البرنامج الارشادي

[Angelitta]

أنا رحت الحمد لله ..

والهرجة بالتفصيل ..

رحت الساعة 8 ..

شافو البطاقة وبعدين كل بنت تكتب اسمها ورقمها الجامعي وموبايلها وميلها في ورقة ..

بعدين دخلنا لقاعة المؤتمرات ..

كل شويا يدخلو بنات لدرجة جا وقت القاعة فل والبنات بيجلسو على أرض المدرجات مو ع الكراسي ..

طبعا دا فوق لأني كنت فوق ..

مني فاكرة الفقرات بالترتيب ..

لكن كان محاضرات وبينها فواصل ..

حــ أقول اللي أتذكرو والمفيد منو إن شاء الله ..

من المحاضرات ..

محاضرة عن السنة التحضيرية والأودوس وكيف نتعامل معاه ..

جايبين الموقع وكل بند يدخلو عليه ويقولو إش هرجتو ..


محاضرة عن قوانين الجامعة يقولو ع اللبس والممنوعات من كاميرا وغيرو ..

اتكلمو مررا كتير عن أزمة الدكاترة مع الطالبات والعبي والريحة :)

بينو إنو إنتو منتو مدرسة جامعة يعني تمشو بين المباني وفي الحر ..

ولمن ما تفكو العبي الروائح الفنانة تتراكم مع المشي وتخشو الكلاس ..

والدكاترة اللي حامل ممكن تولد من الريحة >> صراحة دي من كيسي :)

محاضرة عن الطالبة المثالية اتكلمو عن تنظيم الوقت والمذاكرة أول بأول ..

وبرضو عادو على الريحة ..

شكلو موضوع مجننهم :)

معاهم حق صراحة الله يعينهم بس ..

أكتر شي ضحكني ..

الدكتورة تحكي تقول سألت وحدة من الطالبات كل قد إيه تغسلي عبايتك قالت في الشهر مرة وحدة ..

اتجننت الدكتورة وقالتلها حرام عليكي كل يوم تلبسيها وتمشي بيها ..

يعني كأنو لبس اتخيلي تقعدي بي شهر ..

محاضرة عن كيف تحددي ميولك كانت مختصرة بس وضحو إنو في مكان معين في الجامعة ..

واحد من المباني نروح هناك لو نبى نعرف ميولنا يدونا ورقة فيها أسئلة نجاوب ونعرف الأقرب لنفسنا ..

محاضرة في البداية ترحيب بينا وعن أساس جامعة المؤسس الله يرحمو ..

اتكلمو فيها عن الجامعة عموما وفخرهم بينا وبنفسهم لأننا منها ..

وإنو لازم نحافظ على مكاننا فيها ..

في محاضرة مرا حلوة استفدت منها كتير عن التخصصات ..

قالو فيها كل أقسام الجامعة ..

وبعدين كل تخصص وإش متطلباتو من معدل أو درجة معينة في بعض المواد ..

وكل تخصص بينو مساراتو ..

وإش الوظايف أو المستقبل المهني لدا التخصص ..

استفدت منها كتير الحمد لله وسجلت النقاط اللي تهمني في التخصصات اللي أباها مع الدكتورة ..

عشان أعرف وأشد حيلي طبعا :)

محاضرة عن معهد اللغة الإنجليزية اتكلمو فيها عنو ..

وعن الأشياء اللي ندرسها في الإنجلش كل شي من تقسيم الدرجات والمستويات وغيرو ..

بس دا اللي اتذكروا صراحة وهوا المهم ..

واعذروني لو نسيت شي ..

إمممم ..

نجي للفواصل ..

كان في مشهد ما ركزت ولا حطيت بالي معاه >> مع القروب مو لله :)

أغنية راب عن قوانين الجامعة اتحمست معاها بزياااااادة والكل كمان ..

وطلبنا اعادتها وعادوها ..

غناء براء عالم مين هوا ما أدري بس لقطت اسمو لأنو عجبتني الأغنية ..

ما فيها شي جديد بس لأنو بيقول القوانين باللغة العربية الفصحى وراب >> يا حبيييبي :)

طبعا في بنات يرقصو عليها راب مع إنو مو مررا فنانين بس ونسوونا ربي يسعدهم ..

في بنت عاملة إنها مكااوية من أبو قديم ولابسة لبس عجايز وتقول إنها ستي فتو وحاطة باروكة شعر عجايز والله العالم بس دا اللي أتوقعو وملونة حواجبها برمادي وأبيض وتقلد مشي العجايز ..

أنا صراحة من فوق على بالي إنها منجد دكتورة وعجوزة بس تستهبل لأنو مو باين ..

لكن بعدين قابلتها برا وعرفت إنها بنت مو عجوزة ..

رقصت معاهم بطريقة مضحكة بس عشان نضحك ..

وكل شوية تطلع بين المحاضرات تستهبل شويا ..

مع إنو شويا زودتها ..

بس يلا أكيد اتونسو البنات منها ..

كان في برضو مسيرة لطالبات متطوعات إنهم يساعدو المستجدات طبعا من مختلف التخصصات ..

وشوية أناشيد يشغلوها وبث ..

