجامعه مسويه دورات طوال الترم..دورآت على مستوى عالي وبمختللللللللللف المجالات...راح اتكلم عن هالموضوع شوي.. بس خلونا عند الصديقآت الحين
2 ) زماله الجامعه يغلب عليها طابع المصلحه كثير.. مدري يمكن المخضرمات يختلفوا معاي في هالشيء..
لكن الي اقصده كثير بنات كانو معي بكلاسات بأترام قبل..ومعاهم رقمي.. واذا شافتني تسلم علي.. لكن بمجرد نجحنا بالماده.. الترم الي بعده .. حذفت رقمي هههههه.. لاني مو معاها باي كلاس او ماده ثانية عشان كذا.. لا تعولوا كثير على هذي الفئه..يعني اذا انصدمتي بوحده تمر جنبك ولا كانها تعرفك .. لا تتفاجئي.. لان عندك فكره عن هيدآ الموضوع..
3 ) ابعدي عن اماكن التجمعات والشلل المشبوهه.. بالعربي لا تحتكي فيهم.. لان الوقايه خير من العلاج هههه لا الي اقصده عشان ماتعرضي نفسك لمواقف محرجه..
4) دايما البنات المستجدات.. ينعرفوا.. بكثره تلفتهم بين المباني ( التلفت ) يعني تحركي راسك كثييير عشان تشوفي انتي ووين وباي مبنى ووش السالفه..هههه فتجنبي هذي الحركه
5) اذا ضعتي او حابه تسالي وحده عن مكان... لا تسالي أي احد لاني بعض البنات يحبوا يستهبلو على المستجدات.. اسالي بنات تحسي من اشكالهم انهم راح يدلوكي على المكان.. سبحان الله اما الي راح تستهبل عليك راح يبان من شكلها الخارجي <- من خبراتي الخاصه ههه
اممم هذا هو الكلام الي المفروض ينقال حول البنات ومجتمع الزماله والصداقه.. طبعا الي عندها أي اضافه من بنات الجامعه تتفضل... وطبعا ماانسى انه عندكم صديقات من المدرسه.. طبعا هالبنات حظهم حلو.. يعني ماراح يفكروا كثير بخصوص البنات ويجلسوا مع مين


وبالنسبة للبس..
اذكر انا يوم كنت مستجده..اشتريت كميه ملابس هائلة
الي يشوفني يقول السوق بيقفل ههههههههههه .. وندمت كثييييير..
والنظام باللبس تقريبا ثلاث ارباع البنات..او نقدر نقول اكثر من نص البنات يلبسوا عبايات بالجامعه..
طبعا بعض الاستاذات يخلونا نفسخ العبايه بالمحاضره وبعضهم لا...لكن بالاختبارات دايم نفسخها..
الي حبيت اقوله بالنسبه للبس.. انا صراحه افضل انكم تلبسوا عبايه راحه لكم كثيير لكن مايمنع انك تلبسي تحتها شيء مرتب.. عشان اذا حبيتي تفسخيها..
لكن عموما.. كثروا من التيشيرتات الملونه زي حقت بيرشيكا .. وخذو لكم تنورتين جينز ميدي فاتح وغامق
وامم وتنوره سوادء بروضوا ميدي..اريح للمشي..وطبعا اشتروا فلاتات مريحه.. عشان ماتتعبوا بالمشي
ولا تغلطوا تلبسو كعب بالجااااااامعه ..مره غلط شكلآ + متعبة في المشي..
فلاتات وسبورت حلو..
والشنطه كبيره.. عشان تلم العفش الكثيييير ( نصيحه لكم يابنات التحضيري.. اشتركوا بالدولايب او الصناديق الصغيره.. الي تحطي فيها اغراضك.. وهي بمنبى 13 يعني جنب قآعآتكم بالضبط.. تحطي فيها اغراضك وترتاحين ..فيه اشتراك بالترم وفيه سنوي.. الترم الواحد بعشرين ريال )
وبالنسبه للعبايه خذوا شيء بسيط ومريح..وساتر.. يعني اشوف بنات الله يهديهم جايبين عبايات الي يلمع والي اكمامها واصل الارض.. ليه العنا ذا غير انها مو ساتره اذا طلعتي برى...
والمكياج.. بنات كثير مايحطوا مكياج.. لكن انا اقول خير الامور الوسط.. يعني لاتحطي مكياج كانك بسهره.. ولا انك تجي كذا بس تغسلي وجهك ( مع انه راح تمر عليك ايام راح تجي للجامعه وانتي يدوب مغسلة وجهك هههه )
الي اقصده يدوب كحل وماسكرا وروج او قلوووس واحمر خدود < وش بقى
وفيه شيء انا اهملته وندمت.. لازم تستعملوا واقي الشمس..لان من جد الي حولك راح يلآحظ سمآرك انتبهوا من الشمس ولاتهملوا زي انا ماهملت.. بعض البنات يحبوا يجيبو مظلات صغيره.. طبعا ذا في حاله اذا كان عندك محاضرات بمابني بعيده..

