خدمه انسانيه يا اهل الخير لخطه أ

[alzara0b]

السلام عليكم ورحمة الله وبركاته
معاكم اخوكم سعود الغامدي
يا اهل الخير انا توني منتسب الى الحين انا مادرست ولا كلمه انا خطه أ سنه تحضيريه ولاكن ماني داري وش ادرس وش السالفه اصلا وكيف انظم وقتي واعدل بين الدراسه والعمل الشيء الثاني بالنسبه للاختبارات اشوف الكثير في المنتدى يحددون عن طريق دكاتره معينين بس بالنسبه للاختبار هل نختبر عند الدكتور اللي يحدد والا عند واحد ثاني والا وش السالفه وهل في تحديدات عامه لخطه أ .
تكفون تكفون تكفون ياهل الخير ساعدوني Iam in demand for you

[نسيم الورد]

الله يسهل ويعين يارب
الرياضيات واللغة الانجليزية من اللحين دور على مدرس خصوصي يشرح لك
وبالنسبة للثقافة الاسلامية _ واللغة العربية .. المواد سهلة بس يبيلها تركيز
كل يوم حدد جزء بسيط او وحدة كاملة .. وافضل وقت للمذاكرة بعد صلاة الفجر.
المعلومات تثبت .
وبالنسبة للاختبارات (( مافهمت القصد منة .. بس رح اقولك على مفهومي))
الاختبارات تكون في صفر 1 / 2 / وتنتهي 6 / 2 وكل الاسئلة موحدة للجميع الطلاب
وكل الدكاترة اللي يوضعون الاسئلة لجميع الطلاب ..
وفية شي مهم (( بس مادري اذا كان الطلاب نفس الطالبات )) الاستاذات عندنا نبهونا
على اننا نختبر على نفس الشعبة اللي مذكورة في الجدول ..
سوري على الاطالة .. واتمنى اكون وصلت الفكرة ..

[كاهو]

الله يوفقك ياخي
انا افضل انك تدرس كل يوم لك وحده وانشا الله ماتجي الاختبارات الاوانت مخلص كل المواد
البنات غير عن الاولاد
البنات حذفوا لهم بعض الاشياء بس نتم كلو معاكم
الله يعينكم
في الاختبارات ركز على الشعبه اللي حطوك فيها انتبه لاتدخل شعبه اسمك مو موجود فيها لانك راح تعتبر راااااااااااااسب
انتبه

[المتوكل بالله]

يعطيكم العافية يابنات وربي يساعدكن

انا الحمدلله الرياضيات والانجليزي وبقية المواد اشوف انه سهله مررررة
بس ابي اسألكم :
1/ وش افضل الملخصات ( هاني عرب ) او في ملخصات ثانية ؟!
2/ وش تقصدون بالشعبة ؟

ودمتم بخير

[نسيم الورد]

اخوي المتوكل الملخصات ماتفرق احس انها نفس بعض
سواء اذا كانت من هاني عرب او الملخصات اللي ينزلونها الاعضاء
وبالنسبة للشعب اعيد واكرر والله مادري اذا كان الشباب نفس الصبايا .. والشعب
هي الرقم الموجود بالجدول تلاقيها بين المادة _ واسم المادة
تاكد ياخوي من الشباب اللي نفس خطتك .. مابي اخليك تتوهق لاني
مو متاكدة اذا كان الشباب موجودة معاهم شعب ولا .. لا
وبالتوفيق يارب