نبغا نستفيد (خطه ب)

[Mirinoxd]

أول حاجة لا تحطي في راسك مدرسين خصوصيين ودا الكلام ثقي بنفسك وقدراتك لا تخسري نفسك وأهلك فلوس وهو شي باذن الله مقدور عليه بدون مساعدة خصوصيين
تآني شي الاحصاء جدا سهل وعلى فكرة درستوه في الثانوي
تفتكري المتوسط والوسيط والمنوال والرسمة المقسمة 6 أقسام كل قسم له نسبة؟ دا هو نفسو حترجعو تدرسوه تاني
صدقيني جداً سهل, ما اكدب اوك في الفترة الثانية كان شويا صعب لأنو كان فيلو احتمالات بس مو لدرجة انو اجيب مدرسة خصوصية
الميد الأول حيكون جداً جداً سهل, التاني برضو سهل لكن حيكون فيلو لحسة دماغ شويا لانو عبارة عن احتمالات, اما النهائي حيكون مممممويآآ
امسكي الأسئلة اخر الباب وحليها وأحضري السكشن (محاضرة حل الأسئله) وباذن الله حتجيبي الفل مارك
طبعا ف الاحصاء حاولي انك ما تطلعي من المحاضرة وانتي عندك شي مانتي فاهمتو الأفضل تسألي استاذتك وحتفهمك
اغلب استاذات الاحصاء ماشاء الله ممتازات, انا كنت عند اريج عبدالعظيم
واذا مافهمتي حاجة ترا كلو موجود ف النت ومشروح بس اكتبي اسم الدرس ف اليوتيوب وحتحصلي فديوهات كتير تشرحلك الشي الي منتي فاهمتو

أما الكيمياء في البداية حتكون مرررآ مرا سهله فحاولي انو اول فترة اختبارات تجيبي الفل مارك لانو منجد سهل
بعد كدا حيبدأ يصير ثقيل لكن ابدا مو صعب
بس انو طويل شويا
والمذاكرة تكون انو تفهمي أول شي من الدكتورة ولا تخافي اذا مافهمتي حاجة معاها اساليها واذا برضو مافهمتي ودا شي طبيعي ارجعي البيت ونفس الحكاية افتحي اليوتيوب واكتبي اسم الدرس وتحصلي شروحات
بعد كدا ترجعي البيت تذاكري المحاضرة وبعد ما تخلصو شابتر تقومي تحملي التست بانك تبع ليلى الحربي ضروري وتحليه
التست بانك دا فيلو اسئلة بالفهم ويجي منو في الاختبار كتييييررر يكون نفس الفكرة بس الارقام متغيرة
انا كنت عند دكتورة ايمان حجازي كويسة ماشاء الله
وحاولي ماتراكمي الكيمياء, انا صراحة ابدا ماكنت اذاكر اول بأول بس حاولي انو مثلا كل نهاية اسبوع تمسكي كل الي اخدتيه ف الاسبوع دا وتراجعيه احسن عشان لا تتعبي بعدين خصوصا ف النهائي

[نُـهَـى]

وعليكم السلام ورحمة الله وبركاته

حسب تجربتي راح أقولك على أفضل المصادر للمذاكرة

الكيمياء:
فيديوهات يوسف زويل +سلايدات الأستاذة نهى الوزان أول ليلى الحربي+تست بانك
أما كتاب الكيمياء أنا ماأشوف له لزمة


الإحصاء:
الكتاب+تمارين السكشن+نماذج اختبارات سابقة تلقيها في مواقع أستاذات الإحصاء
والسكشن مرة مهم وضروري تحضريه لا تسحبي عليه بعض تمارينه كانت تجي في الاختبار

بالتوفيق

[رورو احمد]

المشاركة الأصلية كتبت بواسطة نُـهَـى وعليكم السلام ورحمة الله وبركاته حسب تجربتي راح أقولك على أفضل المصادر للمذاكرة الكيمياء: فيديوهات يوسف زويل +سلايدات الأستاذة نهى الوزان أول ليلى الحربي+تست بانك أما كتاب الكيمياء أنا ماأشوف له لزمة الإحصاء: الكتاب+تمارين السكشن+نماذج اختبارات سابقة تلقيها في مواقع أستاذات الإحصاء والسكشن مرة مهم وضروري تحضريه لا تسحبي عليه بعض تمارينه كانت تجي في الاختبار بالتوفيق

كلام سليم مية المية

وبالنسبة للمدرسات الخصوصيات راسليني خاص لان ممنوع أحطها هنا

[Elaph]

بنات
الحمدلله استلمت بطاقتي الحامعيه اليوم ""
ابغى اسال عن محاظرات السكشن ( حل التمارين )
للاحصاء بس ولا في للكيمياء كمان ؟؟
الي اعرفو انها من 12 ل 1
بس تكون كل يوم ولا كل اسبوع ولا كيف ؟؟!
وشكررا

[Mirinoxd]

^
بس للأحصاء والفيزياء
وايوا صحيح من 12 ل1
والسكشن حيكون نفسو طوال الأسبوع ينعاد
كل اسبوع سكشن جديد
يعني روحي احضري يوم واحد ف الاسبوع بس

[Elaph]

مرررا شككررا
الله يفرح قلبك مثل ما فرحتيني
انا كنت خايفة تكون المحاظرة يوميا ومايكون عندي ولا يوم بريك بس الحمدلله طمنتيني