تم تخصصي ولله الحمد...

[مووون22]

السلام عليكم ورحمة الله وبركاته ..
الحمدلله ..تم تخصصي بعلم الاجتماع الماده الممتعه..لكن عندي بعض الاستفسارات..
س1:هل ينفع امشي ع الخطه زي ماهي؟
س2:المواد الحره ضروري اخذ من العربي والدراسات وكل التخصصات ؟
س3:هل كل الاسئله موضوعيه ام مقاليه؟
س4:انا من الرياض يضرني لوماحضرت الدوره التأهيليه لاني كمان معلمه ومرتبطه بالمدرسه؟
الله يسعدكم دنيا واخره..تراني متعشمه فيكم ياحقين علم الاجتماع لاتكسفوني..

[& صمت الجروح &]

المشاركة الأصلية كتبت بواسطة مووون22 السلام عليكم ورحمة الله وبركاته .. وعليكم السلام والرحمه .. الحمدلله ..تم تخصصي بعلم الاجتماع الماده الممتعه..لكن عندي بعض الاستفسارات.. الف مبروك س1:هل ينفع امشي ع الخطه زي ماهي؟ ايه عادي حبيبتي .. س2:المواد الحره ضروري اخذ من العربي والدراسات وكل التخصصات ؟ المواد الحره انتي تختاري الماده اللي تبينها طبعا وقت الحذف والاضافه راح ينزلون قائمه بالمواد الحره المسموح تاخذيها .. س3:هل كل الاسئله موضوعيه ام مقاليه؟ هذا يرجع للاستاذه نفسها.. س4:انا من الرياض يضرني لوماحضرت الدوره التأهيليه لاني كمان معلمه ومرتبطه بالمدرسه؟ لا مايضرك .. بس يفضل انك تحضرينها لان كل شي مهم بالماده ينقال وقت الدوره .. الله يسعدكم دنيا واخره..تراني متعشمه فيكم ياحقين علم الاجتماع لاتكسفوني..

موفقه يارب واي اسئله ثانيه انا حاضره *ـ*

[جامعية كول]

هلا بك موووووووووون

[مووون22]

الله يسعدكم ويخليكم....بس مافيه احد يحضر الدوره ويكتب لنا هنا..

[مووون22]

اختي جامعيه كول اذا انت علم اجتماع واول سنه ابي اتواصل معك ضروري الله يسعدك..وخصوصا اذا انت من جده..

[abo-yazad]

المشاركة الأصلية كتبت بواسطة مووون22 السلام عليكم ورحمة الله وبركاته .. وعليكم السلام ورحمه الله وبركاته... الحمدلله ..تم تخصصي بعلم الاجتماع الماده الممتعه..لكن عندي بعض الاستفسارات.. ألف مبرووووووكـ س1:هل ينفع امشي ع الخطه زي ماهي؟ من الأفضل لكن لو صار وحملتي ماده راح تتلخبطين يعني ما يمشي على الخطه إلا الطالب الجيد... ولو صار ولا قدرتي تمشين على الخطه فلا يوجد مشكله لأن المواد سوف تختبرينها بأي ترم ترغبين... س2:المواد الحره ضروري اخذ من العربي والدراسات وكل التخصصات ؟ وقت ما تسددين الرسوم ويفتح معاك برنامج الحذف والأضافه راح تعرفين المواد الحره المسموحه لكـ من خارج قسسمنا ووقتها تختارين ما يناسبكـ من اي قسم ترغبين... س3:هل كل الاسئله موضوعيه ام مقاليه؟ أغلب المواد المتقدمه لا تخلو من الاسئله المقاليه ولا ننسى دكتور الماده وطبيعته في أسئلته((يعني لازم تجمعين معلومات عن الماده ودكتورها وليس عن الماده فقط)) س4:انا من الرياض يضرني لوماحضرت الدوره التأهيليه لاني كمان معلمه ومرتبطه بالمدرسه؟ الدوره التأهيليه أختياريه وفائدتها لا تقدر بثمن وفي حالة أنك ما قدرتي تحضرين بأمكانكـ التنسيق مع الطالبات اللي بيحضرن ويفيدنكـ بما حصل عن طريق المنتدى... وشلون معلمه وتدرسين أنتساب...؟ للمعلوميه شهاده الانتساب غير معترف فيها لدى ديوان الخدمه المدنيه فيما يخص التعليم ما عدى تخصص أنجليزي... الله يسعدكم دنيا واخره..تراني متعشمه فيكم ياحقين علم الاجتماع لاتكسفوني..

الله يوفقكـ دنيا وآخره...

[مووون22]

المشاركة الأصلية كتبت بواسطة نواف القصيم الله يوفقكـ دنيا وآخره...

انا معهد معلمات ادرس ابتدائي..وابي اخذ بكالوريوس عشان ارفع من مستواي وراتبي.
وبعدين انا اقدر امشي ع نفس الخطه بالضبط لاني شاطره ومعدلي 4 وعليها..

[ورد وفل]

هلا اختي الف مبروك
القسم حلو وسهل وحتى المواد بس يبي مذاكرة
امشي على الخطة احسن واذا بتغيرين كيفك بس لازم تاخذين متطلبات المادة لان فيه مواد ماتقدري تاخذيها الا تاخذين متطلبها
بس الاهم الاستاذات لان فية استاذات جدا رائعات
بالنسبة للدورة انا مااحضرت دورات بس البنات مايقصروا دايم يفيدونا
بالمهم الله يجزاهم خير بس انتي اتواصلي معاهم في المنتدى
انا من الرياض اذا بغيتي اي شي مااقصر معاك
واذا الكتب ماتفيرت ترا عندي كتب
والله يوفقك

[مووون22]

اختي ورد وفل الله يسعدك ولا راح استغني من خدماتك بس مافهمت متطلبات الماده؟؟؟

[fnooona]

الله يوفقنا وياكم يااارب