ابغى مشورتك ياأهل الخير .!!

[l0o0la]

السلام عليكم ورحمه الله وبركاته
اتمنى ان تكونوا بأحسن حال؟؟!!

انا طالبه توي متخرجه من الثانويه وتخصصي علمي
فأنا صراحه حابه اني ادخل مسار ادبي
فوالله محتاره ايش ادخل تخصص اما انجليزي ولا تربيه خاصه ؟؟
وكمان مابدي ادرس في الجامعه ابغى ادرس بالكليه وش رايكم ؟؟
وانا والله مااعرف شئ في التسجل غير اني حجزتلي مقعد ذحين ومنتظره القدرات والتحصيلي تطلع عشان ااكد طلبي وبعدها مااعرف شئ فعلومني دخيلكم ؟؟
الله يسعدكم ابغى رأيكم لأني والله محتاره وفي حاله مايعلم بها الا الله ..
ارجوكم ساعدوني توي متسجله في المنتدى عشان ذا الشئ ..

:$ :$ :$ :$

[girl.k.s.a]

أنا أفضل إنك تدخلي ( مسار علمي )

لكن لازم تشدي حيلك ..

أنا ( مسار أدبي ) والأقسام صرآحه بايخه

لكن للعلمي أقسام حلوة ومستقبل حلووو ..

لو كان طموحك عالي وهادا اللي لازم يصير أدخلي علمي (( نصيحه ))..

أما لو كنتي عاادي بس تبغي تدرسي وتتخرجي أدخلي (( أدبي )) .

وبالنسبة للدرآسة في جامعة الملك عبدالعزيز أفضل من الكلية << من تجربة لقريبتي .

وإجابة سؤالك : امممممممم قسم تربية خاصه جديد بس أحس فيه شوية أشياء ....

إنتي لازم تقرري ’’

أختاااري مسار علمي في الجامعة لو تبغي ’’

ولو زي ما قولتي تبغي أدبي في الكلية أختاري ( أدبي فرع الجامعة ) ..

والله يوفقك ويسهل لك أموورك ’’

[..عـ أنثى ـذوبة..]

شوووفي الحين اكدي طلبك في التاااااااااريخ اللي كاتبين لك هوا حتى لو نزل القدرات والتحصيلي بعد دي الفترة اهم شي انتبهي ع دي الفترة لانها اهم شي لانو صار معانا العام نفس الكلام .. انتبهي انتبهي انتبي .. لا تستنيها عادي بعد دي الفترة ترجعي وتكتبيهااا..

وكمان بصراحة انا ما انصحك تدخلي ادبي وانتي علمي لانووو مجلاتكم كثيرة ولها مستقبل كبير .. اما الادبي محدوده..


بس اذا حااااااااابة هذا قرارك وانتي حرة فيه .. وع تخصص انقلش يبغاااااااااالوو شدة حيل وتجيبي ع الاقل 90 او 95 من 100 .. عشان تنقبلي .. والتربية الخاصة .. موجود هالتخصص بالكلية ..

وكمان عادي تددرسين السنة التحضيرية في اي فرع للجامعة مو مشكلة الفرز راح يكوون موحد ..


اتمنى اكوووون افدتك واذا عندك اي شي تاني اسئلي وإن شاء الله اجااااوبك..

[ice pink]

فوالله محتاره ايش ادخل تخصص اما انجليزي ولا تربيه خاصه ؟؟

loOola الله يوفقك يارب وقبل ماتختاري( المسآر)[سواء علمي او اداري] صلي صلاة استخاره
وربي يكتب لك اللي فيه خير لكِ..
وبالنسبه للانجليزي او التربيه الخاصه
انا كنت زيك محتاره بينهم وبصراحه كلهم الاثنين لهم مستقبل بإذن الله
لكن انتي شوفي (ميولك ) وايش اللي( تحبيه) بينهم يعني اذا تبغي انجليزي يبغالك (مذاكره اول بأول ولازم تطوري اللغه عندك )
واذا تبغي تربيه خاصه لازم يكون عندك( صبر وتحمل لانه انتي حتتعاملي مع فئه يحتاجون للصبر) ..
وعموما ان شاء الله ماتندمي لانهم تخصصين حلوه والله يوفقك يآآآرب ..

