الله يوفكم ساعدوني

[دموع متفائله]

تكفون ابي مساعدتكم الله بفتحها بوجهكم
انا طالبة انتساب جديده سجلت
وماني فاهمه شي
يعني المستندات المطلوبه مني اوديها لما تجيني رساله ويقولون تم قبولك
ولا اللحين اوديها dhl
وش اسوي بالضبط

[Layla alsumiri]

اختي دموع متفائله اللحين ارسليها ...

[السياف]

انتي رسلي الاوراق هالحين وبعد ماترسليها شيكي على الموقع كل شوي واذا ظهرتلك تم قبولك وسارعي بالسداد سددي وبعد التسديد رح ينزلك الجدول بعد اسبوع تقريبا من التسديد

[دموع متفائله]

الله يعطيكم الف عافيه ويوفقكم ويريح بالكم ويفرح قلوبكم قول امين
شروق والسياف مشكوووووووورين الف شكر

[عبدالله بن عبدالرحمن]

اختى الغالية
مو اعطوك رقم سري تدخلى فية الصفحة اللى سجلتى فيها بالجامعة؟
بعد ماتسجلي بعد يومين ثلاثة ارجعى لنفس الصفحةتحصلين كاتبين لك (تم قبولك ببرنامج الانتساب نرجو ارسال الاوراق المطلوبة)
بعدها تطبعى من موقع الجامعة نفسة صفحتك الخاصة الاوراق المطلوبة وترسليها على dhl بعدها بكم يوم ترجعى لنفس الصفحة تحصلى مكتوب او يمكن تجيك رسالة جوال يقولون(بادر بالسداد)
تسددي وبعدها بكم اسبوع توصلك البطاقة الجامعية
وانتهينا
يارب اكون فهمتك
ومبروك مقدما قبولك

[أميرالمحبين]

بسم الله الرحمن الرحيم

أنا بعلمك الخطوات وحده وحده ولا تنسيني من دعائك

1_ التسجيل الإلكتروني (( عن طريق النت ))
2_ ترسلين الأوراق (( أقرب فرع dhl لك علشان بتستلمين البطاقه من نفس الفرع ))
3_ التدقيق ومتابعة الأوراق (( شغلهم بالجامعه ما عليك منه وما بيطول ))
4_ تسديد الرسوم (( بتجيك رساله على الجوال يقول لك سددي الرسوم ))
5_ إستلام البطاقه (( بكذا تصيري طالبه جاميه وإنتهت كل أمورك ))

على فكره لازم ترسلين الأوراق بسرعه
وأول ما تجيت رساله بإنك تسددين لازم تتابعين معاهم يوم بيوم صفحتك إلي سجلتي منها بالنت
لأن إحتمال ما يفتح لك إمكانية التسديد إلا بآخر المهله إلي حددوها لك
وعلشان تتأكدين من وصول المبلغ
بعد كذا بيقول لك إستلمي البطاقه
حاولي ما تتأخرين عليها من يوم إلى أسبوع


إن شاء الله أكون وضحت الصوره لك
ولو فيه إستفسار ولا يهمك
الناس للناس والكل بالله
وأسأل الله إنه يوفق الجميع

.


.