كم الحد الأدنى للنسبة الموزونة ؟!.....والله اتحطمت :(

[I can]

السلام عليكم ورحمة الله وبركاته......

لو سمحتوا انا عندي تستفسار باللنسبة للنسبة الموزونة للقبول في العلوم الصحية

في جامعة الملك عبدالعزيز اللي هيا (طب-طب اسنان -صيدلة -علوم تطبيقية)

وانا من الاخر اطموحي طب .... بس ناس قالولي انهم قفلو القبول في السنة اللي فاتت

للبنات على 88% <<الموزونة!!! منجد كدا ؟ ولا مبالغة

انا إن شاء الله يارب نسبتي الموزونة ماتقل عن 85% << كيف انقبل في السنة التحضيرية ؟

وكم قفلو القبول في السنة التحضيرية للطب السنة اللي فاتت؟َ

ويفرق لو كنت انا من المدينة ؟؟يعني مو من جدة يعني لازم تكون نسبتي عالية ؟<<زي ماسمعت ؟!!

ياريت احد يفيدني والله جاني اكتئاب ...ولكم جزيل الشكر...

[DOooODY}]

والله ماعندي علم


بس انتي خلصتي التحضيري ولا باقي دي اول سنه تخرج ؟


up up

[مني يغار الورد]

يااقمر انـا ع دفعتي كان اخر شي قبلوه 85 تقريبا
والدفعة اللي بعدي قبلو تقريبا اقل من كذا
يعني باذن الله حواليها وربي ييسر لك كل خير
وماتدخلي طب الا بمعدل التحضيري مو بمعدل الثنوي
بالتوفيق
:)

[nona2009]

اول حاجه تدخلي سنه تحضيريه واخر طالبه انقبلت تحضيري يمكن 77طبعا دا في الفرع لانو جامعه 85
وبعد ماتدرسي تحضيري وعلي حسب معدلك تنقبلي في طب

[شروق ..]

ياقلبوو انتي
> تذكرت نفسي العام والحوسه اللي كنت فيها

شوفي ياقلبي ذحين انتي بمعدلك الموزون اللي يجمع الثانوي بالقدرات والتحصيلي حتنقبلي في الجامعه
وطبعا حتختاري يامسار ادبي او مسار علمي وبما انك تبغي طب اكيد حتكوني مسار علمي وتدرسي 9 مواد خمسه في الترم الاول واربعه في الترم الثاني او العكس ع حسب خطتك وطبعا شدي حيييلك مررره ولو تاخذي دورات انقلش وتقوي نفسك افضل لأن المسار العلمي الدراسه فيه انقلش باانقلش هذا غير مادة الانقليزي وبعد ماتخلصي السنه التحضيريه ذاك الوقت بمعدلك تتخصصي سواء طب او غيره بس بجد حاولي تشدي حيلك وتعتبري نفسك لسى بثالث ثانوي لأن المعدل له اهميه مرره كبيره وخصوصا الطب فـ لازم يكوم معدلك اكثر من 4,50

اتمنى اكون افدتك =)
ومووفقه يآآرب ..

[يلدرم]

انتي تتكلمي عن موضوع نسب الكليات

للاسف صاحبه الموضوع اخطأت التوقيت فلا تشيلي هم

انا راح اتصرف في موضوعها

[I can]

DOooODY

طيب شكرا الله يجزاكي خير انا عارفة لو تعرفي ما كان قصرتي الله يديكي العافية......
وانا لسا متخرجة وابغا انقبل تحضيري بس شايلة هم اني من المدينة وانو نسبتي الموزونة مو قد كدة

..مني يغار الورد ..
يارب يسمع منك والله حلمي ادخل عزوز ...
وانا عارفة اني ما ادخل طب الا بعد معدلي في التحضيري لكن قصدي وهمي اني ادخل الجامهة اساسا
وكمان لاني من المدينة ...بما ادري هما يفاضلوا على ايت اساس ..وتسلمي حبيبتي الله يديكي العافية..


nona2009.... والله ياحبيبتي عارفة انو السنة التحضيرية هيا الاهم لكن الهم اني ادخل وانقبل اساسا
وانا ما ابغا الا الجامعة وكمان السكن وما ادري ازا نسبتي تاهلني ولا لاء ؟!
وتسلمي وجزاك الله الف خير يارب....


