الجرامر في اختبار ستيب

[بنت جدة المنكوبة]

ياحلوين إيش في كتب أقدر أزاكر منها قواعد اللغة علشان تساعدني إن شاء في انو أنجح في step
وإيش أكتر شي يركزوا فيه في لقواعد
يعني مثلا زي البريزنت سمبول والبريزنت كونتونيوس........إلخ

يعني الملف الموجود في المرفق هل ممكن يفيدني لحاله

[الواحة]

المشاركة الأصلية كتبت بواسطة بنت جدة المنكوبة ياحلوين إيش في كتب أقدر أزاكر منها قواعد اللغة علشان تساعدني إن شاء في انو أنجح في step وإيش أكتر شي يركزوا فيه في لقواعد يعني مثلا زي البريزنت سمبول والبريزنت كونتونيوس........إلخ يعني الملف الموجود في المرفق هل ممكن يفيدني لحاله

مرحبا عزيزتي ( بنت جدة المنكوبة ) و تحياتي لك و دعواتي لك بالتوفيق بإذن الله .
في البادية حابة اطمنك ان الأختبار رائع و إنشألله تحلي فيه و تحصلي على الدرجة و أعلى من المطلوب .
و بالنسبة للكتب فهناك كتب رائعة جدا جدا في جرير خاصة بالقرمر و انا اشتريت هذا الكتاب و انصحك به لأنه يحتوي على أهم القاعدات و بصورة مبسطة و مفهومة و ايضا هناك تمارين حتى
تعمق فهمك لهذه القاعدات و ايضا يحتوي الكتاب على حلول هذه التمارين في نهايته .
أسم الكتاب : ( تعلم قواعد اللغة الإنجليزية بطريقة مبسطة )
تأليف : عبدالرحمن صالح علوش.

و بالنسبة لأختبار من خلال خبرتي ليس هناك تركيز على زمن معين فالقرمر في الأختبار هو عبارة عن اختيار الكلمة أو الضمير أو الفعل أو الأسم المناسب الذي يجعل تركيب الجملة صحيح . هذه هي فكرة و طريقة القرمر.
و ارجوا منك عزيزتي ان تطلعي على موضوع و ضعته في المنتدى سابقا : كتاب اختبار الكفايات فهو يحتوي على طريقة الأختبار و بالتفصيل و يمكنك تحميل الكتاب منه و هو من نفس المركز و طريقة الاختبار لا تختلف أبدا عنه .
أرجوا ان أكون قد أفدتك .
موفقة بإذن الله

[بنت جدة المنكوبة]

أنا دخلت الإختبار مرتين وبدون مذاكرة بس في المرة الأولى نقصني 10درجات
والمرة الثانية نقصني 13 درجة

[بنت جدة المنكوبة]

وفي أشياء جات في الإمتحان أظن المطلوب إنو ترتبي

[M!SS BIOC.R]

موقع القياس محددين لك ايش الاشياء اللي تذاكريها والاختبار مراح يخرج منها ..
في الاختبار جا ترتيب .. وجات علامات الترقيم
وبالنسبة للقرامر انا ذاكرت من النت .. ومن اللي نزلتيه
ومن مواقع ثانية ..

الله يوفقك وطمنينا

[علوم فلكية]

الله يستر
انا جالسه اجمع اكبر عدد من المراجع .. بس ما ابغى اكبرها اكثر من اللزوم
ندمانه اني مادخلت اختبار 20\4 .... اقله كان عرفت الطريقه

الحمد لل على كل حال :)

[lavita]

الله يوفقك يارب وينجحك في الاختبار
كنت برفق لكي عرض بوربوينت لقواعد اللغة الانجليزي بس طلع نفس اللي عندك اهم شيء ذاكري منه
القواعد جدا مهمة وكمان اتدربي على الاستماع يوميا اسمعيلك كم محادثة بالانجليزي وحاولي تزيدي رصيدك من كلمات اللغة الانجليزية مع معرفة معناها
والاختبار ان شاء الله سهل ..يشبه نموذج الاختبار اللي بموقعهم
طبعا اتكلم عن ستيب وكله اختياري
كان مكون من 6 اقسام الاول محادثات والاقسام من 2-6 كوكتيل (قطعة فهم -شوية قواعد -جمل عبارة عن قصة ترتيبها حسب الاحداث -اخطاء في الكلمات زي مثلا Saudi arabia طبعا لازم بالكابيتل لانها اسم بلدة)
يعني مو كل قطع الفهم والقواعد مرة وحدة تلاقيها موزعة على كل الاقسام
يارب يوفقك ويسهل عليكي انتي اعملي اللي عليكي واتوكلي على الله (إن الله لا يضيع اجر من احسن عملا)
وفي مواضيع للاخ طالب المزيد ماشاء الله استفدت منها جزاه الله خير

[khulood]

الله ينجحنا كلنا يارب ياااااااااارب

[عهوود]

لاتشيلي هم الجرامر كان اسهل شئ في الامتحان ركزي اكثر على الريدينق وحاولي في الجرامر تذاكري الاشياء الاساسية لاتكثري على نفسك عشان لاتتلخبطي ركزي على اماكن معينة تذاكري منها وتوكلي على الله ربنا يوفقك

[co3]

بناااااااااااااات

اللي يقولوا سهل ..كيف لغتكم الانجليزية من قبل لاتدخلوا الاختبار ممتازة ولا ضعييفة

انا لغتي ضعييييييييفة .........فما ادري اقدر انجح فيه ولا لا

انا عندي كتاب تعليم الانجليزية لجميع المبتدئين ....وفيه مفردات ومعانيها بالعربي هل ممكن يفيدني لحاله ....لانه كبييير وما اقدر اشتت نفسي بين كتب كثيرة قولولي المهم في الاختبار ايش المفردات ولا القرامر

سؤال الاختبار هوه اللي 3/8 ولا غيره ........وليش مانزلوا استمارة التسجيل في موقع قياس
انا اول مررة اقدم لاختبار زي كذا