نبغا نستفيد (خطه ب)

[صووفيا]

السلام عليكم ورحمة الله وبركاته

انا خطه ب وحابه استفسر عن مادة الاحصاء من فين تذاكروها والكيمياء
والي عندها ارقام استاذات تديني هيا والي عنده ارقام مدرسين يجوا للبيت يديني كمان

خايفه من دي المادتين وابغى تنصحوني
وبكون شاكره لكم

[الفتاة الغامضة]

الاحصاء : بالنسبة لي كانت مذاكرتي من سلايدات مس فاتن .. ونماذج أسئلة من موقعها .. وعندها حساب في الفيس تنزل منه الأسئلة للأعوام السابقة .. و بعض البنات استفادوا من السعدي قالوا أغلب الأسئلة في الاختبارات من السعدي
الكيمياء : مررررررررررررررررة سهل .. تاخذي الفل مارك إذا كنت مع دكتورة كويسة .. أنا كنت مع دكتورة ليلى الحربي وكان يكفيني المعلومات والشرح اللي تعطينا هي في المحاضرة .. وذاكرت من السلايدات حقتها وتست بانك اللي تنزلها هي في الموقع حقتها ..

[بنت عز ما تنهز..]

الاحصاء:-كنت احضر عند استاذة هديل الرويثي
وكنت اذاكر من السلايدات حقتها وملخص السعدي+اتدرب على الاسئلة من الورك شيت حقها واسئلة محاضرات السكشن..كل دا بتلقوه في موقعها

الكيمياء:-جدا جدا سهل كنت احضر عند دكتورة عائشة المباركي
وكنت اذاكر من السلايدات حقتها بحكم حسيتها مرتبة وشاملة كل شيء+اتدرب على الاسئلة من التست بانك حقها والتست بانك حق دكتورة ليلى الحربي
*الكيمياء مهمة محاضرات السكشن..حاولوا تحضروها

^^اجوبتي عن الشرفية لاني درست خطة ب الترم اللي راح في الشرفية
موفقين..

[الفتاة الغامضة]

المشاركة الأصلية كتبت بواسطة الفتاة الغامضة الاحصاء : بالنسبة لي كانت مذاكرتي من سلايدات مس فاتن .. ونماذج أسئلة من موقعها .. وعندها حساب في الفيس تنزل منه الأسئلة للأعوام السابقة .. و بعض البنات استفادوا من السعدي قالوا أغلب الأسئلة في الاختبارات من السعدي الكيمياء : مررررررررررررررررة سهل .. تاخذي الفل مارك إذا كنت مع دكتورة كويسة .. أنا كنت مع دكتورة ليلى الحربي وكان يكفيني المعلومات والشرح اللي تعطينا هي في المحاضرة .. وذاكرت من السلايدات حقتها وتست بانك اللي تنزلها هي في الموقع حقتها ..

حتى أنا كنت في الشرفية ^^..

[أُنـثــﮯ مـــلآئـكيـة]

احصاء ذاكري من الكتاب وحلي الاسئله المطلوبة منكم في السيلبوس (السيلبوس بينزل بموقع استاذه دعاء بوقري)
وكمان قبل كل اختبار بيوم يومين استاذه دعاء اسئله لكل شابتر ومحلولة ف اتدربي عليها
ممكن تستخدمي اليوتيوب دروس بالانجليزي اذا استاذتك ما تفهم
وممكن تحضري عند غيرها
واخر شيء قبل اي اختبار جهزي نماذج قديمة و حلي وبس
بالتوفيق

[ArWaA Banabilah]

وعليكم السلام ورحمة الله وبركاته

الإحصاء: الكتاب والأستاذة دعاء بوقري كانت تنزل أسئلة لكل وحدة + نموذج اختبار في موقعها
ما يحتاج تشتتي نفسك بملخصات إذا ذاكرتي المصادر اللي قلتلك عليها تكفي إن شاء الله وتجيبي ايه بلس بإذن الله

