طمنوني .. ~

[Queen Designs]

مرحبا ..

كيفكم ان شاء الله تمام ؟!!

اخواني خواتي .. انا خلصت السنة التحضيرية وطلعت نتائج الفرز والحمدلله انقبلت كلية الادارة والاقتصاد ..

بس اللي قاهرني ان معدلي باقي لها درجتين وتصير 4 ..
جبت 3.98 :(

يعني ان شاء الله انقبل ولا لا ؟

والله خايفه ما انقبل وكل الموضوع يكون متعلق بـ الدرجتين ذي ..

== == ==

كمان .. عندي سؤال ..

لو مانقبلت رح اروح ادارة عامه ان شاء الله

بس راح اخذ مادتين او 3 عشان ارفع معدلي و احول انظمة ..

لو اخذت تحرير كتابي .. و ثقافة 2 .. و مقرر حر بس

راح يساعدني ارفع معدلي ان شاء الله فوق 4.15 باذن الله وخصوصا انها مواد سهله

تتفقوا معي ؟ .. انا محتاجه شوركم لاني والله حابه ادخل قسم الانظمة وماحب اي شيء ثاني غيره ..

==

تعبتكم معاي :p .. بس اخر سؤال

ايش المقرر الحر اللي تحسوه سهل و ينفع اخذو عشان ارفع معدلي

يعني اش احسن مادة حرة ممكن اني اخذه ؟


ومشكووورين

[بحر الحرية]

^^

أهلين أختي..

أول شي ياارب تنقبلي ويدخلوكي القسم بمعدلك داا، ولا تشيلي هموو إنشاا الله ربي يسهل عليكي..
بس أهم شي شدي حيلك ف المواد اللي تاخديهاا، زي الثقافة والعربي، لأنها سهلة بس لو لعبتي ف سهولتها راح تروح عليكي درجات وانتي دحين ف حاجة للدرجة الوحدة..

الشي التاني فكرة إنك تحاولي رفع المعدل وتدخلي إدارة عامة ما اقدر أفيدك فيهاا لأنوو ما عندي فكرة عنهاا..


والمواد الحرة إلى الآن بصراحة ما نزلت ولا مادة حرة، لكن إنشااا الله يفيدوكي فيها!!

يارب يقبلوكي على معدلك داا


موفقه؛؛

[:::Zaza-.-MaZaza:::]

ان شاء الله تنقبلي وماتحتاجي تدخلي ادارة عامة يارب .. و خصوصا انهم عقدوها بحكاية الكيميا والفزيا في التخصصات التانية يعني اتوقع يمكن يتساهلو حبتين في المعدلات :)
ولكن لو قدر الله وما دخلتي انظمة وحبيتي تحولي بعدين طبعا ثقافة وعربي وماده حرة مجموع عدد ساعاتك اقل من 9 والنظام يقلك ما يجوز انك تاخدي اقل من 9 ساعات في السمستر والثقافة بساعتين ! يعني شوفي مادة تانية غير الثقافة تكون ب 3 ساعات..
وترى في مواد مشتركة بين ادارة عامة وانظمة زي مبادئ قانون وقانون اداري بس طبعا ما حينفع تاخدي اداري عشان متطلبها مبادئ .. ومبادئ قانون دي المادة انا اشوفها متوسطة لا سهلة ولا صعبة وطبعا الدكتورة الي تاخدي معاها اكيد ليها اثر على المادة بشكل كبير .. بس بما انك تبغي ترفعي معدلك فلا تغامري .
بالنسبة يا حبيبتي للمادة الحرة انا اخدت سيرة نبوية وقبل ما اقلك اسم المادة لازم اقلك دكتورتها>> د. فوزية الشمري انسانة جدااااااااااااا رائعة ومحترمة وطيبة وتسهلك المادة .. فلو قررتي تاخدي المادة دي ما انصحك تاخديها الا مع د. فوزية لانو لاحظت كتير بنات اخدو سيرة بس مع دكاترة تانيين وجابو درجات مو مرررة .. وبالتوفيق ان شاء الله ..

