هام: الإرشاد الاكاديمي من الدكاترة يبدا غدا الاحد

[AhmadASG]

السلام عليكم ورحمة الله وبركاته

قابلت احد دكاترة الهندسة الكهربائية اليوم وقال الارشاد الكاديمي راح يبدا من بكرة الاحد ان شاء الله لمساعده الطلاب في جداولهم وحتى لا يضيع الاسبوع الجاي في مثل هالامور ويستغل في الدراسه

فاي واحد محتار او خلاص ناوي على جدول معين يروح للمشرف حقه او اي دكتور في نفس قسمه ويستشيره ممكن يكون في قرارات او امور تعدلة في الخطة مثلا

وبالتوفيق للجميع ان شاء الله

[اسامـــه]

طيب نحن المستجدين عندنا مرشدين ولا ماعندك احد لأن سمعت من كذا واحد انه ماله داعي يعني انت تقدر تشمي بدون مساعدته
ماودهم يخلون الدراسة ثاني اسبوع

[AhmadASG]

المشاركة الأصلية كتبت بواسطة اسامـــه طيب نحن المستجدين عندنا مرشدين ولا ماعندك احد لأن سمعت من كذا واحد انه ماله داعي يعني انت تقدر تشمي بدون مساعدته ماودهم يخلون الدراسة ثاني اسبوع

والله ما ادري بس ما اعتقد ... لان مشاكلكم قريبه وغالبا تمشي على الخطه بالملي

المشاكل تجي لما تتخصص وتطلع عن الخطه

وبالتوفيق ان شاء الله

[بدر 2000]

بالله عليك كيف نقطع اجازاتنا ونجي الجامعه

انا عن نفسي حتى لو كنت في جدة ما راح اجي
قال نستغل الوقت قال هههههههههههه

[أمير الوجدان]

طيب فين مكتب مرشد هندسة الاتصالات والالكترونيات
انا بصراحة متوتر اني اروح لأي مرشد بسبب كلام بعض الطلاب لأنهم يقولون ما راح يفيدك او راح يصرفك او يرد لك بدون نفس
فحاب اسأل عن اسلوب تعامل المرشد واخلاقياته
وشاكر لكم

[AhmadASG]

المشاركة الأصلية كتبت بواسطة بدر 2000 بالله عليك كيف نقطع اجازاتنا ونجي الجامعه انا عن نفسي حتى لو كنت في جدة ما راح اجي قال نستغل الوقت قال هههههههههههه

براحتك لكن نصيحه اخويه من طالب متخرج ... روح حتى ماتتعب بعدين

على اخر سنه تكتشف انه مثلا في ماده ماتنزل الا ترم معين او انه غيرو خطة او اي شي

امووووووووووووووور كثير ماراح توضح معاك الا بجلسه مع المشرف ويشيك على الخطه بشكل كامل

واعرف شباب جلس ترم كامل عشان ماده او مادتين فقط والترم اللي قابله كان تقريبا فاضي ومنزل 12 او 13

وبخصوص استغلال الوقت للمعلومية كل ترم اغلبية الدكاترة وخاصة مواد التخصص يبدو من اول يوم واذا تاخر من ثاني محاضره ... ودائما الطالب يكون الخسران من عدم حضور المحاضرات الاولى (بسبب الحذف والاضافه) اللي العاده تكون هي الاساس ==> فاللي يصير حاليا لمصلحة الطالب

المشاركة الأصلية كتبت بواسطة أمير الوجدان طيب فين مكتب مرشد هندسة الاتصالات والالكترونيات انا بصراحة متوتر اني اروح لأي مرشد بسبب كلام بعض الطلاب لأنهم يقولون ما راح يفيدك او راح يصرفك او يرد لك بدون نفس فحاب اسأل عن اسلوب تعامل المرشد واخلاقياته وشاكر لكم

