ممكن احد يشرحلي عن الهندسة الصناعيه

[F_R]

السلام عليكم

كل عام وانتم بخير بمناسبة قرب عيد الفطر

ممكن احد يشرحلي ايش هي الهندسة الصناعية وايش هي المواد الي ناخدها ، عشان اعرف ايش التخصص الي احطه.

وبالتوفيق للجميع

[مالك معاذ]

وعليكم السلام ورحمة الله وبركاته

وانت بألف خير ..

لي عودة في وقت لاحق للشرح والايضاح بخصوص التخصص ..

[اسامـــه]

عليكم السلام وكل عام وانت بخير
الهندسة الصناعية من اجمل التخصصات الهندسية لأنه يجمع بين ثلاث تخصصات الكمبيوتر والادارة بطريقة احترافية وعلوم الهندسة البحته يعني فرصة اكبر في الوظيفة وحاول لاتخش القسم اللا وانت انجليزيتك قوية لأن التخصص يعتمد بشكل كبيير على اللغة وكتابة التقارير بطريقة احترافية ولا تنسى اغلب الدكاترة اجانب وحاجة ثانية لازم تكون فاهم في الاحصاء تمام لأن اغلب شغلك اقتصادي واداري
وطبعا لازم ناخذ رأي المتخصصين من الطلاب لأن اكيد اللي درسها غير اللي قرا عنها
وهذي نبذة مختصرة عن القسم من ويكي

المشاركة الأصلية كتبت بواسطة ويكي هندسة الإنتاج والتصميم الميكانيكي هو فرع الهندسة الذي يهتم بالعلوم التي تخدم فن التصميم الميكانيكي وعمليات الإنتاج والتصنيع المختلفة، وكل ما يخدم ذلك في الأساس كالتخطيط والتصميم والتصنيع والتجميع والاختبار والفحص والتحليل والمعالجة والتطوير للحصول على أفضل قيمة مقابل أقل تكلفة. و يعطى هذا التخصص الهندسي مسميات عدة كهندسة الدقة كما في اليابان وهندسة التصنيع أو الهندسة الصناعية في الولايات المتحدة. الهندسة الصناعية هي مجال من مجالات الهندسة ومن مميزاتها أنّ لها مجال في العديد من الشركات، والمصانع المختلفة، مثل الطيران، والبنوك، والمستشفيات، وشركات البترول وغيرها فهو يعتبر مجال عام لتحقيق أهداف الإدارة من خلال إعداد الخطط، والتنظيم الجيّد، والحفاظ على الجودة، وتطبيقها، والتعامل مع العاملين، وغيرها. ومن الممكن للمهندس الصناعي الوصول للمناصب الإداريّة نظراً لعمله القريب من الإدارة ومهمّاتها. المهندس الصناعي في كلمة مختصرة، هو جسر بين الإدارة وأهدافها. هناك العديد من التعريفات للهندسة الصناعية ولكن هناك خطوط رئيسية لها: تطوير طرق للاستفادة المثلى من البشر، والآلات، والأدوات، وغيرها من أجل التوصل لأفضل الطرق اقتصاديا لتقديم خدمة أو تصنيع منتج. تهتم الهندسة الصناعية بتحسين وتطوير نظم متكاملة من البشر، والأدوات، والطاقة، ويلزم لها معرفة بعلم الرياضيات، والعلوم الإجتماعية. في عصر متسارع الخطوات لا تُقبل منتجات أو خدمات جودتها ضعيفة إن المنافسة في الأسواق المحليّة والعالميّة لا تعتمد على أحلام الحالمين ولكنها تعتمد على مقدار الجهد المبذول من أجل الوصول إلى إرضاء العميل (الزبون) ومن أجل الوصول لأعلى مستويات الجودة. وإذا لم تكن هذه المؤسسة أو الشركة تقدّم أعلى مستويات الجودة فإنه ببساطة سيقدمّها آخرون إن الهندسة الصناعيّة من أهدافها الرئيسيّة هو تنفيذ ما تريده الإدارة بأقل كُلفة وأعلى جودة. .

بالتوفيق للجميع

[تهندسي تكهربي]

المشاركة الأصلية كتبت بواسطة اسامـــه عليكم السلام وكل عام وانت بخير الهندسة الصناعية من اجمل التخصصات الهندسية لأنه يجمع بين ثلاث تخصصات الكمبيوتر والادارة بطريقة احترافية وعلوم الهندسة البحته يعني فرصة اكبر في الوظيفة وحاول لاتخش القسم اللا وانت انجليزيتك قوية لأن التخصص يعتمد بشكل كبيير على اللغة وكتابة التقارير بطريقة احترافية ولا تنسى اغلب الدكاترة اجانب وحاجة ثانية لازم تكون فاهم في الاحصاء تمام لأن اغلب شغلك اقتصادي واداري وطبعا لازم ناخذ رأي المتخصصين من الطلاب لأن اكيد اللي درسها غير اللي قرا عنها وهذي نبذة مختصرة عن القسم من ويكي بالتوفيق للجميع

وفيت وكفيت يا اسامة الله يجزاك بالخير يا رب

[F_R]

شكرا لكم

فعلا كلام الاخ اسامه كفى ووفى ، ويعطيكم العافية

تحياتي

[husseing]

المشاركة الأصلية كتبت بواسطة مالك معاذ وعليكم السلام ورحمة الله وبركاته وانت بألف خير .. لي عودة في وقت لاحق للشرح والايضاح بخصوص التخصص ..

