القانون في رابغ؟

[بسبوسه2010]

بسم الله الرحمن الرحيم
اخواني وخواتي طلاب قسم القانون
سالت كثير في قسم السنه التحضيريه لكن ما فيه جواب اقنعني
وبصراحه حبيت اخز رايكم ونصحكم
انا طالبة انتساب وعندي رغبه في التخصص بقسم قانون انتظام بازن الله لكن مو عارفه اي كليه اختار
هل هي صحيح برابغ ؟للمنتظمين
هل صحيح ما يقبلون الا 50 طالبه ؟ يعني صعب يحولوني انتظام وصعب يقبلوني بهالقسم المنتظمات اول مني
وازا مافيه انتظام فيه قانون للمنتسبات ؟
ارجو حد يفيدني لانه ما بقى شي على التسكين وانا لسى ما استقريت على كليه

[حمد الزهراني]

انتي اول شئ لازم تستوفي الشروط و تحولي انتظام على نفس قسمك في الانتساب

بعدين تحولي من قسمك للقانون

اما القبول فيكون خاضع للشروط و الاحكام مثل المعدل و الامكانية

[بحر الحرية]

أهلين أختي..

لحد الآن القانون للمنتظمين بس، اللي ف رابغ مجرد فكرة لسا ما طبقوها، لأني مره قريت ف جريدة الجزيرة موضوع صغير عن لقاء مع عميد كلية الأعمال ف رابغ أعتقد د. ساعاتي، فكان يقول إنه الموضوع تحت الدراسة، بحيث إنهم يسمحوا للمنتسبين دخول تخصص القانون.

ع العموووم، الآن مفتوح التحويل من الانتساب للانتظام بالشروط طبعا، ودخول أي قسم بشروط، لو حققتي دي الشروط راح تكوني ف القسم اللي تبغيه زي ما قلك حمد الزهراني..

وسواء كانواا يقبلوا 50 طالبة أو 1000 طالبة، العبرة بمعدلك ودرجاتك..

والقانون لحد الآن تابع لكلية الاقتصاد والادارة ف جدة، ولكلية الأعمال ف رابغ..

الله يوفقك ياارب، ويحقق لك اللي تبغيه، وتكوني انشاا الله معاناا يااارب ف القسم؛؛

[بسبوسه2010]

اخواني شكراً على الكلام بصراحه ريحتوني بس باقي شي بسيط
انا معدلي التراكمي 4.29
ومكتمله عندي كل الشروط تحويل الانتظام باذن الله
بس ىانا خايفه من التسكين اي كليه اختار الحين برابغ او الاقتصاد
لانه لو سكنوني مكتوب ما اقدر اغير الكليه بس اقدر اغير التخصص
اتمنى فهمتو على
يعني اول انا ابي اختار الكليه بعد ين الانتظام وبعدين التخصص باذن الواحد الاحد
اخوي بحر الحريه
ارجو التوضيح تقول
والقانون لحد الآن تابع لكلية الاقتصاد والادارة ف جدة، ولكلية الأعمال ف رابغ..
يعني القانون في الكليتين؟؟؟؟؟؟

[بحر الحرية]

^^

خيتوو انتي فين تبغي تدرسي ف جدة ولا ف رابغ؟؟

[بسبوسه2010]

اكيد في جده اخوي

[بحر الحرية]

المشاركة الأصلية كتبت بواسطة بسبوسه2010 اكيد في جده اخوي

أجل إيش وداكي كلية الأعمال ف رابغ اداا تبغي جدة وتقولي إنهم حيقبلوكي فيها؟

ع العموم خيتوو
القانون موجود ف الكليتين، بس الاختلاف ف مسمى الكليات..
ف جدة اسم الكلية الي فيها القانون: الاقتصاد والادارة
ف رابغ اسم الكلية اللي فيها القانون: كلية الأعمال

فالقانون ف جدة تابع لكلية الاقتصاد والادارة، يعني لمن تحطي الكليات تختاري كلية الاقتصاد والادارة ف جدة

مو كلية الأعمال ف رابغ..
بعدين يجي وقت التخصصات، وراح تكون بحسب المعدل المطلوب لكل قسم..

ومشاا الله تبارك الله معدلك مررة كويس، لأني اتزكر فيه بنت معانا ف القسم اسمها سكووت، كانت ادارة عامة وبعيدن مشاا الله عليها جابت معدل وحولت لقانون ومعدلها كان أقل من معدلك بشوية، ف انشاا الله يقبلوكي ياارب على داا المعدل وتكوني معاناا ف القسم..

ودحين انشاا الله فيه فكرة فصل القانون لكلية مستقلة، اللي هياا كلية الحقوق بس لساا ما اطبقت الفكرة..

موفقة ياارب، واداا عندك استفسار تاني اتفضلي..

[بسبوسه2010]

مشكور اخوي الله يريحك في دنياك مثل ما ريحتني
إن شاء الله قانون باذن الله
كليــــــــــــــــــــه الاقتصــــــــــــاد
معليش اتعبتك معي

[سكووت]

ومشاا الله تبارك الله معدلك مررة كويس، لأني اتزكر فيه بنت معانا ف القسم اسمها سكووت، كانت ادارة عامة وبعيدن مشاا الله عليها جابت معدل وحولت لقانون ومعدلها كان أقل من معدلك بشوية، ف انشاا الله يقبلوكي ياارب على داا المعدل وتكوني معاناا ف القسم..

مين قدي سار يضرب فيني كمثال فديتني شخصية