مربع كــاي

[رهـــووومه]

السلام عليكم ومساكم الله بالخير


ياجمااااااعه انا محتاجة مساعده في الفصل الثامن مادة الاحصاااء

اللي هو درس اختبار مربع كاي للاستقلال صفحه 255 ...


الله يسعدكم اذا فيكم فااااااااهمين لهذا الدررس اشرحوو لي ايااه الله يفتح علينا

وعليكم والله تعبت من عدد الصفوف والاعمده ماعرفت وين الصف ووين العمووود





انتظرررررررررر كم تساعدوووني في هذات الدرس وشكرررا

[رهـــووومه]

تكفوووووون مررربع كااي مو فاهمته ...

[*زهرة السوسن*]

أنا لسة الفصل الثامن والسابع ماوصلته...الله يعين عليه..إن شاء الله الأعضاء يفيدونك

[sharshabelo]

ايش اللي منتي فاهمته بالضبط عشان اساعدك ان شاء الله

[sharshabelo]

رهومه وينك؟؟؟؟؟؟

[جروح الزمن]

شوفي زي مثال 11-8 صفحة 258 انتي تبغي اطلعي الصف وهو ا ثانوي وبكالوريس وماجستير ههذا الصف والعمود اللي مؤيد وغير مؤيد طيب نجي بعدها نطلع التكرار المتوقع كيف نطلعو نطلعو بقانون اللي في صفحة 255 رقم 5-8
يقولولك القانون مجموع الصف في مجموع الخلية قسمة مجموع التكرارات طبعا يقصد مجموع الصف في مجموع الخلية قسمة مجموع الكل طيب نجي نطبق القانون تلاقي في صفحة 259 فوق من بعد التكرار المتوقع
عمود المؤيد جمعها 80 وصف الثانوي اللي هوا 50 +600 تدينا 650 طيب المجموع عندنا كم كلو للصفوف والاعمدة 1250 نجي نطبق القانون
41,6 =1250/80×650
طيب نجي للثانية
80×420/1250=26,88
80 جات من جمع عمود الؤيد وال420 جات من جمع صف البكالوريس
طيب نجي الثالثة 80×180/1250 =11,52
طيب نجي للصف الغير مؤيد ونسوي نفس الطريقة نجمع صف الغير مؤيد يطلعنا1170
طيب نجي نضرب العمود الغير المؤيد في الصفوف
1170×650/1250=تطلع 608
ونكمل على نفس الطريقة لما نخلص الجدول حق التكرار اللي في صفحة 259
طيب نجي بعدها نحسب بالقانون اللي اكس تربيع المحسوبة تلاقية في صفحة 255 طبعا انتي لازم تتفهمي القوانين الللي في صفحة هاذي وصفحة 256 وتحفظي حق القرار كمان
طيب نكمل المسالة نجي نحسب بالقانون اللي هو اكس تربيع المحسوبة
طبعا سيجما الاي اللي هوامجموع الصف وسيجما الجي اللي هوا مجموع العمود بعدين رمز الاو اي جي هذا معناة الخلية المشاهدة يعني كل خلية طيب الاي اي جي هذا التكررا المتوقع اللي طلعناة طيب نجي نطبق
الخلية الاولى اللي هيا 50 ناقص التكرار المتوقع اللي طلعنا من اول حقها طلع كم طلع 41,60
يعني (50 -41,60)تربيع /41,6 وهكذا تاخذي كل خلية وتناقصيها من تكرارها وتربيعة وتقسمية برضو على تكرارها
بعدين بعد ماتسوي ذيا الطريقة لكل خلية تاخذي مجموع كل وحدة وتجمعيهم مع بعض وتلاقية في المثال جمعلك كل نتجية كل خلية وطلع الناتج 3,91
طيب 3,91 هاذي قيمة اكس تربيع المحسوبة
نجي نطلع النظرية النظرية قانونها تلاقية في صفحة 256 اللي هوا ار ناقص واحد وسي ناقي واحد والااية هاذي مستوى المعنوية نطلعا من الجوال اللي ورا
ار عدد الصفوف وسي عدد الاعمدة
نجي نطبق عدد الصفوف ار ثلاثة ناقص واحد =2
سي عدد الاعمدة سي 2ناقص واحد =1 طيب بعدين نضرب 2×1 =2
مستوى المعنوية قال 0,05
نطلعها من الجدوال ص271
تصير عندنا 5,991 اذااكس تربيع الجدولية اكبر من اكس المحسوبة اللي هيا 3,91
وسوري ممكن شرحي طويل وإن شاء الله تفهمي مني

[جروح الزمن]

مدام طلعت قيمة اكس تربيع المحسوبة اقل معناتو نقبل فرض العدم ونرفض الفرض البديل

[رهـــووومه]

الله يسعدك يا جروووح الزمن والله يوفقك ويفتح عليك وانتي كمان يا شرشبيلو << مو متاكده من الاسم



انا مشكلتي بس في اللي شرحته جروح الزمن الله يوفقها ويفتح عليها

[رهـــووومه]

جروح الزمن يعني اول مايجيني جدول ... اضيف خانتين لمجمع الصفوف ومجموع العمود ؟؟؟


وبعدين احسب التكرار المتوقع لكل خليه

وبعدين اعوض بالقانون يصير عندي جدولين جدول المشاهد o << المعطا في المسأله

وجدول التوقع اللي انا حسبت التكرار e

واعوض في zالقانون المعطى والنتيجه اللي تطلع هي z المحسوبه

باقي zالجدوليه كيف اطلعها ؟؟؟؟؟؟؟؟؟؟

[رهـــووومه]

ابغى اعرف ايش هي اكس تربيع الفعليه المحسوووبه


وايش هي اكس تربيع النظريه الجدوليه

وسلامتكم