إلى بنات الأشعة بخصوص اختبار الـ Radiobiology

[JuStice]

.


السلام عليكم ,


إلى بنات الأشعة بخصوص اختبار الـ Radiobiology ..


دكتور محمد عبدالرحمن "مهندس الطب النووي" اللي يدرسنا مادة الراديوبيولوجي ,


اليوم كلمنا على موعد الإختبار .. اخترنا موعد .. وعلى نهاية المحاضرة غيره وحط موعد تاني


وبعدها بكم ساعة دق عالليدر وقاله على موعد جديد اللي هو يوم الأحد بسبب البنات ما عندهم


غير دا الوقت ! طيب وإحنا إيش ذنبنا ينحط الإختبار بـ يوم زي كدا كله مواد ..؟!


وغير كدا بدري مرة .. نبغاه متأخر شوي ..


عشان كدا أرجو من أي بنت أشعاوية تقرأ الموضوع دا تبلغ بنات


الأشعة وليدر البنات حتى نتفاهم على موعد اختبار مناسب لنا كلنا .. ونقترح يكون


يوم الإثنين بـ موعد الـ Exam Time أو الثلاثاء من 8 إلى 9 .. أو الأربعاء من 8 إلى 9 ,


ونتمنى يكون فيه تواصل بين ليدر البنات وليدر الأولاد زي ما بيصير عادةً كل سنة ,


عشان الأمور دي كلها تترتب وما نحتاج كل شوية نفتح موضوع ,


وسلامي لكم


.

[خزامى ،،]

امممم

دكتور محمد لسا ماكلمنا ع الاختبار ..

......

في مشكله انو احنا جدولنا ..ملخبط .. مراا ولسا الجديد مانزل

يعني وقت الاكزام تايم مو يوم الاتنين يوم الاحد عندنا ..

ويوم التلوت من 9_8 عندنا فسيولجي
يوم الربوع في نفس الموعد ماعندنا شي ..

بس الاغلب مايفضل يكون اختبار يوم الربوع

ولازم صراحه يكون في اتفاق بين الليدر اسرع من المنتدى اكيد ..أنت الليدر ؟؟

عموما انا اليوم رحت انا وبنت وكلمنا الشؤون عندنا ع الجدول العادي وجدول الاختبارات انهم ينزلوو

واي جديد بلغو الليدر وهيا تبلغنا ..وراح نكلم د / محمد ان شاء الله ..

والله يعطيك العاافيه :)

[tooty_676]

بارده جيدهـ وممتازه جدا منك يا JuStice

كان مفروض من زمان انه كان فيه تواصل عشان تصل عملية
تبادل الملخصات واوقات الاختبار من حيث توافقها...

وعموما هو بيكون التواصل بين ليدرنا وليدر البنات...

فاليت تشوف طريقه بأسرع وقت..

[JuStice]

.

خلاص مو لازم يكون بوقت الـ Exam Time .. نختار أي ساعة تناسبنا ..

بالنسبة لـ يوم الأربعاء ما أدري إذا الشباب موافقين عليه ولا لأ .. عن نفسي موافق عليه لأنه بهدا اليوم ما عندنا غير مادة الكمبيوتر من 9 إلى 11 ,

واللي تكون عادة درس بالمستشفى عالأجهزة وفلة .. يوم خفيف فـ عادي لو أختبرنا فيه من 8 إلى 9 .

ولأ .. مو أنا الليدر ..

.

[Igouana]

والله إنتو لوشفتو جدولنا تحتااااااااارو فيه مرررررررره مشقلب وحالتو صعبه ...

بس ولا يهمك إن شاء الله نشوف بكره الحكايه مع بقية البنات :)

[JuStice]

.

عدلوا الجدول مع الدكتور .. كل مادة عيدوا تقسيمها مع دكتورها زي ما إحنا سوينا

وبانتظار ردكم بخصوص موعد الإختبار ...

.

[M.Alnawar]

المشاركة الأصلية كتبت بواسطة justice . دكتور محمد عبدالرحمن "مهندس الطب النووي" .

دكتور محمد عبدالرحمن طبيب علاج إشعاعي وطب نووي وليس مهندس :) ..

للمعلومية فقط وتصحيح بعض المعلومات..

[JuStice]

.

شكرًا لك أخي محمد النوار عالتصحيح , بس أعتقد إني سمعته قال إنه مهندس نووي !

.

[no0of2009]

اليوم رحنا له المكتب وشوية ببكي عنده عشان ياجل الاختبار مارضي وطلبت منه اذا بيكون بنفس الموعد بس تجريبي كمان ما رضي وادانا نموذج اختبار وقال حيجي اسهل منه وحيكون صح وخطا واختياري بس 20 فقرة ب10 درجات واغلب بنات الكلاس راحو معايا بس مافي فايده منه

[tooty_676]

الله يعينا عليهـ...

الدكتور هذا شر لا بد منه....