الي عندها اضافه بخصوص هالموضوع برضو.. تتفضل

بالنسبه لاوقآت البريك....عندنا بشطر الطالبات 3 كافتيريات رابيس ( بمنى العلوم والاقتصاد المنزلي.. وعند المبنى السآدس )
وكآفتيريآ بمبنى الثآمن.. وفيه وحده عن الاقتصاد المنزلي ووحده عند مبنى 12.. وبيت الدونات عند البوآبه الشمآليه..بيت الدونات حلو...و رابيس حلوه والاحلى انه فيها بآسكن روبنز

اما كافيتريا الثآمن و12 اعتبرها تمشيه حال.. يعني مويه عصير شيبس..اما معجناتهم يعني..
طبعا اذا كنتي حابة تاكلي بوقت البريك..لكن انا نصيحتي.. تحضروا دورآت وفعآليآت.. من جد متعه + فآيده
الدورآت راح تلاقي اعلانتها بلوحه الاعلانات الي بمبنى الشؤون + لوحات الاعلانات الي بالمباني
انا معاي نوته صغيره كل ماشفت اعلان.. سجلت موعده ووين ..ومن جد حضرت كثير واستفدددت كثيير ..لأتفوتوا الفرصه خاصه بعض الاستاذت اسلوبهم حلو..
وفيه نادي رياضي.. وصاله فيها كل ملحقاته بسس ماعندي معلومات عنه وماقد رحته

طبعا البوابات الي داخل شطر الطالبات.. الي اعرفه 3.. والرابعه مدري سمحوا للطالبات او لا
الاولى بوابة غربيه 1 <- قريبه من المبنى التاسع و12 والثالث .. والمبنى النكبه 420
البوآبه غربيه 2 <- قريبه من مبنى 13 والعلوم والثامن والجوهره والخامس والثامن والرابع
البوآبه الشمآليه.. <- اقرب بوابه لمبنى 12
الشرقيه <- يقولو بس للاستاذت.. مدري اذا سمحوا للطالبات..هي الاقرب لمنى 420

وفيه نقطه مرره مهمه..اشوف بنات اذا دخلوا الجامعه مستويآتهم تنخفض !
تعرفوا السبب ليه ؟
لانها كانت بالثانوي.. تذاكر تحت ضغط امها ، ابوها ، ابلتها.. لكن بمجرد ماتدخل الجامعه وتتحرر من فكره ان اهلها يعرفوا درجات كل اختبار لها.. وتفرح بمساله الغياب عن المحاضرات وتفويتها والجلوس مع الصاحبات..عشان كذا الحريه المتاحه لها في هالجانب.. تنعكس سلبيا عليها.. فتهمل كل شيء.. وينعكس حالها.. عشان كذا.. كل وحده الحين مسؤله عن نفسها وعن درجاتها.. استعملي الحريه المتاحه لك بهالجانب بعقلانيه وبمسؤليه..

طبعا فيه شركات خاصه للباصات..توصل للجامعه الشهر بـ 400 ريال.. واظن فيه باصات بـ 300 اذا مو غلطانه
الي حابين يشتركوا فيها.. نظام الباصات.. كل راس ساعه فيه رحله.. يعني عندك محاضرره السآعه 9.. راح تكوني بالجامعه 9 الا ربع او عشر..
عندك محاضره السآعه 11.. راح تكوني بالجامعه 11 الا ربع او عشر.. وهيك يعني..
.
افكاري مو مرتبه الي جاء ببالي تكلمت عنه..
الي عندها اضافه تتفضل تكتبها..والي عندها سؤال برضوا تتفضل ..
اذا تذكرت شيء برجع اكتبه..
.
.
وبالتوفيق للجميع.. من جد الجآمعه تجربه اكثر من رآئعه ..دعواتي لكن بالتوفيق يارب :)
اختكم..

