كــآرثة جدولي . بس مادتين . الرجاء الدخول لتفهمو الموضوع . انا دفعه 09

[Cho Kakao]

السلام عليكم ورحمة الله وبركاتة

القصه طويله وتعبت والله وانا رايحه جايه الجامعه ولا مسؤوله راضيه تعطيني وجه كل وحده تحولني عالتانيه
وكل ما اروح للتانيه ترجعني للأولى
بالعربي أدور بحلقه مفرغه

القصه تبدأ لما درست الفصل الاول ونجحت بكل المواد ماعدا العربي 101
واعتذرت عن المستوا التاني ورجعت هادا المستوا وطبعا انا طلبت بالاول التسكين اقتصاد واداره وبعدو اداب طبعا فهموني غلط وحطوني اداب وانا لسا حتى مابديت دراسه ولا سددت ولا شي

بعدو بدأت مشاويري من الجامعه للبيت ومن البيت للجامعه تقولو كأني موظفه هناك
وطلبت تحويل من كلية الاداب والعلوم الانسانيه للإقتصاد والاداره ورحت لكل الغرف بالعماده بس وانا اشرحلهم حالتي إنو ما أبغى اداب وأنا لسا تحضيري يعني جدا بدري عليا التسكين
روحت من غرفه 2 ل 15 ل 7 ل الشؤون التعليميه ل 15 ل 7 ل 2

وبالاخر قفلو الباب بوجهي

وطبعا سلمت أمري لله وروحت سددت حق المستوا

وصبرت يومين وفجأه طلع الجدول

بس طلع بشكل جدا مخيف ::

مادتين بس

وانصدمت وقلت أصبر كمان فتره ممكن يزيدو

وأروح الخطه الدراسيه لقيت المواد مو زي البشر , مواد جدا مخيفه عربي 1 و2
وثقافه 2 وانجليزي 102

و

مافي احصاء ,, هنا صدمه كمان

سكت وقلت أمري لله ممكن يتعدل كل شي بعد فتره

وكم يوم طلع الحذف والاضافه واليوم الا تفعل

المصيبه والكارثه إيش اضيف ؟ فهموني بس إيش أضيف

بس انجليزي هادا اللي بقدر أضيفو ,

العربي مابقدر اضيف لا 101 ولا 201 لأني راسبه فيه بالمستوا الاول

والثقافه مابقدر أضيفو

ومافي إحصاء 111 زي البشر الباقيين

تعبت نفسيتي كرهت نفسي والله حاسه كأني منبوذه من دا المستوا

والاتصال بالجامعه اتصلت كل يوم بحاول

واخر شي قللي الرجال اللي يرد عالتلفون يا اختي انا ما اعرف إيش تسوي ما اعرف > حسسني إني جايه من كوكب تاني والله
وقفل بوجهي > مما زاد الدموع والألم

طيب أنا دحين معقول أدرس مستوا كامل على 3 مواد ؟ مهارات تفكير ومهارات اتصال وانجليزي 102 ؟؟

ودافعه 3000 ريال يعني على كل ماده 1000 ؟؟!!!

تعبت لدرجة لما ابويا يطالع فيا يسألني تعدل جدولك ؟ والله العظيم أبكي مني عارفه إيش اقولو

أقولو الجامعه كل ما اتصل يجلسو يحولوني كل شويه وبالاخر يسكرو بوجهي
وللا أقولو كل ما اروح العماده والتسجيل محد يديني وجه وبالاخر يسكرو الباب بوجهي

طلب التحويل للكليات مانقدر إلا لما نكون مخلصين مستويين والمعدل مرتفع

وأنا لسا بس درست مستوا واحد بس وجايبه 2,67 يعني لسا حتى ماقدرت ادرس المستوا التاني عشان أقدر أجيب مجموع ولا اختبرت العربي للمستوا الاول ولا شي

سرت أنام وأصحى وأنا صداع مو طبيعي وأطلب ربي يخرجني من دي الكارثه اللي طلعت بحياتي الحمدلله ياربي على كل حال

اللي أبغاه منكم تدعولي وتوجهوني إيش أقدر أعمل ؟
ممكن أحد منكم يعرف أحد سارلو زي موقفي أو حتى يعرف الحل

وتعبت من قصة التلفون والارقام والتحويلات مابقيت تحويله للإنتساب إلا وعندي

وسامحوني طولت عليكم
حتى موضوعي مافي شي يخلي الواحد يبتسم
.
سبحان الله وبحمده سبحان الله العظيم

[عنيد بس عميد]

