جميع طلاب الهندسه بجميع الأقسام

[قمر جهينه]

السلااام عليكم ....
كيفكم شباب كلية الهندسه
... مبروووك النجاح للجميع وهارد لك للي مانجحوا ...
أممممم<<< لاتطولينها أخلصي أدخلي بالموضوع
هههههههه


حابه أستفسر منكم عن موضوع وأتمنى إللي عنده خبر أو معلومه لايبخل علي

أخوي درس سنه بجامعة الملك فهد للبترول والمعادن وسحب ملفه السنه هذي
ويبغى يقدم بجامعة عزوز بقسم الهندسه ..؟؟!!
هل يدرس سنه تحضيريه أو يعادلون له المواد اللي أخذها بجامعة البترول والمعادن
مع مواد السنه التحضيريه؟
وأش هي مواد السنه التحضيريه ؟
ومتى أخر وقت للتسجيل ؟؟

وأش أفضل قسم تنصحون به ؟
و
و
و
و
أمزح بس هذي اللي أبغى أعرفه منكم

تقبلو فائق إحترامي...
..................................

[قمر جهينه]

هل من مجيب على أسئلتي وأستفساري
مشرفين.. طلاااب ... خريجين ...؟؟؟

[EE BOY]

انا بصراحة ماعندي خبرة لكن اتوقع دام انه درس السنة التحضيريه في جامعة الملك فهد والتي هي موادها تختلف عن مواد السنة التحضيرية بجامعة الملك عبد العزيز لان السنة التحضيرية بجامعة الملك عبد العزيز هي نفسها السنة التي تلي السنة التحضيرية بجامعة الملك عبد العزيز يعني
السنة التحضيرية بجامعة الملك عبد العزيز = السنة الثانيه من جامعة الملك فهد

على حد علمي والله اعلم وشكرا وتقدري تسالي عمادة القبول والتسجيل بجامعة الملك عبد العزيز

[Eng:S.T.M]

ما أتوقع انهم بيعادلوا له بس ممكن يروح يستفسر في عمادة القبول والتسجيل وبالنسبة للمواعيد موجود في موقع الجامعة
لكن السؤال هل أخوك نجح في كل المواد؟

[Von Karman]

اذا اخوك سحب ملفه مايقدر يعادل المواد ولازم يبدا من جديد ولو حتى قدم مره ثانيه على البترول والمعادن راح يبدا من جديد هذا على حسب خبرتي المتواضعه>>>خخخخخخخخخ

بس لو يراسل عميد القبول والتسجيل د.مشاط يكون احسن واضمن

[الكريم ابن الكرام]

كل واحد يفتي من عنده

وإذا أخوك يبغى العلم الأكيد ما له إلا العمادة هي اللي يأخذ منهم الكلمة

غير كذا مجرد أقاويل

[قمر جهينه]

تسلمووووووووووووووون أخوااااني ومشكوريييييييييييييين
ماقصرتواا يكفي مروركم على الموضوع ووضع بصماتكم
أشكركم مره أخرى

[أمير الوجدان]

زميلي في كلية الهندسة درس في جامعة الملك فهد للبترول والمعادن لمدة سنة وما قدر يكمل يعني رسب
فقدم لجامعة الملك عبددالعزيز فدخل سنة تحضيرية
وبصراحة اكتسب لغة وفكرة الدراسة في الجامعات وبدع في السنة التحضيرية ودخل الهندسة بأقل مجهود
وأمنياتي بالتوفيق والنجاح لأخوك وإان شاء الله يكون بينا زميل وأخو في كلية الهندسة

[صقرر]

اتوقع انه ما يتعادل له شي ويدرس من جديد

[عاشق H]

السلام عليكم ورحمة الله وبركاته


أولا أريد أن أعقب على كلام الأخت (قمر جهينه)
جامعتنا اسمها جامعة الملك عبدالعزيز وليست جامعة عزوز ...
وأرجو من الجميع عدم استخدام مثل هذه العبارات الساذجة التي لا تليق بجامعة أيا كانت...
والجميع يفتخر بالمكان الذي ينتسب إليه ونحن أولى بهذا الشيء خصوصا أن جامعتنا تحمل
اسم المؤسس لهذا الكيان (المملكة العربية السعودية) وفي الآونة الأخيرة انتهجت الجامعة
طريقا موفقا فكانت سباقة إلى المعالي ، وخصوصا في كلية الهندسة فقد حصلت على الاعتماد
الأكاديمي (abet) وتميزت عن غيرها من الكليات في جامعات المملكة كـ(جامعة الملك
فهد للبترول والمعادن) التي ينظر إليها وكأنها جامعة إكسفورد!!!

ثانيا أتمنى لأخيك التوفيق في جميع أموره ...