هام جدا بخصوص دورة الإنجليزي لماجستير الكيمياء

[دموع الثلج]

مرحبا
اخ عماد انا قدمت دراسة ماجستير ودشيت امتحان التوفل بس كان صعب شوي فانا الحين قاعد افكر انو اخذ دورة انجليزي لمدة شهرين وتغنيني عن دخول التوفل او بديله بس مادري ينفع هذا الشي اسويه يعني لما اجيب لهم شهاده معتمده من معهد عالمي راح يقبلوها واعفى من دخول الامتحان وانا طبعا تخصصي كيمياء ومشكوروالله يجزاك الجنه....

[lotysweet]

ماني الاستاذعماد << ندري طيب
بس بجوابك على سؤالك من باب اللقافة لأنه اجابة سهلة جدا وهية انو لا مو مقبولة
لأنه انت تخصصك علمي والعلمي لازم يجيب التوفل
وغير كذا انا ادبي قسم تاريخ وحطو لنا دورة انجليزي بدال اختبار التوفل بس لكلية الاداب ومع انهم شالو عنا التوفل وبس صارت دورة نجتازها وقلت لهم انه انا دارسة بدايركت اجلش وعندي شهادات معتمدة تكفي عن دورة الجامعة بس رفضو وقالو لازم الدورة
وبما انه اختبار التوفل مو اساسي لحقين الاداب ومع كذا ما اخذو شهادات دايركت انجلش مني فانت مستحيل يقبلو منك هالشهادات لأنه تخصصك علمي والعلمي حتى الان ماشالو عنهم التوفل
يارب يكون بعونكم ويحطون لكم دورات انجلش مثل كلية الاداب ويفكوكم من هالمأساة

[عماد الحسن]

السلام عليكم ورحمة الله ، وكل عام وأنتم بخير.

أشكر الأخت كاتبة الموضوع والأختlotysweet لردها المفيد وأسأل الله لكم القبول .
وأحب أضيف هنا معلومة أخرى وهي أن ماجستير الكيمياء والتاريخ تعتبر برامج عامة وبالتالي يجب فيها تحقيق درجة 400 في اختبار التوفل أو دراسة دورة إنجليزي في كلية الآداب ولا تقبل الدورات الخارجية.
وهذه الدورة لا يقبل فيها طلاب ماجستير العلوم لأنهم تخصص علمي.
أما الماجستير الخاص مثل إدارة العمال أو تقنيات التعليم فتقبل الدورات الخارجية ، ولي عشرات من الزملاء المقبولين بدورات خارجية لمدة 6 أسابيع أو شهرين.
علماً بأن الجهة المسئولة عن قبول الدورات الإنجليزية هي عمادة الدراسات العليا بالجامعة.

[دموع الثلج]

مشكورة حبيبتي lotysweet وياليت كل القافه زي لقافتك روعه ومفيده هههههه الله يوفقك يارب
ومشكور اخ عماد ع اهتمامك وردك ع اسئلتنا والله يوفق الجميع
بس بغيت اعرف كيف اقدم بدورة الانجليزي بكلية الاداب وكيف الاجراءت الي لازم اتبعها وكم رسومها وكم مدتها والف شكر ......

[ابتسامة دمعة]

السلام عليكم .. معلش انا داخلة عرض .. بس ابي افهم كيف مسموح للاقسام العلمية باخذ دورة انجليزي بدل التوفل ..
لانو شرط اللغة الانجليزية هو انا نجيب درجة اتوفل المطلوبة .. والدورات فقط لاقسام معينه واحنا مومنهم ..

[الشامخ101]

Up
up
up

[عماد الحسن]

المشاركة الأصلية كتبت بواسطة ابتسامة دمعة السلام عليكم .. معلش انا داخلة عرض .. بس ابي افهم كيف مسموح للاقسام العلمية باخذ دورة انجليزي بدل التوفل ..لانو شرط اللغة الانجليزية هو انا نجيب درجة التوفل المطلوبة .. والدورات فقط لاقسام معينه واحنا مومنهم ..

دورات الإنجليزي ممكن طالب الماجستير المقبول يدرسها بدل الاختبار، وهذه الدورة تقام في كلية الآداب لأن بها قسم إنجليزي أما الطلاب فهم من تخصصات كلية الآداب والاقتصاد.
وأنبه لأمر مهم وهو أن بعض طلاب الماجستير الخاص يفضلون دراسة دورة اللغة في معاهد خارجية لأن لديهم الإمكانية ، أما الماجستير العام فلا تقبل منهم الدورات الخارجية.

المشاركة الأصلية كتبت بواسطة دموع الثلج بغيت اعرف كيف اقدم بدورة الانجليزي بكلية الاداب وكيف الاجراءت الي لازم اتبعها وكم رسومها وكم مدتها والف شكر ......

هذه الدورة خاصة بالمقبولات في كلية الآداب ، وبعد القبول تخيركم الكلية بين دخول اختبار التوفل ب400درجة أو دورة الإنجليزي ، والأمر راجع لكم.
أما الآن فلا يحق للطالبة التقديم على هذه الدورة لأنها لم تقبل للماجستير بشكل نهائي.

[ابتسامة دمعة]

أخي عماد الله يجزاك الجنه ومشكور على الرد .. الكل اجل فهم الشرط غلط
ان شاء الله تكون الدورات قويه في تعليم اللغة

[الشامخ101]

شكرا اخ عماد.. .

[دموع الثلج]

[SIZE="4"][COLOR="DarkOrchid"]جزاك الله خير اخ عماد بس بعد اذنك عندي بعد استفسار بسيط واسفه اذا غثيتك بس مافهمت كيف المقبولات انا جاني مسج من اسبوع عن موعد الامتحان وامتحنته الاربعاء بس حاسه انه ماقدمته بالصوره المطلوبه الحين مادري وشلون بس المشكله انه امس سالت وحده مسئوله بقسم الدراسات العليا عن الدورات بكلية الاداب قالت لا مايصير لازم تمتحني التوفل والحين صايره متلخبطه وربي يعين الجميع ونتخطى هالحواجز.....