[جامعية كول]

مشكورة ع النصائح

[My World]

يسلموووووووووو منجد نصايحك روعه
وكلامك صح × صح
انتي مثل خخالتي بس هي درست بالكلية تنصحني
وعلى طااري نصايح الاهل والمعلماات عن الجاامعه وهااويلهاا انا ما اصدق لين اشوف المكان ....
زي الثانوية كانوا اهلي يخوفونيمنها ومن سوالفهم البنات اللي كذا وكذا ولاتعملي كذا ولا تسوي كذا
ولمارحت ودرست فيها عاااااااااااااااادي وبالعكس انتجت في الثانوية وتعرفت على بنات وتعرفوا على من جميع المراحل وانا فخورة اني تركت بصمة كبيرة لدى زميلاتي وصديقاتي ومعلاماتي والوكيلة والمديرة وبعض الموجهاات
والحمد لله
يسلموو على طرحك الراااااااااااااائع

[حنان الريم]

منجد صدقتي بكل كلمه
الله يعطيك العافيه

[حلاوووه]

يعطيك الف عافيه
والله ريحتيني من ناحية البس لانو كنت مره شايله همه
وكل يوم والثاني ناطه افرفر في السوق
خلاص اجل كفايه الملابس اللي خذيتها ماحزود

[lady oza]

هههههههههههههههههههههههههههههههههههههههههههههههههه هههه اهم شي مبنى النكبه دا420 شو اصتو :s
وانا عندي سؤاال صغنوون ينفع ازا كوونت لابسه العباايه البس تحتها بنطلوون وهيك ^^ ..

وكمااان حاابه احكيلك انو مو كل التحضيري نفس الكلاسات يعني حتى الي يكونو نفس الخطه تختلف موااعي محااضرااتهم لكلاااستهم لكلو يعني ممكن نشترك ف الماده وكم كلاس بالصدفه ههههههه >> هيدا الي بشووفو هلأ بعد ماراجعت اكتر من جدول

ومررررررره تاانكس ي عسل عن جد يخليلنا يااكي ي رب ^^

[ميعاد]

والله نصااايحك مررا حلوه يعطيييك العافيه اختي..

وبصـــرآآحه انا في سااحة المدرسه عشان اعدييها لازم امسك معايا وحده من البنات عشاان مااضييع ولا اقدر اعدي خطوتيين لوحدي كيييف حيكووون حالي بالجاامعه.. الله يعييييييييييييين...<<< من شكلي حيباان خخخ

[عصر الحاسب]

طالبــــــــــــــة علم النفس

قولي آآآآآآآمين
الله يفتحها بوجهك ويسعدك ويوفقك في الدنيــــا والآخــــــــرة :)

موضوع جدا رائع ومتناسق وبجد أعجبني ماشاء الله

أنصح كل الطالبات المستجدات بقراءة هذا الموضوع مرتين وثلاث وإذا قدرتوا احفظوه كمان :)

لأنه من جد أختنا ما قصرت ماشاء الله أخذت جولة سريعة في الحياة الجامعية وبشكل سليم 100%

ومن جد يابنات لاتضيعوا الدورات والمحاضرات على نفسكم حتحسوا بفرق كبيييير لمن تحضروها وحتنبسطوا وتغيروا من جو الروتين ...

وانتبهوا يابنات من بعض البنات -الله يهديهم- في مبنى 12 لأنه هذا المبنى يحمل بين جنباته الكثير :(



وأهم شئ يابنوتات خلوا الله سبحانه وتعالى نصب أعينكم ومحد حياخذ من الدنيا أكثر من نصيبه

يعني لا تعطي فلانة أو علانة من الناس أذنك لمن تقولك اش رايك نخرج سوا مع السواق وقت المحاضرة

الفلانية بس نشم هواء برا الجامعة ونرجع ،، مررررررة لا تسمعوا لهم يا ماسمعت من البنات كثير بخصوص

هذا الشئ ومررة حتستغربوا قد ايش هذا الموضوع صار منتشر ، بس انتوا انتبهوا وخلوكم واعين

والله يحمينا ويحميكم ياااااارب

أتمنى لكم جميعًا قضاء أجمل الأوقات وأمتعها

وألف شكر لصاحبة الموضوع
:)

[سُكر محروق]

مررررة شكراً ، نتحتاج زي دي الأشياء حتى تساعدنا في تخفيف التوتر + تصرّف سليم.

[سُكر محروق]

شكراً عصر الحاسب.