شروق...
يعني انتي اكتر وحدة عارفا كيف السنة دي وهمها والله لسنا ماتعافيت من الاختبارات وراها على طول تحصيلي وقدرات ..وبعدها هم التقديم والقبول ..لكن ربك ييسر إن شاء الله..
يعني تتوقعي انقبل حتى لو انا مو من المدينة ونسبتي كيف يعني مو بطالة ؟؟ انا ناس كتير قالولي انو نسبتي يادوب تدخلني طيبة والله انا ما ابغا ادخل طيبة وادرس طب فيها ابدا ...شايفة يعني كيف وضعهم... الله يستر بس
وماتعرفي كيف انا متحمسة للسنة التحضيرية دي ..ومن دحين با ادرس English ..من الحماااس
بس ارجع اقول اني شايلة هم القبول والسكن والنسب دحين ..اما التحضيرية إن شاء الله تعدي على خير
بس يعني تقريببا متاكدة اني ادخل الجامعة عالاقل؟!والسكن ؟!
وعارفة تعبتك معايا بس انتي ادرى بالحال والله يوفقك يارررررب دنيا واخرة

يلدرم......
والله مافهمت عليك
ممكن توضح ؟
والله يديك العافية...

[ǁ غــلأآإ ، رٍوٍحــي ǁ]

ي’ـآعسسولتي .. اذا نسبتك ان شاء الله الموزونه ماتقل عن 85 .. إن شاء الله بإذن الله تنقبلي بعزوز ..^_^

.." ومآفي مفآضله سوآ انتي من المدينه او الرياض او اي مكـآإن .. الموهيم النسبه :)

..{ واذا انقبلتي تحضيري ان شاء الله .. اطلبي سكن طآلبات ورآح يعطونك حتى لو لاسمح الله انقبلتي انتقالي او تأهيلي } ..


وأي سؤآل ياقمر انا جـآهزهـ ..

[I can]

غلا روحي....
الله يسمع منك
يعني افهم من كلامك انو الشرط ماتقل نسبتي عن 85% صح ؟
واهم شي انو مافي مفاضلة بين بنات جدة والرياض والمدينة
دا اهم شي
والسكن كمان يعني عادي يدوني مافي مشاكل مدام انقبلت؟!!
طيب ازا تعرفي ممكن تقوليلي متى اعرف ازا قبلوني ولا لاء ؟
يعيني التاريخ؟!
والله يديكي العافية حتعبك معايا ....

[ǁ غــلأآإ ، رٍوٍحــي ǁ]

غلا روحي.... الله يسمع منك يعني افهم من كلامك انو الشرط ماتقل نسبتي عن 85% صح ؟ واهم شي انو مافي مفاضلة بين بنات جدة والرياض والمدينة دا اهم شي والسكن كمان يعني عادي يدوني مافي مشاكل مدام انقبلت؟!! طيب ازا تعرفي ممكن تقوليلي متى اعرف ازا قبلوني ولا لاء ؟ يعيني التاريخ؟! والله يديكي العافية حتعبك معايا ....

عآدهـ .. النسب في السنتين اللي فآتت توقف القبول في الثمآنينآت .. وتحت الـ 85 . يقبلوآ الانتقالي والتأهيلي .

وطبعآ هالشئ يختلف من سنه لسسنه ..^_^


لا مآفي مفآآضله ... اصلا نص بنآت الجآمعه .. مو من جده خخخخخ ^_^ ..

..ايوة دآم انقبلتي انتظآم يعطوكِ سكن ...}


و عند تأكيد الطلب .. يقلك متى تطلع نتأأئج الفرز ..^_^ ..

.." بس رآح اشوف لكِ : متى نتآيج الفرز من موقع الجآمعة وارد لكْ ..