مساله في ادارة العمليات مني فاهمتها الله يسعدكم ساعدوني

[لامير]

السلام عليكم ورحمة الله وبركاته
بنات اختباري بكره السبت مني فاهمه الاستراتيجيات حق صفحة 330 و331
مني فاهمتها ياليت الا فاهمتها تفهمني هيا الله يسعدكم خايفه منها مره

[rubi]

اوك يا قمر ححاول اقولك كل قنون لكل عامود

الاسترتيجية الاولى

العامودين الاولى معطيات

العامود التالت قانونه
الطلب المتوقع- المخزون اول المدة
العامود الرابع
الانتاج المخطط ضرب عدد ساعات العمل لكل وحدة

عامود 5
ناتج العامود اللي قبلو قسمة عدد ساعات العمل فالشهر

عامود 6 اول شي صفردايما
اللي بعدو
تشوفي عامود رقم 5 ايش زاد عن اللي فوقو قد ايش
يعني في عامود 5 اول شي 20
اللي بعدو 24
يعني زادو 4
تحطي في عامود 6 4 ناحية اليمين

اللي بعدو 22
نقص 2 عن 24

تحطي 2 ناحية اليسار لانو نقص

وكدا

عامود7
دحين فالمعطيات كاتب تكاليف التعيين 100
وتكاليف الفصل 300
نجي لعامود 7
انتي تشوفي هوا تعيين او فصل من عامود 6
اللي مكتوب ناحية اليمين تعيين
واليسار فصل

فا عامود 7
حيكون تضربي ناتج عامود 6 ضرب لو كان تعيين تضربي في 100
ولو فصل حتضربي العدد ضرب300

[rubi]

لوفهمتي قولي عشان اكمل واذا مافهمتي بصراحة ماعرف اشرح انا والله ماني حقت شرح ههههه
بس ان شاء الله فهمتي

[لامير]

الا فاهمه كملي الله يسعدك وينجحك جزاكي الله خير

[سامسونج]

روحي لدا الرابط نفس سؤالك

http://www.skaau.com/vb/showthread.php?t=202549

[rubi]

بالتووووفيق


ادعيلي احول انتظام يا قمورة

[لامير]

ان شاء الله يارب تحولي انتظام وربي يوفقك شكرا مره والله كنت شايله هم المساله فرجتيلي همي الله يفرجلك كل همومك ويسعدك يارب وتنجحي

[لامير]

عندي سؤال كيف طريقة الاسئله بتكون المسائل بتكون اختيارات ولا انا احل مع الشرح والتفصيل

[rubi]

شكككككككرا وجزاكي الله خير

والله يوفقنا كلنا يارب دنيا واخرة امين

[rubi]

تقول امل اختيارات واذا حل حتكون سهلة وما تحتاج حل طويل وشرح ودش

دا اللي سمعتو منها