طبعا تخرجي لو طفشتي تبي تتمشي ..

عندك الحمامات الله يكرمكم ..

وفي بوفيه بسيط للطالبات مجاني طبعا غير الكافتيريا اللي وأنا خارجة انتبهت لها وبعد إيه :)

في البوفيه ساندويشات توست وأشياء خفيفة ما ركزت عليها كلها ..

وبتي فور برضو وعصيرات وموية ..

لو برضو تبي تتسلي أو تسألي وتستفسري ..

حاطين زي الأركان لكل قسم وللبريد ( واصل ) ولمعهد الإنجلش وكتير أشياء ..

تروحي تسألي أو تآخدي ..

إما مطويات وأوراق عن القسم والتخصصات ..

وبرضو قلم وكوب وشوكلت ..

أحلى شي جواهر ربي يسعدهم جات في وقتها ( شوكلت طبعا ) ..

من الأشياء اللي أفادتني وحدة من المطويات فيها مباني الجامعة ..


وملونين المباني اللي ندرس فيها أو بالأصح خاصة بالدراسة بلون معين وبأرقامها تسهل كتير ..

مبينين كل مرفقات الجامعة من بنك ومسرح ومكتبة وغيرو ..

أما المباني فــ تساعد كتير ..

حتى صحباتي اللي مرا معايا من القروب ما حضرو كل وحدة لظرف معين أخدت لهم ..

لإنها مفيدة نقدر نآخدها ونمشي بيها وقت ما نبا نروح لمحاضراتنا مؤقتا طبعا إلين ما نتعود ونحفظ كل شي ..

وعن السحب ..

قليل بنات أدوهم أوراق وسجلو معلوماتهم ودخلو في السحب والله أعلم بالفايزة ..

صراحة ما عندي فكرة كتير عن السحب لأني ما اشتركت ولا أدري عنو ..

وزعو استبيان خلال وحدة من المحاضرات ما اخدت منو فــ أعتذر ما أعرف عنو ..

خلص طبعا على أساس إنو الساعة 3 ..

بس صراحة فجأة كل صحباتي بدأو يروحو ..

فــ رحت أنا كمان الساعة 1 وعشر دقايق ..

أعتذر ما أعرف بإيه أنهو اليوم لكن دا كل شي باختصار مفيد ..

وأتمنى أكون أفدت اللي ما حضرو ..

بس صراحة بخلاف بعض البنات اللي حضرو وما استفادو استفدت ..

ما أقول إنو ما في أشياء مكررة في كتير وفي أشياء نعرفها زي في الموقع وكدا ..

بس أكيد غيري استفاد لأنو في انتساب معانا وفي أمهات منهم حضرو وبعضهم بأطفالهم ممكن ما يعرفو وعرفو وقتها ..

واستفادو والحمد لله ..

أمممم وبث ..

مــع حــبي ..

Angelitta

[ربيع الورد]

تغطيه ممتااازه الله يعطييكي العافييه ^^

[چـﮯـۋډۑ]

يعطيكـ مليـــــؤؤؤن ع ـــــآفيهـ ع آلتـ غ ـــطيهـ
بصـــرآاآح ـــهـ انا فاتني مع حوسة التخصصآتـ
كـآن ودي آحضرهـ بس للآسفـ مآ مدآاآنــــي

خصوصآ آني كنت بدآومـ بآلسلآمهـ
ومآ آع ــــرف آلـ ج ـــآمعهـ كثـــير

تقدري تصوري لي آلمطويهـ
وآكون شآكرة لكـ

[نانواا]

الله يجزاك خير صحيح أنا مارحت بس من كلامك كأني رحت مشكووووووووووورة ياقلبي .

[Angelitta]

ربيع الورد و نانواا ..

يعافيكم ربي :)

حاضرين وفي الخدمة ..

[Angelitta]

جودي ..

من عنوني يا دلبو ..

والله على طول قريت ردك ورحت صورتها ..

هيا اتنين ..

وحدة ورقة والتانية مطوية ..

وكلها ملونين مباني الفصول الدراسية بلون عشان نعرف ..

دي هيا وإن شاء الله تكون واضحة ..

دي الأولى وهيا الورقة ..

http://arb-up.com/3f1f5dqp08yh/22092010558.jpg.html

التانية وهيا المطوية ..

http://arb-up.com/2cjgk40hsc49/22092010560.jpg.html

وأتمنى أكون أفدتك وأفدت الجميع يا رب ..

بالتوفيق للكل ..

[Angelitta]

الأولى المباني اللي بالأصفر هيا اللي للدراسة ..

والتانية اللي بالبنك ..

وبالتوفيق أقين ..

إن شاء الله بس واضحة ومفيدة :)

[jody 66]

مرآآآآ يسسسلمو ..

وبصراحه تغطيه ممتآزهـ ..

يعطيكي الف عافيه ..

ممكن تصوري المطويه

[jody 66]

ياعسسل انتي بالجامعه ولا السلامه

[Angelitta]

يا دلبو صورت المطوية اضغطي ع الرابط تجيكي واضحة إن شاء الله ..

وإلا تبيني أحطها رابط مباشر ..

إتز أوكي قوليلي ..

أستناكي ..