مدري وش اتخصص؟

[almr7r7]

السلام عليكم ورحمة الله وبركاته


أخواني انا نزلت موضوع عن وش المواد اللي انزلها في اول ترم لي في الهندسه فقالولي وش التخصص اللي تبي تدخله

عشان نقدر نفيدك

فزادت حيرتي لاني انا كنت ناوي اذا بدأت اسأل الدكاتره وبعدها اتخصص

المهم انا اللي فهمته من الشباب اللي ردوا على موضوعي انو لا زم تنزل المواد على حسب التخصص اللي ابغاه

وانا ما أدري وش ادخل او بالاصح محتار بين التخصصات التاليه
هندسة الطيران
الهندسة الكهربائية
الهندسة الصناعية

اتمنى تفيدوني

والله الموفق

[الكهربائي 01]

شوف يا سيدي
بما انك اول ترم هندسة في مواد مشتركة بين كل التخصصات وتقدر تبدأ فيها
مثل الرياضيات 202 - ee201 - ie201 هذه ثلاث مواد وتضيف معاها عربي وتحاول ما ينتهي الترم الأول الا وانت حددت تخصصك
وبكدا تبدأ الترم الثاني وانت تعرف رأسك من رجلك,,,,
على فكرة , نصيحة اذا ما عندك خلفية في الرسم والتخيل وانت اساسا الميكانيكية خارج حساباتك
اترك الرسم الهندسي ولاتأخذه الان,,,,, مجرد نصيحة
وأكيد انتظر رأي الشباب اللي بالتأكيد خبرتهم أفضل مني
وبالتوفيق

[قائد بلا جنود]

أفااااااا

ما تدري وش تتخصص؟؟

أنا أقول لك كيف...شوف أقرب تخصص لك تحبه وأدخله


وفيه تخصصات باينه من أسمها

زي...

الهندسه الكيميائية.... كيمياء ((Chem 110 تعتبر مفتاح فقط والباقي في الطريق))

الهندسة الكهربائية ... كهرباء ((الاوم والامبير والدوائر الكهربائيه والكمبيوتر والاتصالات...))

هندسة الطيران ... ((الطيارات والمحركات والاجنحة والضغط الهوائي ...))

الهندسة المعمارية...((جيولوجياء + تصاميم +...))

غيره لا تسألني لأني ما أعرف إلا هذا


ولكي تستزيد أكثر <<< أحلى يالفصحى


فيه مواقع ومنتديات كثيره للهندسه أدخل على كل قسم من أقسام الهندسة وشوف وش يتكلمون عنه؟؟


وبكذا تقدر تكون صوره أو فكره بسيطه عن الاقسام...

[اسامـــه]

الله يعين كلنا محتارين انت مشي حالك حالك يمشي
شباب بالنسبة للصناعية ايش نصايحكم للجدول ؟؟

[تهندسي تكهربي]

وعليكم السلام ورحمة الله

انصحك بزيارة موقع الكلية اللي على موقع الجامعة وادخل على كل تخصص وحتلاقي نبذة عن كل تخصص ,,, من هنا راح تحدد ميولك واهم شيئ انك تدخل التخصص اللي ترغبو على شان تقدر تبدع وتتميز ,,,

اتمنالك التوفيق والنجاح ,,,

[Oـــــــjjjــــــــاري]

[motr1]استخر ربك وشوف وش ميولك وانصحك تزور مواقع الكليات وتشوف نبذه عن كل قسم والله الموفق [/motr1]

[ابداع]

اهم شي لاتدخل طيران

انصحك اذا انقليزيتك قوية تدخل صناعيه

واذا انت دافور مره ادخل كهرباء

واذا لا ذي ولا ذي

فانصحك تدخل انتاج او كيميائيه


هذي نصيحه اخويه عن واقع تجربه

وبالتوفيق

[rــــــy]

آدرس أول سنه هنـدسه ,,
ورآح يبين معآك كل شئ ,,"

[almr7r7]

^^^^^^^^^^^^

انا كنت أقول كذا بدرس اول سنه ويبين معي كل شئ

بس قالولي الشباب المواد اللي بتنزلها اول سنه نزلها على حسب التخصص اللي انت تبيه

وهذا اللي حيرني

وشكرا لكل من حاول اني يفيدني

[خافي الأحزان]

بشكل عام مهما كان تخصصك ابدأ بمواد الرياضيات وحاول تخلصها بدري بدري لأنها تعتبر أساس لجميع التخصصات

وترى مو لازم لازم تنزل مواد معينة

مادام ما حددت تخصصك نزل مواد براحتك

لا حددت تخصصك نزل موضوع وبنفيدك بالمواد

وبالنسبة للتخصصات اللي انت محتار بينهم أشوف الكهربائية والصناعية حلوين

بالتوفيق