[sosoana121]

أنصحكي تآخذي مباديء قانون

عشان المباديء مادة مهمة مره في قسمنا

هي متطلب لموآآآآد كثييييييرة

وهي مادة حلوة بسسس دسمة شوي

بس مو مع اي احد تآخذيها لأن الدكتورات في هذي المادة

تتفاوت كل وحده فيهم في تسهيل المادة او تعقيدها

بالتوفيـــق

[احساس نابض]

اختي الكريمة...

اول شيء مبروووك على تعيينك بالكلية وان شاء الله يقبلونك قانون


بالنسبة لو لا قدر الله ماتم قبولك بالقانون وتم قبولك لتخصص الادارة..

انصحك تنزلين مواد مشتركة..

يعني لغة عربية 2

وثقافة 2

ومبادىء قانون مادة جدا مهمه
وتفتح لك مواد عند تحويلك للتخصص

ومثلا تنزلي مواد اختيارية او حرة..

والله يوفقك...

[violllet]

مرحبا كوين ديزاينز ..

أولاً: مبروك على انو جاء التسكين حسب رغبتك و عقبال التخصص كمان ياااارب ..
ثانياً: في حالة أنك اضطريتي تخشي إدارة عامة عشان ترفعي المعدل أنصحك بالثقافة 2 و التحرير الكتابي و مبادئ القانون خذيها مع دكتوره ترحم و لو كانت مع د.مصطفى بيطار يكون أحسن ..
و عادي لو أخذتي مبادئ إدارة عامة رح تنحسب لك مادة أختيارية لو حولتي أنظمة يعني تعبك ما رح يضيع .. و كمان نفس الحكاية تنطبق على مبادئ العلوم السياسية ..
و كمادة حرة انصحك بالأقناع مع د.أنمار مطاوع .. أو سيرة نبوية زي ما قالت زازا
و شدي حيلك و ارفعي المعدل أكثر من 4.15

و بالتوفيق ..

[Miss.law]

ان شآء الله تنقبلي بمعدلك و ربي ما يضيع لك رجآء ..

،،

في حالة دخلتي إدآرة عآمه ، لا تآخذي مبادئ قانون مآدة حرة أبدا" !! ،،
لأنّه أستآذآتنا بعيد الشر عنك فيهم عقدة و خآصة في هذه المآدة ،، و انتي لآحقة عليهم
سو .. فرصة رفع معدلك فيهآ قليل و انتي محتآجة لنص الدرجة !!
إلآ لو أخذتيهآ مع مصطفى بيطآر ..

،،

المواد اللي ممكن ترفعي فيهآ معدلك ثقآفه و عربي ،،
حروب صليبية مع الدكتور عمر اليماني لآ غير ،،
مآدة اقنآع مع الدكتور انمآر مطآوع لآ غير ،،

.
.

الله يوفقك يآرب

[سكووت]

انا زيك معدلي مادخلني قانون ورحت ادارة عامة رفعتو وحولت ..واخدت مبادئ قانون نصيحتي خديها صح عقدة ويبغالها مخ نظيف بس عشان يوم تحولي تقدري تلحقي بسهولة على باقي المواد ..ذاكريها اول باول وان شالله تجيبي شي حلو ..

[حبي لذاتي قمة أولوياتي ~]

مبروك مقدماً وعقبال التخرج

ماشاء الله عليك شطورة مخططة من الحين

انصحك تاخذي صحة نفسية مع د/ خديجة مشهور

وهذي ملف خاص فيه أسئلة دروي ونهائي للمادة نفسها


ومادة أدارة مدرسية معأ / سهام مرزوقي

أدعي لي ربي ييسر لي اموري ياقمر

[سلطانة قلبهـ]

إن شاء الله يارب ننقبــل بهــذا القســم .. بجــد معـدلي مره يخــوف بدخول القســم:(

طيب ياليت تعطونــا اسماء الدكاتره الي تنصحونـا فيهم بمادة ثقافه وعربــي

وخصوصـاً العربي لان عنــد عقـده منــــه :(


شاكــرين لكم