إستفسار عن المؤلفين والطبعة لكتب التحضيري خطة ب إنتساب

[hnno]

السلام عليكم
(أنا طالب مستجد أول ترم سنة تحضيرية خطة ب مسار إداري وإنساني إنتساب)
أخواني أنا طلعلي الجدول في نظام الأوديوس أخيرا أما البطاقة الجامعية كاتبين في الموقع أنهم رسلوها على الـdhl ولمن أروح لهم في الـdhl يقولولي لسه ما وصلت وحسب كلام الناس أنها تاخذ شهر شهرين

اللي عنده أي معلومات بخصوص الكلام اللي فوق ياليت يفيدنا وجزاه الله كل خير

أما موضوعي الأهم وهو أنو طلعلي الجدول وأبغه أشتري الكتب لكن قالولي ناس كثير أنو ممكن تختلف الطبعة والمؤلف عن السنوات اللي راحت وبيحصل تعديل دايما ، فأخاف أشتري وبعد كذه تطلع مو نفس المطلوبة في الجامعة ، والمشكلة أنهم مو كاتبين في الموقع أسماء المؤلفين والطبعات ؟؟

وقالولي أنو ماتقدر تعرف هذي المعلومات إلا لمن تحضر الدورة التأهيلية وتقابل مدرس مادتك وهوة راح يعطيك كل المعلومات

بس أنا أبغه أبدأ أذاكر من الآن وأخاف مايكون فيه وقت بين الدورة التأهيلية وبدء الإختبارات النهائية

وما أعرف أحد في طلاب الإنتظام عشان أسأله عن تاريخ الطبعة وإسم المؤلف للكتب؟؟

ياليت أحد يساعدني وله خالص الدعوات

آسف على الإطالة

شكرا،،،،،

[moooly222]

مرحبا اخوي بتجيك البطاقه ان شاء الله خلال اسبوع او اسبوعين
اما بالنسبه للكتب روح لمكتبة الخوارزم او المكاتب اللي جنبها واشتريها
لانه الجامعه تبلغ المكتبات باي تغيير انا عن نفسي اشتريتها من شهر وبديت اذاكر

اساسا اول ماتروح المكتبه وتقوله انت في اي سنه وفي اي خطة راح يعطيك الكتب على طول
اتمنى لك التوفيق وذاكر بدري عشان تجيب درجات حلوة

[hnno]

يسلموووووو وجزاكي الله كل خير

إن شاء الله بشتري الكتب في أقرب فرصه

بس ممكن سؤالين معليه على الإزعاج

كيف أسجل في الدورة التأهيلية عن طريق نظام الأوديوس (أقصد أي خانة أو رابط أدخل) لأنو مافي شئ واضح عن الدورات التأهيلية إلا خانة إشعار الدورة التأهيلية ولمن أدخل عليه يقولي أنت غير مسجل بالدورة؟؟
مع أنو التقديم حسب تقويمهم بدأ من أول في الدورات التأهيليه

سؤالي الثاني هل أذاكر كل الكتاب ولا فيه أشياء محذوفة ، وإذا فيه أشياء محذوفه كيف أعرفها؟

وشكرا ،،،،،،،،،،

[hnno]

يعني مافي أحد عنده إجابه .....؟!

[moni cool]

ايش هيا موآدك

[hnno]

أمممم

تحضيري خطة ب :

ثقافة إسلامية - لغة عربية1 - لغة إنجليزية1 آداب وإقتصاد - رياضيات للتخصصات النظرية - مهارات حاسب بس عادلتها بدورة icdl والحمد لله يعني مو معاية في الجدول

[نسيم الورد]

انت تحظر الدورات التاهيليه بالجامعه ... وإن شاء الله بعد الدوره

تعرف اللي لك واللي عليك ... شوف التقويم الجامعي دورتكم لسى مابدت



الدورة التأهيلية لطلاب السنة التحضيرية - دفعة (2010) فقط 27/03/1431 09/04/1431

[hnno]

يسلمووو نسيم بس السؤال اللي محيرني كيف....؟ كيف أسجل في الدورة التأهيلية

في الأوديوس مافي خانة مكتوب عليها التسجيل في الدورات التأهيلية
بس فيه خانة إظن مكتوب عليها إشعار التسجيل في الدورات التأهيلية ولمن أضغط عليها يقولي أنت غير مسجل؟؟
هل هذي الخانة هية الخانة الصحيحة للتسجيل بس لسه ما بدأ التسجيل ، أو فيه خانة ثانية غيرها للتسجيل؟؟

شكرا لطول بالك معايا والله يوفقك

[نسيم الورد]

المشاركة الأصلية كتبت بواسطة hnno يسلمووو نسيم بس السؤال اللي محيرني كيف....؟ كيف أسجل في الدورة التأهيلية في الأوديوس مافي خانة مكتوب عليها التسجيل في الدورات التأهيلية بس فيه خانة إظن مكتوب عليها إشعار التسجيل في الدورات التأهيلية ولمن أضغط عليها يقولي أنت غير مسجل؟؟ هل هذي الخانة هية الخانة الصحيحة للتسجيل بس لسه ما بدأ التسجيل ، أو فيه خانة ثانية غيرها للتسجيل؟؟ شكرا لطول بالك معايا والله يوفقك

ياخوي ... موادك تحظرهاااااا بالجامعه ... من غير تسجيل ..

التسجيل لسنترا اللي موادهم تشمل ( الاحصاء _ التفكير _ اتصال _ e ) ..

لاشكر على واجب ... احنااااا اسرة وااحدة نعين ونعاون ..
والله يوفقك ...