طريقة تحضير شربة قمبري تايلندية...ممتازة

[makaveli]

المتطلبات:
1-قمبري مقشر ونضيف
2-ورق ليمون(الورق الأخضر حق الليمون)
3-عطرة الليمون( زي كأنها خشبه عبارة عن اوراق ملفوفة مع بعضها
4-اذا مافهمتو رقم 3 فرقم 2 يكفي
5-ملح
6-فطر ابيض طبيعي مقطع جاهز ما السوبر ماركيت او قطعيي انتي في بيت اهلك
7- اهم شي في شي ينباع في محلات البقالات الأندنوسية اسمو (تم يم سووب) TAM YAM SOOP
في منو قطع مكعبات ( زي قطع ماجي )وهادي انا افضلها , وفي منو معلب زي المايونيز برضو ممتاز
الطريقه بالترتييب :
1- تجيبي قدر مو كبير ولا صغير وسط
2-تعبيها مويه الين النص
3-تحطي النار شوية قوية
4-تحطي ورق الليمون+عطر الليمون إللي هو سيقان الليمون , لمون قراس اسمو- ادا ما عرفتي خلاص طز فيه
5-تحطي ال تم يم سوب ( ادا اشيريتي القارورة , حطي نص ملعقة اكل) (ادا اشتريتي المكعبات, فواحدة تكفي)
6-لا تنسي الفطر وشويه ملح
7- لمن تحسي انو المويه بدأت تفور حطي القمبري
8- لمن تفور المويه على القمبري ويستوي القمبري ويتعبى المطبخ دخان ريحته تهبل العقل يعني ممتاز
8-اتاكدي من الطعم وحاولي توازنيه اذا حسيتي انو الملح اقل او او او
9-تقدري تعصري نص ليمونة صغيرة اذا حبيتي تخلية جيد بس جربي الطعم ونتي بتحطي حتي لا تزيدي كمية الليمون وتروحي فيها ولو زاد الملح والليمون = زودى شوية موية + وربع ملعقة تم يم سوب

اتعلمت الطبخ من امي الله يخليها بس المصيبة اني اجلس شهر عشان اجيب الطعم المناسب
حتى دحيين لمن اجي اسويها اخاف شويه

بالمناسبة تقدرو تحطو اي شي بحري غير القمبري مثل ( الحبار+ابو مقص صغير+طحالب +وزغ او هدا كمان )