إرهاصات ماقبل التخرج من الجامعة (قصة مؤلمة)

[Str8_Slj]

السلام عليكم ورحمة الله وبركاته

بدأ الفصل الدراسي كالعادة يبقى فصل واحد والواحد يصاب بملل مو طبيعي خصوصاً إنو زواجك بعد أسبوع من الفصل الأول
أتزوجت أخيراً وماأدري إيش خلاني أقدم على الزواج بس الحمد لله على قولت أمي
الهداية تتقطر على ولدي يارب لك الحمد
ههههههههههههههههه
الفصل على وشك الإنتهاء وكل المواد 100% او ماشي حالي فيها بأكوس من كويس ههه
إلا المادة الرزلة ( القانون الإداري) الله يفكنا ويفككم منها يالمتورطين فيها
القانون قسم شديد جداً ممل والكل عارف
المهم ماعلينا
قابلت الدكتور بالصدفة في الممر وقال

شد حيلك ترى الإختبار صعب مش هيعدي إلا المزاكر دنا بؤلك أهو
يادين النبي قول سلام عليكم
يادكتور كيفك طيب الخريج لو رسب عندك يطلع ولا يعيد فصل كامل عشان مادة
أيوة يعيد أصلوا الواحد عندي لازم نسلم عليه مرتين وبعدين يمشي
يادكتور السلام مرة حلوا مرة وحدة عشان الناس تدعيلك
الله إنت مبتحبش الكانون الإداري
والله أكذب عليك لو أقلك أحب قسم أبويا كمان
الله إنت والدك محطرم (محترم يعني) يبني ولازم تكون زيوا
يادكتور عندي لك سؤال
ؤوول
الواحد لمن يروح المحكمة يجيب كتابك الأخضر ولا يجيب محامي يتكلم عنوا
هاهاهاآآآآههههي أيوة مزبوط
يادكتور سؤال أحسن منوا
هااات
الله عز وجل لمن تقوم القيامة يسأل الناس عند باب الجنة عن إللي حفظ القرآن ولا إلي هجره وماقرأه
إللي مقرأهوش
ممتاااااز ليش تبغاني أصم الكتاب وهو حجمه أكثر من القرآن كبير الكتاب
هاهاهاهاهاهاههه طب أنا بشرح ساعتين
يادكتور الله إش يقول
الذين هم عن صلاتهم ساهون
ولم يقل
في صلاتهم ساهون
يعني صلاة الله إللي ماتجي 5 دقايق يسرح العبد فيها وربنا مايحاسب على ذلك
وإنت تشرح ساعتين والله راح تموت فيل
ههاهاهاهاهاهاهاا مالك يولا إنت زعلان
لا والله والله أموت وأنبعث وأنا في نفس المحاضرة حقتك
إنت غيابك كيف
يادكتور أنا حضوري كامل وما قد أستأذنت عشان أغيب ولا أنا من الطلاب إللي يستأذنوا عشان يخرجوا يدخنو
ويكون في علمك أنا زوجتي تدرس في مكة , أخرج من البيت سبعة إلا وأطلع مكة وأنزل أجلس صاحي إلين وقت المحاضرة وأحضر ولمن تخلص الساعة وحدة أطلع أجيب زوجتي وأرجع محاضرة الساعه 2 ونص ودايماً أدخل متأخر والدكتور عارفني ويعذرني ولا أخلص وأروح البيت زي القتيل وأخرج الإنجليزي في المغرب
آآآه والله إنت ماتسوي كدى لزوجتك إللي بأسوي أنا لزوجتي
إنت إنسان مكافح يبني
أنا خايف أرسب ووالله ماقد كلمت أحد من الدكاترة في شي زي دا أبداً
أخدت كم في القانون المستوى الأول
75 وظلم ومتأكد إني ماخد 85 أو 90 لي أصلو أتضاربت مع رئيس القسم السابق
موراضي يعطيني آي سي عشان خايف على المعدل قلتللو يادكتور تهمك مصلحة الطالب قال إيوة قلت أنا ماراح آخد شي من جيبك ولا راح يكلفك الموافقة شي
عملك إيه
طردني من المكتب وكلمت دكتور ثاني ووفق وأخدت آي سي ولمن أختبرت الفصل الثاني حطو الدرجة 75
ربنا معاك

المهم خلص الفصل والدكتور حط آي سي
حاولت أعدلها موراضي
وصرت أسكن في شقة أبو زوجتي في مكة عند الحرم دقيقة بالسيارة هههههههههه فلة أبو بلاش كتر منو
أوديها المحاضرات وأطبخلها إلين ترجع(عشان حقوق المرأة) وأذاكر شويتين إنجليزي إلين ترجع

أتعلقت فصل وأختبرني بعد شهر من الفصل ثاني أصلو خيرني إما بعد أسبوع أو نهاية الفصل قلت لا ياعمي كأني بأدرس فصل كامل وصراحة مافيا قلت بعد أسبوع
وشاف الملخص حقي مركون في زاوية في القاعة وجاني لأني الوحيد بأختبر آي سي وقال

دا الملخص ممتاز دا بتاعك إنت
إيوه
جبتو من فين
قلتللو أنا كتبتو كلو
قال أطبعلي هو بالكمبيوتر
مابتحلش الإختبار ليه
يادكتور لو تخلي الإختبار إختيارات والله راح أحل الكتاب كله معلومات فهم وليس حفظ
وهنا راح تعرف إللي ذاكر من إللي ماذاكر
مممم الفصل الجي راح أتخذ قرار لبتوع الإدارة العامة
قلت طيب

خلصت الإختبار وطلعت مكة
وزبط البحث وتاني يوم دخلتوا تحت الباب عجبه وأستمر إذلالي إلى موعد الإختبار النهائي نولت الدرجة خريج وفرحت وزمرت وصليت شكر وقام سحبها متعذر إنوا في غلط في السيستم
صرت عصبي في البيت وزوجتي تعبت نفسيتها معايا وصرت أعصب من أتفه الأسباب ضاعت عليا وظيفتين ممتازة والله صرت فاير زي المسعور ماأبغى أشوف الدكتور عشان لا أنطرد من الجامعة
أستمر الإذلال إلين صارت عندي حالة نفسية حاسس إني حأموت لو حطها رسوب
لأنه لو رسبني الفصل الأول كان نزلتها الثاني وحاولت أما يعلقني فصل ويرسبني وأنزلها صيف حرام
المهم جيت يوم أتغدى عند أمي نزلت الصالة عشان أشوف الغدى جهز ولا لأ ودورت الجريدة ولقيت بلاستيك مقوى وختم جامعة وبيقولو نشهد أن الطالب حصل على درجة بكالوريس (والإسم إسمي) والرقم والله رقمي
ياناس أتخرجت والله المهم أمي قالت
مبروك !!
قلت نعم!! بس كدة جيبولي سيارة
قالو جيب بفلوسك !!! ثلاثة سنين بسيارة مفوضة لسواق ميت من قبل سنة ومنتهية الإستمارة وتقولو بفلوسك !!!! ماعلينا
والوالد معصب عشان المعدل 3,7 أحمد ربك إني خرجت من الثانوية هههههههه
الوالد بروفيسور حتى لو معدلي 5 ماراح يعجبه هههههه
على العموم الملخص مرة حلو بس ماكتبت الفصل الخامس منه لأنو الإختبارات خشت عليا وماحبيت أضيع وقت
المهم إللي يبغى ملخص الدكتور أنا راح أرفعو لمن أزبطو في ملف PDF

ومعليش على الإطالة