اللي تعرفه عن القانون حطه هنا

[samer jam]

السلام عليكم ورحمة الله وبركاته

طبعا اليوم نزلت نتائج فرز السنه التحضيريه والحمدلله دخلت كلية الاقتصاد والاداره
وناوي ان شا الله اني ادخل قسم الانظمه لكن
محتااااااااااااااااااااااااااااااااااااااااااااااا اااااااااااااااااااااااااااااااااااااااااااااااااا اااااااااااااااااااااااااااااااااااااااااااااااااا اااااج
ملعومات عن القسم من جميع النواحي فا بالله اللي عندو اي معلومات حتى لو بسيطه عن القسم يحطها هنا

[..عـ أنثى ـذوبة..]

ايه ياليت تفدوووووووووووووونااا

[بحر الحرية]

^^
أول شي أهلييين فيكم وحتنوروو القسم..

بالنسبة للقسم، انتوو ايش تبغوو تعرفوو فيه وانشااا الله نفيدكم..

بس بشكل عام - وأتكلم عن نفسي - القسم رووووعة، ولين دحين ماشفت فيه أي صعوبه، يعني بالعكس لقيت نفسي فيه، بس ما يبغاله لعب..

وأي استفساار تاني تحت امركم كلناا..

بالتوفيق؛؛

[Miss.law]

الف مبروك نتآئج الفرز ،،
و حيآكم الله بقسمنا ..

،،

دا الرابط رح يفيدكم ان شاء الله

لطلاب وطالبات القانون والراغبين في الإلتحاق بهذا القسم (خاص)


.
.

بالتوفيق لكم

=)

[ريان عنبر]

السلام عليكم
أنا أبغا أسألك كيف المواد سهلة أو صعبة حفظ أو فهم وكيف الدكاترة طيبين وشكرا يالغالي

[د.عبدالرحمن]

..السلام عليكم ..
حبيت اسأل عن الفرق بين المواد الحرة والمواد الاختيارية

مواد المستوى الثالث من أفضل الدكاترة لتدريسها (أقصد شرح.. المام بالمادة.. بساطة وتعامل راقي )

(تحرير كتابي . مبادئ القانون . القانون الدستوري . أحوال شخصيه i . أصول فقه i . مقرر حر i)

[ريان عنبر]

بحر الحرية
جاوب على الأسئلة وأبغ تقلي هل إن شاء الله في القانون يمديك تاخذمعدل عالي أو تحافظ على المعدل وجزاك الله خير ويجعلك دخرا لوالديك

[بحر الحرية]

المشاركة الأصلية كتبت بواسطة ريان عنبر السلام عليكم أنا أبغا أسألك كيف المواد سهلة أو صعبة حفظ أو فهم وكيف الدكاترة طيبين وشكرا يالغالي

أهلين يا رياان..
بالنسبة للمواد زيها زي مواد أي قسم ف الدنيا، تعتمد عليك، يعني تهتم وتجتهد راح تحصل جهدك، تهمل وتلعب راح تلاقي نتيجة إهمالك. يعني بصورة تانية، مافي تخصص حيجيك سهل وكله إيجابيات.
والقسم بشكل عام قبل مواده يعتمد على الحفظ والفهم، يعني ممكن تكون حافظ قانون أو قاعدة بس ما تفهم وتعرف كيف تستخدمها أو كيف تبنيها وتبني عليها فالحفظ ما راح ينفعك.
فالحفظ والفهم حاجتين داخلة مع بعض وكل وحدة تقوي الثانية.
وسؤالك عن المعدل هل في قسم القانون تاخد معدل عالي ولا لا؟
نفس كلامي اللي قلته لك، تعتمد عليك، يعني تاخذ المادة وتخليها لين قبل الاختبارات بأسبوع، شي أكيد حتلاقي فايدة أقل ودرجة أقل ومعدل اقل. لأنها بصارحة مواد القانون من النوع اللي ما تصلح تخليها لين آخر الترم بعدين تجي تفتح كتاب 300 صفحة وتاخذه قراءة.
يعني أوضحلك بصورة أكتر: كتير من الطلاب يحبوا الأسئلة الموضوعية اللي هياا الاختيارات والصح والخطأ، والسبب إنه بدي الطريقة ياخد المنهج قراءة سريعة وراح يجاوب.

لكن بعد تجربة، وكانت في مادة اسمها الأحوال الشخصية، ف الاختبار الدوري الأول، كان الاختبار بس ف 3 صفحات يعني 6 أوجه، وقبل الاختبار الدكتور قال إنها الاسئلة موضوعية، وبصراحة أنا استسهلتها وقلت آخد الأوراق دي قراءة قبل الاختبار بيومين، وإنشا الله أجيب الفل مااااااااااارك
قراتها قبل الاختبار، دخلت الاختبار وكان فعلا اختيارات وصح أو خطأ، بس قراءة ال3 صفحات زي كاأني أقراا جريدة مررررره ما نفعتني . بس الحمد لله قدرت أرفع في الاختبارات اللي بعدها وتحسنت درجتي كثييييييييييير.
يعني أكلمك عن نفسي أنا، رفعت معدلي الترم داا 0.05 ، والحمد لله يعني كانت مرررة جيدة بالنسبة لياا.

ع العموم القسم إنشاا الله حيناسبك، خصوصا إداا كنت داخل عن حب، وراح تبدع فيه إنشاا الله.

الله يوفقك ياارب ويسهل عليك؛؛

[بحر الحرية]

المشاركة الأصلية كتبت بواسطة د.عبدالرحمن ..السلام عليكم .. حبيت اسأل عن الفرق بين المواد الحرة والمواد الاختيارية مواد المستوى الثالث من أفضل الدكاترة لتدريسها (أقصد شرح.. المام بالمادة.. بساطة وتعامل راقي ) (تحرير كتابي . مبادئ القانون . القانون الدستوري . أحوال شخصيه i . أصول فقه i . مقرر حر i)

أهلين يا د. عبد الرحمن..

بالنسبة لمادة التحرير الكتابي، دي خدها عند أي أحد يعجبك وقته، يعني شفلك واحد أسلوبه حلو وما يجيب النوم ، وعدد دكاترتها ومحضرينها مرررره كثييير لأنها مادة عامة والأسئلة تجي من وحدة المواد العامة، والدكتور ما عنده غير الحضور والغياب.

بالنسبة للمواد التانية، راح تختلف أسماء الدكاترة من فصل لفصل، خصوصا وإنه بعضهم راح يسافر واللي راح يهاجر واللي .... فانتظر لين قبل بداية الترم الأول بأسبوعين وشوف ايش اسماء الدكاترة أو المعيدين اللي نزلت، وإنشاا الله نفيدك كلناا عنهم.

بعدين لا تنس إنك انتاا اللي راح تنزل وتختار المواد عن طريق الحذف والإضافة، يعني قبلها شوف مواد القسم والخطة الدراسية، ورتب المواد اللي تبغا تنزلها ف الترم الجاي، يعني مو لازم تنزل نفس المواد اللي انتاا كاتبها فوق، بإمكانك تغير فيها وتعدل زي ما تبغى.


بالتوفيق ياارب؛؛

[ريان عنبر]

جزاك الله خير ما قصرت وبالتوفيق وإن شاء الله ترفع المعدل وإن شاء الله نسير اصحاب في القسم من السنة الجاية وجزاك الله خير يعني بتشيرك عن الاساتذة ومثل كدا وشكرا