والله شوف ماراح اقول الكلام خطا بشكل كامل ... الموضوع على الانشغال اذا شاف زحمه ماراح يفيدك كثير وبيركز على المشاكل الكبيره ==> وصراحه كطالب حاسب ماقدر مر علي بالعكس بعضهم الله يجزاه بالخير يحاول يخدمك بشكل كامل حتى اوقات يروح معاك للرئيس القسم واذا ماحصله يدق عليه جوال وبرضو اذا في تعارضات مع دكاتره يدق على الدكاتره ويحاول ينسق ... واذا كان مشغول او الموضوع يطول مثل التشيك على الخطة يقول هات كشف الدرجات والخطة وتعال بعد يوم

لكن الان على العموم راح تحصل الدكتور فاضي غالبا في هذا الاسبوع

وموضوع يرد بدون نفس ما اعتقد لانه في كثير دكاترة مطنش الموضوع وتحصل عند مكتبه ورقة يقول روح للفلان للارشاد الاكاديمي ... فاللي موجود راح يكون بطيب نفس منه حتى يفيد الطلاب

بخصوص الالكترونيات اللي شايفه متواجد اليوم الدكتور منتصر الشيخ تقدر تروح له المكتب

[صقرر]

المرشد الاكاديمي غالبا يكون للمتخصصين فقط

اما المستجدين فالشؤون التعليمية هي المسؤولة عنهم

[قائد بلا جنود]

المشاركة الأصلية كتبت بواسطة اسامـــه ماودهم يخلون الدراسة ثاني اسبوع

خخخخخخخخخخخخخخخخخخخ

الناس يقولون من أول محاضرة وأنت تبيها ثاني أسبوع

ثاني أسبوع بيكون كويزات يا حبيبي وحل يا شاطر

المشاركة الأصلية كتبت بواسطة AhmadASG براحتك لكن نصيحه اخويه من طالب متخرج ... روح حتى ماتتعب بعدين على اخر سنه تكتشف انه مثلا في ماده ماتنزل الا ترم معين او انه غيرو خطة او اي شي امووووووووووووووور كثير ماراح توضح معاك الا بجلسه مع المشرف ويشيك على الخطه بشكل كامل واعرف شباب جلس ترم كامل عشان ماده او مادتين فقط والترم اللي قابله كان تقريبا فاضي ومنزل 12 او 13 وبخصوص استغلال الوقت للمعلومية كل ترم اغلبية الدكاترة وخاصة مواد التخصص يبدو من اول يوم واذا تاخر من ثاني محاضره ... ودائما الطالب يكون الخسران من عدم حضور المحاضرات الاولى (بسبب الحذف والاضافه) اللي العاده تكون هي الاساس ==> فاللي يصير حاليا لمصلحة الطالب

كلام سليم 100%

المشاركة الأصلية كتبت بواسطة صقرر المرشد الاكاديمي غالبا يكون للمتخصصين فقط اما المستجدين فالشؤون التعليمية هي المسؤولة عنهم

الشؤون التعليمية وين أحصلها؟؟ في أي مبنى؟؟ وش الاوراق اللي أجيبها معاي غير نسخة الخطة الدراسية؟؟

[مهندس الزعيم]

والله معليش يا اخوان بلا مرشد اكاديمي بلا خرطي انا كل ترم افرفر في اسياب الكلية من الساعة 8 الصباح الى الساعة 3 والمرشد الاكاديمي حقي ولا تنازل وحضر الى مكتبه وقام بواجبه لكنه نايم في سابع نومه وةساحب على الطلاب طبعا الكلام هذا في الاسبوع الاول حق الحذف والاضافة اما الاسبوع اللي قبل الدراسة فاتحدى اي مرشد اكاديمي او اي شخص يكون في الكلية ...

انا بالنسبة لي الان تلخبطت وماني عارف اش انزل وايش اخلي وودي بمرشد اكاديمي يعطيني الخطة ويوضحلي لكن للاسف كلهم خارج الخدمة في الاسبوعين الاولين من الدراسة ..........

[قائد بلا جنود]

^^^


الله يكون في العون من هالمرشدين الاكاديميين