طلاب وطالبات قسم المحاسبه ممكن شويه <<طالبة تحضيري..

[M!sS chocolate]

السلام عليكم ورحمة الله وبركاته ...

زي منتوا شايفين جنب اسمي انا طالبة تحضيري وبإذن الله في شهر 4 حينزلوا في الأوديس
التخصصات عشان نختااار منها وانا محتااااااااااااااااره أشد الحيره

قلت طب شوفت أخويا تعبااااااانه ومكرووووف ويقولي اذا تبي شعرك يشيب
أدخلي طب

حذفناها قلت خلاص تقنيه طبيه مختبرات واااو مرره أحبها وحطيتها في راسي
شويه وأخويا يقولي يابنت اختلاط ودحين حاطين إكس كبييير عالبنات
اللي من الكليات الصحيه واللي يبغى يعرف السبب يروح مستشفى الجامعه
ويشوف الطالبات المتدربات

قلت علووم قالوا يابنت اش علوم مرره ساروا كثييرين العلوم وماعاد في وظايف لهم

طييييييييييييييييييب اش أدخل أجلس في البيت أحسن

ولكن في النهايه وحده من البنات قالت لي عن المحاسبه ونهايته شغل في البنوك
وحلو وأخويا قاللي حلو وحتى رواتبه عاليه لأنه أصعب قسم في الإداره والإقتصاد


المطلوووووووووووووووب <<وأخيرا

أبغاكم تعطوووني رأيكم في القسم هذا ومعلومات عنه وهل في وظايف لهالقسم واللا بخلص وبعدين أروح
وكل ماأفتح باب يقولوا مافي وظايف وأسير من البطاااااله ..

بإنتـــــــــــــــــــــــظاركم ..

[حأقعد عالكاشير]

لو سويتي سيرش في المنتدى عن قسم المحاسبة حتلاقي مواضيع كثيييييييرة كتبنا أراائنا فيها عن القسم
وترى أحلى تخصصين من رأيي في اقتصاد وادارة
محاسبة وادرة اعمال
ووظايفهم موجودة ورواتبهم حلوة

بالتوفيق

[المحاسب القوي]

اوكي المحاسبة حلوة ..

بس عاد اكذب عليك واقولك انها احسن من الطب !!

اوكي هي احسن من تقنية طبية وعلوم والكلام الثاني هذا .. مع اني اعلم ومؤمن ان دراستها سهلة جدا بالذات للي جربو ودرسوا في العلوم والحاسبات والطب والهندسة ..

المحاسبة سهلة جدا بس تحتاج فهم وتركيز دقيق جدا جدا ..

والله يوفقك بكل الاحوال

[اسامة كردي]

المووحآآسبة الموحآآسبه

الصراحاا تخصص مرررررة حلوو ومررة ممتع دراستو
خصووصا انو دراستو تعتمد ع الواقع

كتير يقولو انو مررة صعب التخصص
هوا صوح صعب بس مو للدرجة اللي يقولو عليهاا

وبالنسبة لوظايفوو مليااااان وكتير
وبعدين رواتبها في البداية تكون اعلى من الرواتب للتخصصات التانيه لكن مع مرور الوقت واكتساب الخبرة توصل رواتبها لمستوى عآآآآآآآآآآآآآآآآلي
طبعن لاتنسى الاستخارة

[أجمل عطر]

الله يوفقك .. < متابعه الردود
بس اباا اعرف شغله انووو الوظايف مطلووبه ل4 سنيين قدااام لانو ماشااء الله الخريجييين كل سنه مره كثير
ويمكن يكتفو

[المحاسب القوي]

^
^
الكلمة هذي تري ماتدخل المخ

٤ سنين قدام !! يعني بعد ٤ سنين مافيه وظايف محاسبين !!

كل واحد رزقه مكتوب له ..
المسألة انك تبرز نفسك وتكون مميز ..
يعني لما يجي واحد معدله ٤.٨٠ مثلا وماعنده ولا اي دورة ولا لغة انجليزية ولا معاه شهادات حاسب
وواحد ثاني معدله ٢.٧ مثلا ومعاه شهادات ودورات ..

انا كشركة بوظف مين فيهم ببالكم ؟؟

شهادتك لوحدها ماتنفعك الا لو انك طب .. بس

باقي التخصصات لازم تدعم نفسك وتتطور ..

[فرفوووشة]

مرا ممتع انا تاني سمستر بالتخصص
عجبني جد ادرس اشياء واقعيه مفهومه وتفيدك وتستمتعي وانتي تدرسي
استخيري وربنا يكتبلك الخير