جدولي خلصتو , أبغى رايكم ^^"

[Pr!ncess]

xXx السلام عليكم ورحمة الله وبركاته xXx


كيفكم جميعا إن شاء الله بخير ؟
بنات أنا خلصت جدولي دحين وأبغى رايكم فيه
أدري كفايه علي بس حأمشي بالترم ؟
لأني متأخره والانزيم قفل علي الترم اللي فات
وكمان شعب الأحياء الدقيقه قفلت علي ><
وامممم ايوا تنصحوني بمادة مصطلحات لغويه ؟ وكيف نظام اختباراتها ؟
ومادة تطبيقات حاسبويه , كيف اختباراتها ؟

[بيو كيميائية ^_^]

وعليكم السلام

جدولك حلو وخفيف نوعًا ما

[Pr!ncess]

{ اها خفيف نوعا ما <<< يعني نص ونص
اوكي ما عندك خلفية عن مادتي المصطلحات والحاسوبيه ؟
ومشكوره على التعقيب ~

[بيو كيميائية ^_^]

المطلحات سهلة

والحاسوبية سمعت سهلة كلها عملي

[Pr!ncess]

{ اوكي طمنتيني شوي
انزين سؤال أخير <<< ما تنعطى وجه :p
كيف نظام الاختبارات في المادتين ؟ ~

[Aziza Yahya]

حاسوبيه جدا رائعه وانا اخذت 97 انا عن نفسي احب الحاسب وما اخليه يعقدني لان الحل بين ايدي هي على حسب الترم الي فات كانت 5 برامج تؤخذ خلال الترم يعلموننا كيف نرسم المركبات الكيميائيه اول برنامج اسمه سيمكس ما راح تعرفيه الا لما تاخذي الماده لانه جديد علينا كلنا بس والله حلو وسهل لا تخافي هم بيعلومنا كل اداه وكل ايقونه ايش وضيفتها بس خليك شاطره واكتبي شرحها كلمه بكلمه لانه ما في مرجع يعني حاولي تسمعي وتكتبي اهم شيء اكتبي كل ايقونه ايش وضيفتها لان البرنامج جديد عليك ويكون نهاية كل محاضره نشاط تعطينا شكل مثل الجلوكوز وتخليك ترسميه على حسب البرنامج ما حتفهمين انا ايه اقول الا لما تاخذي البرنامج بس والله سهل لا تخافي وهم بيعلموك لكل شيء حتى تطفشي بس لااااااازم تكتبي كل كلمه ثاني برنامج يعلموك كيف ترسمي الشكل الفراغي الثلاثي طبعا البرنامج لما تاخذي بيشرح نفسه بس لااازم تكتبي كل شيء عشان نفسك لان الماده بناخذها من اسبوع لاسبوع والمعلومات اكيييد تتبخر ثالث برنامج يعلموك كيف تعملي تفاعل بالصور بس تااافه يمكن كلامي معقد بس والله البرامج سهله لانهم حيعلومك عليها مثل اي لعبه :) ما نعرفها الا لما نعرف كيف طريقة اللعب رابع برنامج اللوورد حتعملوا كتاب يعني حيعلموك كيف تسوي فهرس وفصول وصور والادراج يعني اشاء جديده بس سهله يمكن ما علموها لنا في الثانويه بس حتحسين نفسك انك تطوتي وعرفتي شيء جديد خامس برنامج البوربوند هذا يعتمد على الحركات يعني يعلموك كيف تحري المركبات وكيف تدخليها وتخرجيها وتخفيها لا تخافي هم حيعلموك كل شيء خطوه بخطوه وسلامتك طبعا لكل برنامج واجب واختبار نصفي تاااافه نسخه من الواجب واختبار نهائي وعرض حتى العرض ما يبغوك تتكلمي العرض يمشي وانت ساكته لانه تفاعل بيصير وهم يشوفوا فقط اكييد كلامي في بعض الشفرات الي مو واضحه بس والله الماده سهله بس تبغى طولة بااال وحب للكمبيوتر وكتابه الشرح اول باول

أنا منزله الماده دا الترم بس شعبه تانيه

والاقتباس رد ترانيم الكفاح من البنات هنا في المنتدى في موضوع تاني ^^

بالتوفيق يارب

[Pr!ncess]

{ مشكوره يا خيتو ^^
أنا أحب الحاسب الصراحه والحمد لله إنها كلها تتعلق بيه
مشكوره مرة تانيه ~

[Aziza Yahya]

^
مصطلحات تعتمد ع الحفظ لأنو مصطلح طبي ومعناه مره لا تراكمي الدروس فيها

انا لسا مانزلتها بس شوفت صحباتي الترم اللي فات

[Pr!ncess]

{ اوكي , ايه سمعت بنات يعانوا من الكلمات وحفظها
بس نزلتها لأنها مفيده بالتخصص وكتير قالوا إنها من أهم المواد الاختياريه :) ~

[عجزت أنساك]

انا معاكي بالايض والمصطلحات ^__^