[shut up]

المشاركة الأصلية كتبت بواسطة girl.k.s.a أنا أفضل إنك تدخلي ( مسار علمي ) لكن لازم تشدي حيلك .. أنا ( مسار أدبي ) والأقسام صرآحه بايخه لكن للعلمي أقسام حلوة ومستقبل حلووو .. لو كان طموحك عالي وهادا اللي لازم يصير أدخلي علمي (( نصيحه )).. أما لو كنتي عاادي بس تبغي تدرسي وتتخرجي أدخلي (( أدبي )) . وبالنسبة للدرآسة في جامعة الملك عبدالعزيز أفضل من الكلية << من تجربة لقريبتي . وإجابة سؤالك : امممممممم قسم تربية خاصه جديد بس أحس فيه شوية أشياء .... إنتي لازم تقرري ’’ أختاااري مسار علمي في الجامعة لو تبغي ’’ ولو زي ما قولتي تبغي أدبي في الكلية أختاري ( أدبي فرع الجامعة ) .. والله يوفقك ويسهل لك أموورك ’’

انا راح اقول نفس كلامهااا

[Rana Hesham]

والله أنا مسار اداري إلي هوا أدبي والدراسه فيه مو مره سهله بس بالنسبه للعلمي إحنا أرحم بمليون مره لأن العلمي يدرسوا كل شييييييييييييييي بالإنجلش بس في النهايه إنتي تختاري إلي انتي ترتاحي فيه يعني لو تبغي تخصص يتطلب إنك تدخلي اداري أدخلي وايش يعني كنتي علمي في الثانوي؟؟ أهم شي مستقبلك بعد الجامعه والتخصص إلي تختاريه في وظائف ولا لأ؟ وبالنسبه لتخصص الإنقلش ماأنصحك أفضلك تربيه خاصه لأنو قسم جديد وممتع والطلب عليه في الوظائف كبيروبالنسبه للدراسه الجامعه أمتع من الكليه بس مشكلة الجامعه إنها مفتوحه يعني ماهي مسقفه بس أهم شي راحتك وبالتوفيق

[l0o0la]

بسم الله الرحمن الرحيم

حبيبتي girl.k.s.a :
اسمعدني كلامك صراحه واقنعتيني بالجامعه انها افضل من الكليه
بس فكره اني ادخل مسار علمي والله ياقلبي انا مراا تعبت في الثانويه والحمدلله جبت نسبه مرا حلوه وشفت مواد المسار العلمي صراحه مهما اتعب فيها ماراح اطلع بنتيجه لأنها مرا صعبه هذا بغض النظر انو مواده تقليديه احياء -كيمياء-رياضيات ... الخ ،، فقلت اتجهه للمسار الادبي ع الاقل لما اتعب القى نتيجه ان شاء الله فيه !!<<كذا فكرت ماادري اذا تخالفين ياقلبي التفكير ؟؟

والله يسعدك ويحقق لك اللي تبغينه يااارب .. :)

حبيبتي ..عـ أنثى ـذوبة.. :

الله يسعدك ياقلبي ع التبيه وان شاء الله اطبقه بإذن الله
والله يجزاك عني كل خير وييسر امورك ..:)

حبيبتي ice pink
اسعدني كلامك كثيرا وريحيني الله يريح بالك
بس حابه تكلميني شويه عن التربيه الخاصه بما انك طالبه فيها اذا ماعليك كلفه ؟؟
والله يرفع قدرك ..:)

حبيبتي shut up
نورتيني بطلتك جزيت خيرا

حبيبتي R.H.M
طريقتك في التفكير كانت نفس طريقتي تماما !!
ولكن الاختلاف كان في التخصصين المحتاره بينها
صراحه انا لما ادخل تخصص لازم اتعب فيه ومو حلوه اني مااطلع بنتيجه لأنو من صفاتيالاجتهاد
فأتمنى اني لما اتعب القى النتيجه قدامي ومن ضمن نتائجي الوظيفه !!
يعني انا فكرت وقلت التربيه الخاصه صح ذحين عليها طلب والكل طايح فيها بس مااضمن اني لو تخرجت حلقالي وظيفه ؟؟؟
واما الانجليزي فقلت كل المجالات تحتاجله ؟؟
ماادري هذا اللي عندي اتمنى التعليق ع كلامي وجزاكم الله عني بالجنه فهي اعظم شئ ..!!!

