مين أخد إدارة أعمال بالانقلش مع غادة

[susu MIS]

مين أخد إداره أعمال بالانقلش مع غادة ؟ هل الماده صعبه ولا سهله

وكيف اسئلتها وسهل انو اجيب الـ a عندها

واسئلتها مقالية ام اختياريه

وجزاكم الله خير

[anwaaaar]

غاده طيوبه بس من النوع الي طول الوقت ممكن تحش وتتونس على البنات ..في بنات كتير كانو يتضايقو من كدا ..
بس لما تاخدي الموضوع انو مزح ودا اسلوبها يمشي الحال ..

الماده مليانه بس اسئلة اختبارها معقوله ..فيها تعداد احيانا بس لو ذاكرتي تجيبيها ..يعني ماتجيب من الدش ..

وصراحه ترفع فالنهايه مره كتير ..

[عسل ورد]

لازم تذاكرين اول بأول لان الماده دسمه صراحه
،
بالتوفيق

[susu MIS]

وهـ

ليشششش تخوفوني

[اسيرة الشوق]

شكرا على الموضوع نبغى ردوووووووووود كمان

[سوسا]

المشاركة الأصلية كتبت بواسطة anwaaaar غاده طيوبه بس من النوع الي طول الوقت ممكن تحش وتتونس على البنات ..في بنات كتير كانو يتضايقو من كدا .. بس لما تاخدي الموضوع انو مزح ودا اسلوبها يمشي الحال .. الماده مليانه بس اسئلة اختبارها معقوله ..فيها تعداد احيانا بس لو ذاكرتي تجيبيها ..يعني ماتجيب من الدش .. وصراحه ترفع فالنهايه مره كتير ..

لالالالالالالالالالالالالالالا

يعني زي خيجه ضباب

انا لو اروح لخديجه دا الترم امكن يجيها انهيار عصبي

من كتر انا و صحبتي هيه تتريق و احنا ندقها بالكلام في نص المحاضره دا كلو

كانت حرب مو محاضره

الله يستر بس

[دنيآ مآتسوى ~]

الله يسهلها علينآ يآرب
وآهم شيء مايكون عندها تكاليف مااحبها :(

مشكوره يآقمر

،

[susu MIS]

up up

ابغا أحد أخد معآهآ يقولي كيف !!!

[^سنيوريتـــــا^]

انا سجلت الماده عندها وبرضو ماني عارفه هي كيف :(

[memo honey]

أنا أخذت الترم اللي فات مع غاده مرررره ناااايس وروعه حبيتها ذي الانسانه.....أحسها تبغى البنات يفهمواعندها اهم شيء وكمان مايحتاج تكتبي معها اذا كان عندك ملزمه (أنا اخذتها من البنات نزلوها من النت ) هذه الملزمه باسم الدكتوره نفسها ومكتوب فيها الفقرات المهمه اللي هيا دايما تجيب منها ف اختباراتها
وكمان وقت المحاضره بتقولنا الشيء المهم يعني بتقول مثلا انا احب هذه الفقره (يعني انتبهوا راح اجيب منها )
بس كمان دمها خفيف وبتحب تغير جو المحاضره ... والله مره عسوله
بس عشان الماده بالانجلش البنات متخوفين منها
انتو لا تخافوا اهم شيء ركزوا معها ف المحاضره وذاكروا من الملزمه وإن شاء الله a+