الكيمياء: أنا كنت مع د. ليلى الحربي وأكتب معاها المحاضرات وأذاكرها + السلايدات والتست بانك تنزلهم في موقعها مهمة جداً

قبل هذا كله أهم شيء التوكل على ربنا والاستعانة فيه
وﻻتنسي الدعاء والاستغفار دائماً

بالتوفيق ♡

[ArWaA Banabilah]

وزي ما قالت أختناأُنـثــے مـــلآئـكيـة ضرووووري تحضري السكشن وهو محاضرة غير إجبارية لحل الأسئلة
طبعاً ﻻزم تكوني حالة الأسئلة قبل ﻻتحضري ﻷنهم ما يحلوا كل شي فانتي تحلي وإذا عندك سؤال تسألي

ﻻتشيوا هم سنة حلوة وجميلة وحتعدي بسرعة إن شاء الله

أهم شي المذاااااااكرررررررة أول بأوووول
لو راكمتي محا يمديكي قبل الاختبار تذاكريه كله
خلي قبل الاختبار مراجعة كل شي تكوني مذاكرته قبل

الله يحقق لك أمنياتكم ياارب

[Bshbosh]

الكيمياء مره سهل ومذاكرتو خفيفه مره لا تشيلي همو مره حتى لو ما حضرتي تقدري تفهمي من نفسك
المذاكره ذاكري من سلايدات ليلى الحربي واذا فتحتيها ومافهمتي زي روحي لسلايدات عائشه مباركي وشوفي مترجمه وبعدين ذاكري على حقت ليلى وفي عندك يوسف زويل انا مره فادني انا كنت اشتري ملخصاتو يعني اذاكر من يوسف زويل وبعدين اراجع على سلايدات ليلى الحربي وبعدها احل تست بانك
بالنسبه للاحصاء برضو مره حلو وسهل ويعتمد على الاستاذ اللي يدرسك وكمان عليكي يعني تأخذي محاضره ترجعي تراجعيها وتحلي اسئله بكذا ماراح تنسيها وزي ماقلتك دي الماده تعتمد على الاستاذ اللي يدرس يعني لو بالسليمانيه شوفي من يمدحوها وبالشرفيه انا اقولك فاتن الحسين
رغم دي المادتين انا رفعتلي بالمعدل :) رغم ما احب الكيمياء بس يعني سهل ولا تشيلو همو
وربي يوفقكم يارب ويكتبلك الخير يارب

[رفّات حُلم]

الاحصاء:
أفهم مع أستاذتي، وبعدين لا تعملي زيي أنا ما كنت أحل الأسئلة اللي نهاية كل شابتر قبل الاختبار
وما يمديني الوقت في ليلة الاختبار فأطنشها كنت !
لكن كنت أحل كللل التمارين اللي في الدرس واللي معانا طبعًا ( تعرفي ايش اللي معانا او لا من السيلابس، موقع أ/ دعاء بوقري المنسقة في السليمانية )
فالحمدلله وكانوا البنات لما يسألوا في الواتس، كنت أحل أسئلتهم، لأنها غالبًا هي الصعبة ض1
المهم.
المزاكرة من الكِتاب، التعريفات احفظي لكل مصطلح كلمة تفرقه عن المصلحات التانية.. الكلمة المههههههمة مرة!
أول ما تجي تمارين، حليها كل اللي معاكِ في الدرس!
لا تخلي يمر عليكِ شابتر الا وانتِ حالة الاسئلة اللي معاه كلههها.
نصيحة لانه ليلة الاختبار، يا دوب ترجعي تزاكري الدرس وتثبتي المعلومة بالتمارين اللي في الدرس والمصطلحات
بس مافي ابدًا وقت انك تحلي كل التمارين!!

