أنا حزين بس حيل الله اقوى

[الفيـصل]

السلام عليكم
انا من دفعة 09 ماكملت السنه التحضيريه الترم الثاني ..وكان معدلي 2.42 الحين ماحضرت الاختبارات كلها بسبب ضروف خارجه عن ارادتي والمعدل بينزل ويصير 1.77 مدري يفصلوني واذا مافصلوني اكمل ولا لا والله مدري حيران والله

[الولد المنمق]

اقولك اخي الكريم لاتحزن ولاتشيل هم في هالدنيا لأنها اسمها دنيا يعني دنيئه يعني لاتعطيها اكبر من حجمها

بس اقولك كمل وشد حيلك واحنا معاك اخي الكريم ولاتشيل هم دامنا حيين وروسنا تشم الهواء

اي شي تبيه اطلبه مني او من اخوانك نحن سوف نكون عون لك

اهم شي تحطها في راسك لأن الرجل اذا حط شي في راسه جابه بأذن الله


اتنمى ان اسمع اخبار حلوه بعد هذة الكلمة المختصرة

واتمنى لك راحت البال ووساعة الصدر

لك وللأمه الأسلاميه

[نجوده ومالي شبيه]

ياخوي توكل ع الله وسع خاطرك وانت ماكان بيدك شي الاكمل والجاي احلى والله يوم شفت اني جايبه العيد بالرياضيات كرهت الدراسه وبغيت اخليها بس فكرت اذا كل مابفشل بكون محطمه عمـــــــــــري مابنجح

[الفيـصل]

كلامكم صحيح والله ..لكن صعب اجيب معدل 2 صعب والله اعرف نفسي زين اوصلها 1.90 لان اذا ماجبتها عطوني طي قيد .. واخاف ادفع الفلوس وتروح ..والولد والله انك رجال ماتقصر وانا مستمر معكم اي شي راح اطلبه منكم وانا قلت اشوف رائيكم واشوف اللي اقرب لي واستخير بأمري ...ومشكورين والله

[مهندس نووي]

توكل علي الله وكمل والباقي على الله

[الفيـصل]

صدقت التكله بالله سبحانه

[ملك الاحساس]

توكل على الحي الذي لا يموت وكمل والله يوفقك ان شاء الله

[الفيـصل]

أنشاءالله بحاول اجيب 2 والله يكتب اللي فيه خير ..بس ماقهرني انهم ماعبروني راسلتهم واتصلت لكن مافي احد عطاني وجه ..يعني راحت الرسوم الترم الي سددته انا ماعلي من المبلغ على الاقل حطوني معتذر لكن الله يسامحهم والله

[امـــيرهـ]

لاتشيل هم وكمل وشد حيلك ولاتخلي الجامعه والدراسه تضيع مستقبلك لو جلست 5 سنوات عادي كمل
واذا صارت لك ضروف قدم عذر للجامعه
ووسع صدرك ولتتضايق على شي مثل كذا
الكل لما شاف درجاتهم وهم راسبين تحطموا لكن مو الحاجز اللي يخليك تترك الدراسه
وان شاء الله ماينزل معدلك ويساعدونك

[الفيـصل]

شكراً اختي اميره على تشجيعي على المواصله
واشكر الاخوان بعد على تشجيعهم وجهودكم معي وصدقوني احس الدنيا بخير من عقب ماشفت اردودكم