اود افادتي يااخواني قسم الاعلام من المستوى الرابع واعلى الله يوفقكم

[ابو ماجـد]

السلام عليكم اخواني انا في المستوى الرابع قسم علاقات عامة منتسب وقد سددت الرسوم بتاريخ 17/10/1431هـ مع انه لم يظهر موعد السداد بالتقويم الجامعي ولا مواعيد الدراسة لنا يالمنتسبين لهذا العام الى تاريخ ارسالي لكم ولم يظهر لي الجدول ولا الحذف والاضافه ونحن اليوم بتاريخ 20/10/1431هـ ماادري ماهو السبب هل احد منكم اخواني من المنتسبين بالقسم ظهر عنده الحذف والاضافه والجدول ام لازال ارجو افادتي مع تمنياتي لكم بالتوفيق والسداد ولابد من التعاون مع بعضنا انشاءلله وابشرو بالملخصات الي تعجبكم والتعاون بما بيننا بما يفيدنا جميع والله من وراء القصد ودمتم انتظر ردودكم

[dely911]

والله العرض مغري بخصوص الملخصات المفيده
عموما لاتستعجل معانا وقت طويل وتراهم سايبينا على راحتنا
بالذات في موضوع الحذف والاضافه وفرصه لمعرفة الدكاتره
ومعاك حتى بعد حضور الدورات التأهيليه يعني لاتفكر ولا تشغل نفسك
وحضور الدورات مهم جدا لانه في اشياء محذوفه بالكوووم.

[NAMSH]

فعلاً عرضك مغري ولا تنسانا من المحذوف والمحدد لأننا من الرياض بعيديييين . وبالنسبة لموضوعك ترى مره بدري على الجدول وعلى الحذف والإضافة مره بدري وأنا مثلك ما طلعلي شيء .. وبالتوفيق للجميع ..

[هدد طي]

الله يوفقك ياابو ماجد
وبصراحه مااقدر اضيف شي ع كلام الاخوان
افادوك اكثر مني ... بس لاتخلينا من الملخصات
لاننا مانقدر نحضر الدورات

[somey911]

المشاركة الأصلية كتبت بواسطة ابو ماجـد السلام عليكم اخواني انا في المستوى الرابع قسم علاقات عامة منتسب وقد سددت الرسوم بتاريخ 17/10/1431هـ مع انه لم يظهر موعد السداد بالتقويم الجامعي ولا مواعيد الدراسة لنا يالمنتسبين لهذا العام الى تاريخ ارسالي لكم ولم يظهر لي الجدول ولا الحذف والاضافه ونحن اليوم بتاريخ 20/10/1431هـ ماادري ماهو السبب هل احد منكم اخواني من المنتسبين بالقسم ظهر عنده الحذف والاضافه والجدول ام لازال ارجو افادتي مع تمنياتي لكم بالتوفيق والسداد ولابد من التعاون مع بعضنا انشاءلله وابشرو بالملخصات الي تعجبكم والتعاون بما بيننا بما يفيدنا جميع والله من وراء القصد ودمتم انتظر ردودكم

الله حي ابو ماجد وما يجي منك الا كل طيب. ياطويل العمر انا سددت مثلك ومانزللي شي ومن الخوف ان الدراهم تروح سويت معاملة الكترونية ولا ردو علي بس الظاهر ان جداول الانتساب تنزل بعد الانتظام عشان مايصير ضغط على السيرفر هذا اللي احسه وانا مادري اذا هالشي صحيح ولا لا وان شا الله يفيدوننا الشباب