مطلوووب كتاب الثقافة الأسلامية 401( المستوى الرابع )

[بندر2]

السلام عليكم ورحمة الله وبركاته

كما هو واضح بالعنوان ياليت الي عنده كتاب الثقافة الاسلامية 401 ومايحتاجه اشتريه
منه لاني دورته بالرياض ومالقيته تكفووون الله يوفق الي يساعدني وينجحه محتاجه
ضروري وبأسرع وقت الاختبارات قربت وماعاد فيه وقت .

والله يوفقكم جمعياً

[Rasheed]

عليك بملخص هاني عرب

[عيون الريم]

شوف الكتاب المستعمل
فرعهم في طريق الملك عبدالله ، مقابل ماما نورة تقريباً
والفرع الثاني ، بطريق خريص بعد طريق الملك فهد بعد عيادة اوباجي للتجميل.
والفرع الثالث بمخرج 15 وانت جاي من الشمال بالطريق الدائري ادخل مخرج 15 وامشي شوي يجيك يوتيرن رح معاه ، واول ما تاخذ اليوتيرن شف الفرع على يمينك .
وإلا تقدر تشوف لك أي فرع منهم وهو يشيك لك في الكمبيوتر عنده ويعلمك إذا هو موجود وبأي فرع من فروعهم :)
وإلا كلمهم واسألهم :)

[صدق المشاعر]

تو شريته امس من مكتبة جرير اللي على الدائري الشمالي بين مخرج 5 ومخرج 6 .

على فكرة مكتبة جرير ما يعرفون وش الكتب اللي في فروعهم .. يعني لو رحت عند فرع العليا وقلت شيك على فروعكم وين ألاقي الكتاب .. ما يقدر يفيدك . وممكن يصرفك مثل ما صرفوني ،، يقولون ما في أي فرع إلا في جدة ، ورحت للدائري لقيته ..

وسعره 13 ريال ..

[دايم العز]

المشاركة الأصلية كتبت بواسطة صدق المشاعر تو شريته امس من مكتبة جرير اللي على الدائري الشمالي بين مخرج 5 ومخرج 6 . على فكرة مكتبة جرير ما يعرفون وش الكتب اللي في فروعهم .. يعني لو رحت عند فرع العليا وقلت شيك على فروعكم وين ألاقي الكتاب .. ما يقدر يفيدك . وممكن يصرفك مثل ما صرفوني ،، يقولون ما في أي فرع إلا في جدة ، ورحت للدائري لقيته .. وسعره 13 ريال ..

متأكد انه نفس الكتاب اللي مطلوب بجامعة الملك عبدالعزيز .. لأن فيه ثقافه 401 لكن المؤلف يختلف
تأكد من الكتاب ..

عموما انا خلصت الماده بس والله ماحصلت الكتاب برجع ادوره مره ثانيه اليوم وان حصلته بلغتك ان شاء الله اخوي

[كامل2]

انا منتسب من جده حضرة دورة الانتساب وحضرت المادة 401 بالنسبة للكتاب النسخة الموجوده غير واضحة الخط افادنا الدكتور بانه يوجد نسخه واضحة في مكتبة الهدى في جدة وانا على استعداد لايصاله لكم عن طريق البريد

[بندر2]

الله يعطيكم الف عافيه ماقصرتوو ... اخوي صدق المشاعر ياليت تتأكد من المؤلفين وهم

الشيخ / محمد قطب والأستاذ / محمد المبارك والأستاذ /مصطفى كامل

اذا هم نفس المؤلفين بروح اشتريه حبيت اتأكد لان المكتبة بعيدة عني ومابي اضرب مشوار لين اتأكد

اخوي دايم العز اذا حصلته ياليت تعطيني خبر ... والف شكر لكم جمعياً

[الطموحه التائهه]

المشاركة الأصلية كتبت بواسطة بندر2 الله يعطيكم الف عافيه ماقصرتوو ... اخوي صدق المشاعر ياليت تتأكد من المؤلفين وهم الشيخ / محمد قطب والأستاذ / محمد المبارك والأستاذ /مصطفى كامل اذا هم نفس المؤلفين بروح اشتريه حبيت اتأكد لان المكتبة بعيدة عني ومابي اضرب مشوار لين اتأكد اخوي دايم العز اذا حصلته ياليت تعطيني خبر ... والف شكر لكم جمعياً

انا امس اشتريته من جرير نفس هذول المؤلفين ولون الغلاف اصفر وسعره 13 ريال
ولاكن ملخص هاني عرب نفسه لايختلف عنه ابداااااا
يعني لوماحصلت الكتاب ممكن تعتمد على ملخص هاني
بالتوفيق

[بندر2]

مشكورة اختي الطموحه التائهه والله يوفقك ياارب

[الطموحه التائهه]

اميييييييييييييييييييييييييييييييين يارب

ويوفق الجمييييع

تحياتي