انتظرك بأحر من الجمر

[مالك معاذ]

قسم الهندسة الصناعية يتعلق بأفضل استغلال ممكن للموارد الموجودة لدى الشركة ..

سواء كانت المواد عبارة عن موظفين او كانت عبارة عن آلات ..

طبعا عندما تستغل هذه الموارد افضل استغلال ممكن معناه بالنهاية عائداتك راح تزيد وهذا هو الهدف دائما ..

فدائما في الهندسة الصناعية يكون عندك 3 اهداف وهي :-

1- زيادة الربحية , تخفيض التكلفة بأقل ما يمكن , 3 - التخطيط للعمليات وجعل العمل اكثر سلاسة واكثر سرعة ..

خليني اشرحلك بعض المواد الهامة جدا بطريقة مبسطة جدا

وجدتها قي منتدى الهندسة السناعية لطلاب جامعة الملك فهد ..طبعا مع شوية تعديلات مني

أبو عزيز عنده راس مال و قدره مليون ريال ناوي يستثمرهم في المواشي...بس محتار؟....يبغى يطلع أكبر ربح ممكن لكن مو عارف يشتري بكل المبلغ نوع معين من المواشي؟...و إذا قرر أي نوع حيشتري؟ أو إنه يشتري من كل نوع عدد معين؟...و ايش هي التركيبة اللي تخليه يحقق اقصى ربح؟

أبو عزيز اتصل بالباشمهندس "وسوس" عشان يساعده في حل المشكلة العويصة هذي...الباشمهندز وسوس عمل احصائية في السوق مستخدم الأشياء اللي تعلمها في IE311 و طلع بكم معلومة منها: العرض و الطلب....أعلى سعر للنوع و أقل سعر للنوع و أكثر الأصناف مطلوبة إلخ إلخ....ثم رجع لأبو عزيز و طلب منه يحدد أهدافه: مثلا عدد الحاشي و السواكني مجتمعين ما يكونوا أكثر من النجدي و زي كذا....

بعد ما اتحددت الشروط مكتملة قدام المهندس وسوس....بقي عليه يحدد لأبو عزيز العدد اللي يشتريه من كل صنف...هنا حيطبق اللي اتعلمه في IE311 بالتحديد حيستخدم linear programming ....مع وجود الشروط السابفة الباشمهندس وسوس طلع بنتيجة و اعطاها لأبو عزيز و راح اشترى العدد المحدد و باعهم كلهم و طلع له اكبر ربح ممكن من هذي العملية وهو الوصول الى السياسة التي تؤدي الى تحقيق اعلى ربح ممكن ..

مرت الأيام...و تجارة ايو عزيز تكبر و تكبر و تكبر الين ما صار عنده شركة البان....ابو عزيز وجد انه الالبان اللي بيبعها متفاوتة الجودة بشكل كبير.....وجد ايضا انه بيصرف فلوس كثير على صيانة المعدات......حيتصل بمين؟ بالأسطى وسوس....وسوس قال له خلاص مو مشكلة انا حأطبق اللي تعلمته في IE431 وهي مادة التحكم بالجودة و حأعملك جداول تحكم بالجودة و برضه حأطبق اللي تعلمته في مادة الـ maintenance واللي هيا IE452 و حأخليك تعرف بالضبط متى تعمل صيانة للأجهزة عشان تصرف أقل مبلغ ممكن وهو طبعا احد الاهداف المهمة من التخصص وهو تقليل التكلفة ..

أبو عزيز سمع الكلام....لقى انه بيربح اكثر و تجارته ما شاء الله بتكبر.....وصار يفكر في رضا الزبون ويفكر في المافسين كيف يكون احسن منهم بعد ماكان مجرد تاجر مواشي لاهو داري عن رضا زباين ولا حاجة ..
صار يقول ما ابغ انتج قليل ويجيني زباين كثير بالتالي يكون عندي نقص ويضطر العميل ينتظر وما ابغى انتج زيادة بحيث انو الطلب يكون اقل وبالتالي اخزن البضاعة في المخزن وممكن ينتهي تاريخ الصلاحية او تفسد لأي سبب آخر ..
كيف انتج كمية تكون اقرب ما يمكن للكمية المطلوبة ؟
اتصل كالعادة بوسوس واللي استعمل حاجة اسمها forecasting وتتكرر في اكثر من كورس ويوجد كورس كامل اسمه Dynamic forecasting ومعناه التوقع او التنبؤ بحيث انو عطفا على كمية الطلب بالسنين الماضية يقدر يتوقع الطلب بالمستقبل وبالتالي يمشي عليه في الانتاج طبعا حيكون التوقع بمعادلات وطرق احصائية ورياضية بحتة ..