الكيمياء:
مزاكرتي من سلايدات د/ ليلى الحربي، توفي وتكفي مررررة.
التمارين اللي فيها مهمة وأفكار، والشي الثاني التيست بانك
التيست بانك مهم مهم مهم، هذا نفس الاختبار
بس ممكن أرقام تتتغير وبس!
أنا نفس الشي كنت أخليه لآخر لحظة كلو ومرة رحت وانا مو حالة التيست بانك
بس الحمدلله مو مرة غلطت لاني فاهمة الاكتر ولله الحمد
فنصيحة لا يمر عليكِ شابتر الا وانتِ حالة التيست بانك ( بعض الشباتر طويييل مرة )
وصح مافي ممعلومات نظرية أو تعاريف كثير في الكيمياء بس حاولي تفهميها والكلام المهم منها بس :)

ما تحتاجي مُلخصات ترا، يكفي كتاب الاحصاء وتمارينه وسلايدات د/ ليلى مع التيست بانك
وترا كل الفرعين أسئلتهم موحدة.
طبعًا سواءً في الاحصاء او الكيمياء عشان تحلي الاسئلة لازمم تكوني فاهمة ومزاكرة الدرس اصلًا!

موفقة ق1

[Mirinoxd]

أول حاجة لا تحطي في راسك مدرسين خصوصيين ودا الكلام ثقي بنفسك وقدراتك لا تخسري نفسك وأهلك فلوس وهو شي باذن الله مقدور عليه بدون مساعدة خصوصيين
تآني شي الاحصاء جدا سهل وعلى فكرة درستوه في الثانوي
تفتكري المتوسط والوسيط والمنوال والرسمة المقسمة 6 أقسام كل قسم له نسبة؟ دا هو نفسو حترجعو تدرسوه تاني
صدقيني جداً سهل, ما اكدب اوك في الفترة الثانية كان شويا صعب لأنو كان فيلو احتمالات بس مو لدرجة انو اجيب مدرسة خصوصية
الميد الأول حيكون جداً جداً سهل, التاني برضو سهل لكن حيكون فيلو لحسة دماغ شويا لانو عبارة عن احتمالات, اما النهائي حيكون مممممويآآ
امسكي الأسئلة اخر الباب وحليها وأحضري السكشن (محاضرة حل الأسئله) وباذن الله حتجيبي الفل مارك
طبعا ف الاحصاء حاولي انك ما تطلعي من المحاضرة وانتي عندك شي مانتي فاهمتو الأفضل تسألي استاذتك وحتفهمك
اغلب استاذات الاحصاء ماشاء الله ممتازات, انا كنت عند اريج عبدالعظيم
واذا مافهمتي حاجة ترا كلو موجود ف النت ومشروح بس اكتبي اسم الدرس ف اليوتيوب وحتحصلي فديوهات كتير تشرحلك الشي الي منتي فاهمتو

أما الكيمياء في البداية حتكون مرررآ مرا سهله فحاولي انو اول فترة اختبارات تجيبي الفل مارك لانو منجد سهل
بعد كدا حيبدأ يصير ثقيل لكن ابدا مو صعب
بس انو طويل شويا
والمذاكرة تكون انو تفهمي أول شي من الدكتورة ولا تخافي اذا مافهمتي حاجة معاها اساليها واذا برضو مافهمتي ودا شي طبيعي ارجعي البيت ونفس الحكاية افتحي اليوتيوب واكتبي اسم الدرس وتحصلي شروحات
بعد كدا ترجعي البيت تذاكري المحاضرة وبعد ما تخلصو شابتر تقومي تحملي التست بانك تبع ليلى الحربي ضروري وتحليه
التست بانك دا فيلو اسئلة بالفهم ويجي منو في الاختبار كتييييررر يكون نفس الفكرة بس الارقام متغيرة
انا كنت عند دكتورة ايمان حجازي كويسة ماشاء الله
وحاولي ماتراكمي الكيمياء, انا صراحة ابدا ماكنت اذاكر اول بأول بس حاولي انو مثلا كل نهاية اسبوع تمسكي كل الي اخدتيه ف الاسبوع دا وتراجعيه احسن عشان لا تتعبي بعدين خصوصا ف النهائي