[lujain.alsagh]

من وجهة نظري :

انا كنت علمي ودخلت الجامعه علمي ورجعت حولت ادبي

الموضوع مو انو بالتخصص اهم شي لانو مايفصل بينك وبين العلمي غير التخصصات الطبيه والعلوم
والعلوم تقدري تاخديها بعد التحضيري الاداري تدرسي ترم وتحولي لاي تخصص بالعلوم
المشكله

هل انت قد انك تدرسي علمي كيميا فيزيا احياء رياضيات احصاء باللغه الانجليزيه ؟
هل انت تضمني انك ان شاء الله تنجحي بمعدل يبيض الوجه ؟

دراست التحضيري الاداري ماشاء الله سهله بس مو لدرجة السهوله انك ماتفتتحي كتاب .وبازن الله تقدري تجيبي معدل فيها بخصوص انك علمي ماشاء الله

فكري مزبووط وشوفي وازا انت زي ماقلتي ماتبغي الا انجليزي او تربيه خااصه

تكرفي وتعبي نفسك وتجيبي لاقدر الله معدل مش كوويس بالعلمي وانتي نهايتك تخصص بالمسار الادبي

اضمني بازن الله معدل حلو وانك تكوني من اول المتخصصين في دا التخصص بسبب معدلك العالي بالتحضيري

دي وجهة نظري

وتقبلي

[l0o0la]

^^^^
اشكرك حبيبتي ع وجهه نظرك السليمه
بس بصراحه انا انسانه لما ادرس ماده سواء بالعلمي ولا بالأدبي انا من طبعي اني لازم اتعب نفسي بالمذاكره ومااعرف شئ اسمه احذفي هذي واتركي هذي لأنو ها اللي تعودت عليه بالثانويه !!
فكوني امسك اي ماده من مواد العلمي انا ماعندي مشاكل في الماده نفسها ولله الحمد المشكله في نفسي انا كوني اتعب نفسي فيها بزياده واديها اكبر من حجمها ومعروف عن المواد العلميه انك مهما تذاكري فيها مابتطلعي بمعدل حلو ذاك اللي تتمنينه !!!
فعشان كذا انا قلت ادخل ادبي ع الاقل اتعب نفسي وبإذن الله اطلع بنتيجه حلوه !!
هذي هي طريقتي في التفكير ياقلبي الا اذا تخالفيني فيها ؟؟؟
مشكوره ياقلبي وماقصرتي ربي يحفظك من كل مكروه ..:)

[lujain.alsagh]

المشاركة الأصلية كتبت بواسطة l0o0la ^^^^ اشكرك حبيبتي ع وجهه نظرك السليمه بس بصراحه انا انسانه لما ادرس ماده سواء بالعلمي ولا بالأدبي انا من طبعي اني لازم اتعب نفسي بالمذاكره ومااعرف شئ اسمه احذفي هذي واتركي هذي لأنو ها اللي تعودت عليه بالثانويه !! فكوني امسك اي ماده من مواد العلمي انا ماعندي مشاكل في الماده نفسها ولله الحمد المشكله في نفسي انا كوني اتعب نفسي فيها بزياده واديها اكبر من حجمها ومعروف عن المواد العلميه انك مهما تذاكري فيها مابتطلعي بمعدل حلو ذاك اللي تتمنينه !!! فعشان كذا انا قلت ادخل ادبي ع الاقل اتعب نفسي وبإذن الله اطلع بنتيجه حلوه !! هذي هي طريقتي في التفكير ياقلبي الا اذا تخالفيني فيها ؟؟؟ مشكوره ياقلبي وماقصرتي ربي يحفظك من كل مكروه ..:)

اكيد ما اخالفك وربنا يعطيكي الف عافيه

بس صدقيني دام ماشاء الله انت من النوع دا

راح تقدري تجيبي معدل بالعلمي وتجيبي دبل المعدل بازن الله بالاداري

بالاخير القرار لك وربنا يكتبلك الي فيه الخيير استخيري ربك

وبازن الله ربك يخترلك الطيب والي في خير لكي

اي شي تريديه تحت امرك ياقمر