تحذيييييير.......

[رندا البحري]

أنبهكم ياأخواتي على معهد السعودي للسيدات بحي الحمراء إلي قريب إلي موقعه بجانب عماير الغزاوي ومقابل لمحل تويز آر أس....بالله عليكم لاتدخلوا لا هو ولا في فروعه سواء دورة لغة أوحاسب ترى مراااااااا نصابين....أنا دخلتو قبل سنتين علشان أختبر icdlدفعت 700 ريال أخذوا رقمي وقالولي أول لمايطلع في إختبار ندق عليك .......يمر شهر شهرين 3شهور ماتصل دقيت عليهم .....قالولي لسه........تخيلو وأنا على نفس هاذا الحال لمدة سنتين أتصل يقولولي نفس الشي.....ودحين نتصل عليهم نبغى نكلم المديرة كل مرا يتحججوا مرا مسافرة مرا مافي
أبغى أسترد المبلغ بس ماأدري أشكي لمين بالزبط ساعدونيييييي

[وردية طموحة]

الله يعينك طار المنهج وانتي ما اختبرتي

أنا دخلت في فرعه الي في ينبع نفففففففففففففس الدوره لكن ب 2500 ريالات سعوديه حقيقيه خخخخ

والله ينبع الصناعيه مولللللللللللعه نار الأسعار عندنا ما اقدر اخد دورات بسبب الاسعار

حسبي الله عليهم

لكن صراحه نشبت فيهم نششششششششششششبه بس اتصل واروح واجي عليهم الين خلصت اختباراتي في ظرف سنه

... عسى تسنهم ... استغفر الله

المهم تعرفي على اداريه هيا الي بتنفعك ووووبس

[sbelady]

ارسلوا شكواكم الى المؤسسة العامة للتعليم الفنى والتدريب المهنى وصدقونى سوف يتفاعلون معكم

[رندا البحري]

كم رقم المؤسسة

[sbelady]

موجود على الانترنت

[دمعه فرررح]

نفس الحاله من سنه اخذت الدوره وانتظر الاختبارات للحين وكل يوم يقولوا الاسبوع الجاي فوق مادفعتلهم 2000 ريال

الله يعينا عليهم نبي نختبر ونفتك بس يماطلوا فينا المعاهد

[عماد الحسن]

الله يعينكم ،،،
لازم تشتكي عليهم بسرعة، فهناك موظفين مخصصين لشكاوي التدريب الأهلي وهم يقومون بمتابعة المعاهد باستمرار.

موقع المؤسسة العامة للتعليم الفنى والتدريب المهنى
http://www.tvtc.gov.sa/


تعميم لجميع منشآت التدريب الأهلية
المعتمدة من الرخصة الدولية لقيادة الحاسب الآلي icdl السعودية

السلام عليكم ورحمة الله وبركاته وبعد:
حرصاً من المؤسسة على دعم جودة البرامج التدريبية المقدمة في منشآت التدريب الأهلية تحت إشرافها، وحيث لوحظ استخدام بعض المعاهد والمراكز المعتمدة من الرخصة الدولية لقيادة الحاسب الآلي icdl السعودية لمواد تدريبية غير معتمدة من منظمة الرخصة الدولية.
نفيدكم بضرورة الالتزام باستخدام المواد التدريبية المعتمدة من المنظمة لبرنامج icdl وفي حال مخالفة ذلك فسيتم تطبيق الإجراءات النظامية في حق المعهد المخالف.
ولكم تحياتي وتقديري،،،

مدير عام التدريب الأهلي
د/ مبارك بن محمد الطامي

@@@@@@@@@
مقال آخر:

وجه محافظ المؤسسة العامة للتعليم الفني والتدريب المهني الدكتور علي ناصر الغفيص بتخصيص هاتف مجاني للادارة العامة للتدريب الاهلي بالمؤسسة لاستقبال شكاوي واستفسارات ومقترحات المتدربين واصحاب المنشآت التدريبية الاهلية ويهدف ذلك الى تطوير العملية التدريبية وحماية حقوق المتدربين كما يهدف الى زيادة التواصل بين المؤسسة العامة للتعليم الفني والتدريب المهني والمستثمرين في قطاع التدريب الاهلي بالمملكة. يذكر ان المؤسسة خصصت في موقعها على الانترنت صفحة خاصة بالتدريب الاهلي احتوت على بيانات عن المعاهد والمراكز الاهلية ونتائج اختبارات الدبلوم والدورات التأهيلية والشروط والمواصفات اللازمة لافتتاح المعاهد والمراكز الاهلية وبعض الخطط لبعض البرامج التدريبية فيما اعلن على الرقم المجاني وهو 8001242021 اما موقع المؤسسة على الانترنت فهو www.gotevot.edu.sa وموقع الادارة العامة للتدريب بالمؤسسة على الانترنت هو www.pt.gotevot.edu.sa.

[امووون3]

والله نفس المعاناه انا قبل سنه درست عندهم في فرع الحمرا وقريبتي في فرع النهضه
والله ثم والله ثم والله انواع المرمطه
اداره سيئه بمعنى الكلمه
كذابين ونصابين جدا
حسبي الله عليهم
والله قريبتي اخذت شهادتها وهيا تبكي
واشتكتهم بس ما شفنا شي
بس للامانه كانت تدرسني استاذه اسمها نسرين بمعنى الكلمه ذوق وطيوبه الله يسعدها

[Ashlee]

واللهي نفس الشي سار معايا درست في فرع الحمراء ودفعتلهم 2500 خلاص حكمل سنه وانا مااختبرت
كل مااتصل عليهم يقولو خلاص رفعنا الاسماء حنتصل عليكي قريبا :(

[smile flower]

السلام عليكم
فعلا النصب والاحتيال بيان
الاختبارات ما تاخد الفترة دي كلها
بمجرد ما تروحي وتدفعي فلوس بطاقة المهارات تقدري تبدأي الاختبارات وتقريبا كل اسبوع يكون في جلسة او جلستين حسب المعهد
يعني بالكثير تكوني بشهر مخلصة
هذا رقم معهد في حي الشاطي وقيمة الاختبارات + بطاقة المهارات450
الاكاديمية النموذجية 6077401
وموفقين ان شاء الله