ابو عزيز الآن بيفكر في نقاط الضعف في منتج معين ويبغى يشوف العوامل المؤثرة على المنتج عشان يصلحها ويشيل نقاط الضعف اللي بالفعل مؤثرة على المنتج راح يستعمل IE432 وهي DESIGN OF EXPERMINT
وبالتالي جودة المنتج تتحسن وبالتالي تزيد المبيعات ..

الآن بعد كل هذا التطور والنهضة ابو عزيز يبغى يدخل مجال التقنية ويبغى يسوي قاعدة بيانات للعمليات اللي عندو
بحيث يسهل الوصوصل اليها بدل الملفات الورقية والمكان اللي تآخذه وامكانية تعرضها للتلف وصعوبة الحصول على المعلومات مع كثرتها انتو عارفين كيف شغله شغال مية المية وتجارته رابحة ...
طبعا وسوس مآخذ IE323 واللي هوا كورس عن البرنامج المعروف وهو الاوراكل ..
وقام وسوس سواله قاعدة بيانات وحول كل الملفات اللي عنده جوة قاعدة البيانات وبضغة زر يقدر يوصل لمعلومات اي منتج مثلا اسم المنتج - رمزه - كم الانتاج في اليوم الفلاني - كم البيع في اليوم الفلاني - كم راح للمخزن - من هيا الشركات اللي اشترت وقد ايش اشرترت هذه الشركات - كم كان النوقع حق المبيعات وكم الفرق بين الواضع والتوقع
برضو يقدر يسوي قاعدة بيانات للموظفين اللي عندو اسمائهم - وظائفهم - رواتبهم - علاواتهم - اجازاتهم وغيرها من المعلومات طبعا ابو عزيز مبسوط جدا وصار من تاجر غنم لواحد قدامه جاهز وقاعدة بيانات وحركات ومين قدك يابو عزيز ..

ابو عزيز ناوي يعمل خطة استراتيجية لخمسة سنين قدام...مين راح يعمل له هي؟ اكيد وسوس

ابو عزيز ناوي يحسن العلاقة بينه و بين الموزعين المعتمدين له بحيث انه يقنعهم يشتروا منه أكبر كمية ممكنة و كل الطرفين ما يخسروا.....المهندس وسوس زبط له الموضوع باستخدام supply chain management

[Baf]

بختصار
الهندسة الصناعية : هي هندسة ادارة مشاريع
اول ايام التخصص خلاص تنسى الهندسة الفعليه .. حيث غالبا عندما تسمع كلمة مهندس يدير في ذهنك ان هو من صمم البيوت .. صمم الطرق .. صمم الالات .. هو من يدير هذه الالات

اما المهندس الصناعي .. فهو تخصص جميل .. حيث يتكلم التخصص عن كيفية دراسة جدوى لمشروع ..
كيفية حسابات المشروع ..
كيفية زيادة ربح المشروع بأقل تكلفة
كيفية اختيار مشروع
كيفية اختيار موزعين للمشروع
كيفية التحكم في جودة المشروع

وكل هذه تعتبر مواد ادارية بطريقة هندسية

من اهم مواد اساسية للهندسة الصناعية هي:
(الاحصاء الهندسي بمستويه + كتابة التقارير في مادة مقدمة في التصميم الهندسي + بحوث عمليات 1 + الادارة الصناعية)
فتعتبر هذه المواد ماهيا الا اساس للهندسة الصناعية

اما عن مستوى الدراسة .. فهو نوعا ما جيد .. ليس بالسهل وليس بالصعب
فأن اهملت حتضيع .. وان اجتهد راح تحصد ثمرة اجتهادك

اللغة الانجليزية مهمة جدا جدا جدا في القسم

اغلب الدكاترة متعاونين نوعا ما

واخيرا .. فأن القسم من اكثر الاقسام المرغوبة في سوق العمل

[البرق الاصفر]

اموووووووووت في وسوس انا

مرررة نايس القصة وبصراحة بينت اشياااء كثيرة
خلتني احس اني في الحياة العملية وكيف استخدمت المواد مع ابو عزيز

مشكوووووووووووووووووووووووووووووور
وسوس المستقبلي p:

[اسامـــه]

مالك معاذ وbaf انتم اقوى ناس في المنتدى