جاوبوني..كلية التصاميم والفنون..!!

[Lazeza]

السلام عليكم بنااات

أنا عندي كم سؤال بعد ازنكم ..!!

دحين زودونا كليات جديدة

وفي من ضمنها كلية الفنون والتصاميم طيب دحين أقدر ادخلها صح وانا اداري مو علمي..؟

وهيا أتغيرت اسمها من كلية الاقتصاد المنزلي الى كلية التصاميم والفنون ؟؟

ولا بس الكلية اللي في الرحاب اسمها الفنون والتصاميم واللي في السلمانية اقتصاد منزلي ؟؟

بلييييييزز جااوبونيي اباا ابدا أختاار الكليات وارتبها

الله يسعد اللي ترد عليا محتارو وأبغى جوااب وشككرن=)

[حلاوووه]

كلية الفنون والتصاميم طيب دحين أقدر ادخلها صح وانا اداري مو علمي..؟
اسمعي ياعسل اكيد احنا الإداري نقدر نتخصص في كلية الفنون والتصاميم بما انهم حطوها لنا من ضمن الخيارات

وهيا أتغيرت اسمها من كلية الاقتصاد المنزلي الى كلية التصاميم والفنون ؟؟
لا ياقلبي هذي كليه جديده فتحوها لنا ماهي الاقتصاد المنزلي وغيروا اسمها
حتى لو تشوفي الخيارات حق التسكين في من ضمنها كلية الاقتصاد المنزلي يعني مو هي نفسها

[Lazeza]

طيب يعني اللي في الرحاب اسمها كده كلية التصاميم والفنون
و أقسامها تصميم داخلي وازياء وجرافيكس صح؟

طيب والاقتصاد المنزلي ايش أقسامو هوا مافي تصميم داخلي ؟

ومعلييييييييييش اخر سؤال بس والله حايسه ومحتاره

دحين لمن أتخرج ان شاء الله ايش ينكتب في الشهاده

متخرجة من كلية التصاميم والفنون قسم تصميم داخلي ؟؟
ولا اقتصاد منزلي ؟؟

وشكررررن يا حلاووه على ردك ربي يسعدك

[حلاوووه]

طيب يعني اللي في الرحاب اسمها كده كلية التصاميم والفنون
و أقسامها تصميم داخلي وازياء وجرافيكس صح؟
صح

طيب والاقتصاد المنزلي ايش أقسامو هوا مافي تصميم داخلي ؟
طفوله
ادارة سكن
تربوي
فنون اسلاميه


دحين لمن أتخرج ان شاء الله ايش ينكتب في الشهاده

متخرجة من كلية التصاميم والفنون قسم تصميم داخلي ؟؟
ولا اقتصاد منزلي ؟؟
والله مدري

بالتـــــــــــــــــــوفيق ياقلبي

[ارقى البنات]

تيب انا عندي سؤآآل ..
بخصووص بنات العلمي ..
دحيين احنا العلمي كمان عندنا تصاميم وفنون .. بس مو فاهمه اييش فيه اقساام في التخصص
يعني فني ورسم ولا ؟؟
ولمن آتخرج منهـآآ شهادتي تكوون دبلوم ولا بكاليريووس ؟؟

[أحلى زيزو]

والله ما أدري يا ارقى البنات جربي أسئلي البنات اللي معاك في العلمي رح يفودوكي أكثر

[ҳҲҳŔỜŔỜҳҲҳ]

طيب عندي سوعاااال لو سمحتوا

الحين كليه التصاميم التخصصات اللي فيها
*الغذاء والتغذية
*الرسم والفنون
*تصميم الازياء
*التصميم الداخلي
*وحدة المواد العامة

طيب كيف اذا كان ف الاقتصاد المنزلي قالوا غذاء وتغذية وتصميم داخلي للعملي
وف ذي الكلية هذولا التخصصين موجودين

يعني كيف الكلية بكل تخصصاتها لنا ولا كيف

؟؟؟؟؟؟؟؟؟

افيدوني للي عندها خلفيه عن هالموضوع