وعليكم السلام ورحمة الله وبركاته
أولاً أقول سلامتك وثاني شيء لاتكدرين خاطرك في ناس كثيرين مانزلت لهم إلا مادتين وبعضهم ثلاث
وفي لخبطة من الجامعة فجدولهم للمرة الثالثة يعدلون فيه
لكن أنا بعطيك إيميلات مدير الجامعة وعميد القبول والتسجيل وراح يردون عليك بحول الله ، والله يعينك وإن شاء الله تتعدل أمورك ويصبرك وإن شاء وربي يوفقك ويكتب لك مافيه الخير
معالي مدير الجامعة الأستاذ الدكتور/ أسامة بن صادق الطيب
البريد الإلكتروني

almodyr@kau.edu.sa
سعادة عميد القبول والتسجيل الأستاذ الدكتور/ عبدالفتاح بن سلمان مشاط
البريد الإلكتروني
amashat@kau.edu.sa
البريد الالكتروني ( شطر الطلاب ) : darg.tasjeel@kau.edu.sa

الاتصال هاتفيا ً على شطر الطالبات : سنترال الجامعة (026400000)

الفاكس تحويله القسم
6952002 63556 وكيلة القبول والتسجيل
6926224 52730 مديرة الاداره
6952112 63550 وحدة القبول
6926311 63929 وحدة التسجيل
ـــــــــــــــــ
6952799 6952967 مكتب العميد

[بندول]

أختي الفاضلة

لاتقنطي من رحمة الله ولابد أن تكون أكثر قوة وشجاعة فتخطى الحواجز هو طريقك للابداع والنجاح

لقد نزل جدولي الدراسي 3 مواد فقط وأنا سنة تحضيرية وهذا الفصل الثاني ولكن والله الحمد هناك رجل

عظيم في هذه الجامعة واسمه دكتور عبدالفتاح مشاط لاتتجاوزيه كل ماعليك مراسلته عبر الإيميل وشرح

قصة الجدول باختصار فليس هناك داعي للإسهاب فهو شخصية مثالية راقية ونادرة آمل من الجميع أن يحذو حذوه

مع تمنياتي لك بالتفاؤل والسعادة فلا تجعلي الخوف يسيطر على مشاعرك وتوكلي على الله وتسلحي بسلاح الأمل.

[طموح متنحه]

اختي تووكلي على الله


وكيف ما تقدري تضيفي العربي الا تقدري اخذي عربي 1 واضيفيه للجدول

لانه لازم تعديه عشان تقدري تاخذي عربي 2

والله ييسر لك طريقك

[Cho Kakao]

شكرا لكم جميعا والله فرحني ردكم الله يوفقكم ياربي ويسهلكم طريق النجاح

راح أرسلهم عالايميل ويارب يشوفو موضوعي لو بس يدخلولي المواد صحيحه والجدول يكمل .

جزاكم الله خير يارب

[ro7i Leek]

يارب الله يعينك ..حاسه فيك ياقلبي ..

معليش اصبري وإن شاء الله كل شي راح يتعدّل ، واذا ماحد ساعدك من اللي ارسلتيلهم ايميلات، نزلي موضوع واشرحي مشكلتك للأستاذ فهد العنزان،هو معنا هنا بالمنتدى وإن شاء الله يساعدك مثل ماساعد الكثيرين ..

موفقه

[ام لقمر]

خوفتبني انا ناطره الجدول ينزل وانا حاملهeيعني احتمال يصيرلي مثلك
يارب سترك

[Cho Kakao]

ام لقمر

انا مو حامله انجليزي بس شوفي بلحذف والاضافه لو طلعلك وإنتي براحتك تضيفي وللا لأ

انا دحين عندي بس 3 مواد
ما اقدر اخد العربي والله خايفه منو يبغالو فصل لوحدو عشان أركز فيه

الحمدلله على كل حال يارب والله قلبي يتقطع قطع قطع صغيره لما افكر بالجامعه

يارب احول انتظام واخلص من الهم وأكون زي البشر

[Cho Kakao]

باركولي الحمدلله بفضل من الله تم تعديل جدولي
واضفت الاحصاء 111 اللي طلعلي فجأه بدال الاحصاء في العلوم الانسانيه

والله كنت فاقده الامل وقلت ماحيتعدل شي وكرهت جدولي

ودحين الحمدلله جدولي سار زي الناس 4 مواد الحمدلله

أدعولي ربي يسهلي وأخلص دا المستوا على خير وأطلب تحويل للنقل للإقتصاد والاداره ^_^

ادعولي بقلوب صافيه ^_^ الله يوفقنا جميعا ويرزقنا على قد نيتنا يارب

[عنيد بس عميد]

ألف ألف الف مبروك
وعقبال ماتصيرين دكتورة