هل قسم علم النفس يحتاج سنة تحضرية ؟؟وماهى عملية التسكين

[RO{..~]

بسم الله الرحمن الرحيم
اهلين بالجميع

لو سمحتو تساعدونى لانو انا من المدينة وحابة اقدم ان شاء الله دى السنة
على جامعة الملك عبد العزيز ونفسي ادخل علم نفس بس مااعرف هو يحتاج له سنة تحضرية ولالا ؟؟
وكمان كم اقل نسبة اتقبلت بدا القسم العام ؟؟
وبالنسبة لى التقديم الالكترونى
انا لمن اقدم يسئالنى عن {رغبة اولي }قصدهم فى التسكين يعنى ؟؟
لانو يقولى كلية الادب والعلوم فى رابغ ولا خليص ولا الكامل

بس مو فاهمة اش دى المناطق !
يعنى بعدين ممكن ادرس فيها ولا كيف ؟

الرجاء تساعدونى واسفة طولت عليكم بالكلام

[فرفشة]

حبيبتي لازم من السنة التحضيرية قبل ماتتخصصي
ولازم تكوني في كل مواد السنة التحضيرية ناجحة بعدين في المستوى الثاني من السنة التحضيرية يفتحولك التسكين وتختاري الكلية
الي تبغيها ... بس المعدل ماني متاكدة ماني حابه افتيلك بس المعدل مرة مو عالي اعتقد اقل من 4
والله يوفقك وتشرفينا في الجامعة وان شاء الله افدتك
دعواتك

[RO{..~]

جزاك الله خير
والله يخليكى ويوفقك
وان شاء الله اتقبل عندكم

[Mr.ALMOT7]

زي ماقالو الي قبلي

بعدين ترى في تخصصات احسن بكثير

بس مادام هذه رغبتك الله يوفقك

وترى الي يبووو هذا القسم قليل

ونصيحه

خلك في المدينه

وقدم في طيبه
او

الجامعه الاسلاميه

والله الغربه مهي زينه

كثيرين تغربوووو ماجاء النص الثاني الا وهم فاصلين من صعوبه الدراسه

لا تفهم اني احطمك

لاكن اقلك من الشي الي شفته في هذه الجامعه

وكليه الاداب موجوده في نفس الجامعه

وبرظوووو في قسم علم نفس تربيوي في كليه المعلمين ( الي اسمها الحين كليه التربيه ) وهي تبع الجامعه يعني لازم من السنه التحظيريه

بالتوفيق

[RO{..~]

اش هى التخصصات؟؟ الافضل طبعا انا شهادتى ادبي
لا طيبة مو حلوة تخصصاتها بالنسبة لى الادبي وقالولى تتدخلى تاريخ ولا جغرافيا يعنى مالها مستقبل دى الاقسام
والاقسام الكويسة زى التربية الخاصة {دراسة ذوى الاحتياجات الخاصة}قفلت من بدري
وبالنسبة للجامعة الاسلامية بس طلاب
الله يعطيك العافية

[Mr.ALMOT7]

المشاركة الأصلية كتبت بواسطة ro{..~ اش هى التخصصات؟؟ الافضل طبعا انا شهادتى ادبي لا طيبة مو حلوة تخصصاتها بالنسبة لى الادبي وقالولى تتدخلى تاريخ ولا جغرافيا يعنى مالها مستقبل دى الاقسام والاقسام الكويسة زى التربية الخاصة {دراسة ذوى الاحتياجات الخاصة}قفلت من بدري وبالنسبة للجامعة الاسلامية بس طلاب الله يعطيك العافية

اوووووخ

انا احسب انك شاب

سووووووري

اما من ناحيت التخصصات الممتازه

كلها في كليه الاداره والاقتصاد ومستقبلها مظمون

والتربيه الخاصه جدااا ممتازه لانهم توهم افتتحو عند البنات

يعني يبوووو خريجين

وللمعلوميه ترى خريج التربيه الخاصه مو يعني بس يدرس المعاقين

لالالالالالالالا

انا لي صاحب متخرج من قسم تربيه خاصه

وعينوه مدرس يدرس الطلبه الموهوبين والممتازين وللمعلوميه مافي مدرسه الا فيها فصل للمتازين بل كل مستوى لهم فصل للموهوبين

صاحبي هذه السنه تعين وما طول تخرج على طول جاله التوظيف

وبالتوفيق إن شاء الله تخشي وتاخذي ماجستير ودكتوره

<<< تراك طولتهاااااااا وهي قصيره

[RO{..~]

الله يجزاك خير رفعت معنوياتى
شكلى راح ادخل تاهيلى التربية الخاصة
بما انو مستقبلة كويس

[Esraa .MD]

ياقلبي اول شي تدرسي سنة تحضيري وجيبي معدل اقل 3.75 وتدخلي علم نفس لانه انا زيك ابا علم نفس وخلصت السنة التحضيرية الحمد لله وافتكيت ههههههههه ونستنا التخصص

[sara a7md]

اكيد لازم <<<

[RO{..~]

المشاركة الأصلية كتبت بواسطة esraa .md ياقلبي اول شي تدرسي سنة تحضيري وجيبي معدل اقل 3.75 وتدخلي علم نفس لانه انا زيك ابا علم نفس وخلصت السنة التحضيرية الحمد لله وافتكيت ههههههههه ونستنا التخصص

تسلملى ياعسل عالمعلومة
الحمد لله انك خلصتى وبالتوفيق وتخصص علم نفس